بصراحة يا ياميرتنا فجرتي بركان ومعلومة غريبة
واعطيتنا امل كبير بحالتنا الميؤس منها
معقولة ولا تمزحين بطاطس نيءة ياترى ما تؤثر على المعده
هل صحيح تبان النتيجة من ثاني يوم ...وصحيح انها تورد الخدود
لو كنتي قدامي كنت قلت لكي اعطيني كف عشان اصحح
اذا شفت نتيجة راح ادعيلك ليل نهار
بس قوليلي كم حجم البطاطة الي ناكلها كل يوم ..ويعطيك الف عافية

مشكووووووووورة اختي أميرة البركانية
والله انا محتاجة اسمن لكن مدري كيف باكل البطاطا نية
الله يعييييييييييييييييييييييني

مشكورة اخت اميرة
بس البطاطا النيئة متاثر على البطنsid sid sid

تدرين يا اميرة
انا لما كان عمري 10 سنوات كنت اروح اكل بطاطا نيئة ... ما كنت ادري عن فوائدها و بالعكس كنت اتخيل الها مضار.. بس كان طعمها يعجبني مرة على فكرة محد قاللي اكلي و كانت امي تعصب لما تشوفني اكله نئ
و اليوم لما قريت كلامك رحت رجعت لايام اول اكل بطاطا نيئة بس حسيت طعمها تغير شوي و كان فيها مرارة....
بس ماعليه
استحمل
بس لو لاحظت ان جسمي متن خلاص بوقف لاني بس ابغي خدودي تكبر مش جسمي كامل

اختي أميرة بركانية .. انت تقصدين البطاطس و الا البطاطا الحلوة ؟؟!
و هاذي الوصفة تملي الويه و الجسم و الا الويه بس !؟
الله يخليج جاوبيني .. ترى أنا وايد ضعيفة و ابا امتن في كل شي !!!
و مشكوووووووووورة وايد ..
ترى أنا امجربة وصفات أخس من هالوصفة و ........ عادي .!
مرغم أخاك لا بطل .!

هلا فتون الحلوة .. إن شاء الله تستمرين من ألحين ..و أتمنى لك التوفيق إن شاء الله.

أهلاً بارعة الحمد لله أتمنى إني أكون أفدتكم و فكرتك بارعة مثلك في شرب العصير علشان يغطي على طعم البطاطا.. أما بالنسبة لبنتك فكري في طريقة و البنات ما شاء الله عليهم حطوا أفكار شوفي اللي بيناسبك و الأطفال غالباً بيحسون طعمها غير عن اللي نحن نطعمه لأن التذوق عندهم غير عنا .. فما بتلقين مشكلة في تأكيلها إن شاء الله.

عزيزتي أميرة 888 مشكورة وايد على كلامج الحلو و الله يوفقج و يحقق أمنياتج في الدنيا و الآخرة .. الله معاج و إن شاء الله تمر لحظة أكلها بسرعة و ما تحسين فيها.

أهلاً domoo3 ما أعتقد إنها تسمن الجسم لأن البطاطا المقلية هي اللي تسمن الجسم أما النيئة فتكون غنية بالماء و المعادن المفيدة .. و على راحتج شوفي بنتج قبل و تأكدي .. و تمنياتي لج بالتوفيق.

مرحبا بنت الحوراء أعتذر لأن أمس كان عندي مشكلة في الاتصال بالانترنت و بجاوبج ألحين البطاطا النيئة تسمن الخدود أكثر بالنسبة للجسم ما تأثر فيه بس بتخلي منظره صحي مثلاً إذا كانت عروق الجسم من النحافة بارزة بتختفي إن شاء الله و إذا كان الجسم جاف و باهت بيصير شكله صحي و طري .. يعني بيمد جسمج بالقوة إن شاء الله. و البطاطا المقلية هي اللي تسمن الجسم لأن الدهون تكون فيها زايدة أكثر عكس البطاطا النيئة اللي تكون غنية بالماء و المعادن أتمنى أكون أفدتج.. تمنياتي لج بالتوفيق.


دهن_العود ما شاء الله عليج أنصح كل بنات المنتدى يجربون خلطتج و إن شاء الله كلهم يكونون شكلج و يتشجعون على طول .. تحياتي لج.

أهلاً رمز العطاء عزيزتي تراني أخذت اسمي من عنوان أسطورة أجنبية عن أميرة حلوة كانت تطلع من البراكين و تساعد الناس و كانت جميلة جداً ،المعلومة صحيحة و وايد شعوب يطبقونها بس لازم تستمرون عليها و حسب طبيعة بشرة كل وحدة منكن إن شاء الله بتتوردن بالنسبة لحجم البطاطا المتوسطة أفضل بس إذا حبيتِ طعمها فعادي إذا أكلتي اللي حجمها أكبر خصوصاً إذا كان نفسج فيها.. و إن شاء الله تحبونها.

مزنة شوق عزيزتي إن شاء الله تسمنين و تسمن خدودج بعد خلي عندج جرأة و اتكلي على الله و جربي علشان تفيدج الله يوفقج يا رب.

هلا عزيزتي الذاهبة بصراحة أنا تعودت معدتي عليها و اللي بتحس إنها أثرت على بطنها فالأفضل تخليها.. حسب طبيعة بطن كل وحدة فيكم اللي بتتقبلها الحمد لله .. و اللي بتحس إنها أصيبت باسهال يا سمح الله أو امساك فمعناه إن بطنها ما يتقبلها.. فأنتوا في البداية جربوا حبة بطاطا صغيرة إذا ما أثرت فيكم خذوا حبة متوسطة و إذا أثرت خلاص لا تأكلونها بعدين تقولون أميرة بركانية قالت.. و تحياتي لج.

الكتكوتة أحييج على شجاعتج و فعلاً التذوق اختلف يوم كنا صغار كنا نحس إنها أطيب و ألذ و ألحين كبرنا و كبر معانا الذوق.. بس لا تحاتين الجسم لأن البطاطا المقلية هي اللي تسمن بسبب الدهون اللي فيها أما النيئة فغنية بالماء و المعادن .. و جربي خلطة الغالية دهن_ العود أحس فكرتها وايد ممتازة و بعد أفكار العضوات الغاليات ممكن تساعدج.. و تحياتي لج.

عزيزتي يائسة خبرتكم في الملاحظة إني أقصد البطاطا العادية و ما أقصد البطاطا الحلوة، و وصفتي للوجه و تخلي الجسم صحي و أقري ردي على بنت الحوراء بيفيدج، و إذا تبين تمتنين إكلي بطاطا مقلية كل يوم + العصير اللي خبرتج عنه قبل.. تحياتي لج .

اميرة
تصدقي صار لي فترة وانا اكل البطاطا من يوم رديت عليكِ اول مرة
موب مداومة عليه ... يعني ساعات هي و ساعات لا .. ساعات بطاطا كبيرة و ساعات نصف و ساعات ربع بطاطا
وبالفعل غير شكلي .. فقط وجهي مو جسمي ! حسيت ان مفعولة يبين خلال يوم واحد فقط يخلي البشرة تبدوا صحية و منفوقة شوي
لكِ كل الشكر يا غالية ماراح انسالك هالجميل
واخوي شافني اكل بطاطا و قاللي انه هو ايضا يحب البطاطا النية ! و حتى قاللي قصي لي قطعة ابغي اكل! يعني هذا دليل على ان طعمها زين
وخل باقي البنات يتشجعوا و كفاية دلع
اللي يبغي الدح ما يقول اح
بالمناسبة بس اول مرة حسيت انها مرة بس الحين احس طعمها عادي
بس اذا كلتها مع قشرتها بتستوي مرة
يللا بنات
توكلوا على الله

الله يخليكن هذي الوصفة ماتسمن تراني مو ناقصة زيادة وزن

فرحت جداً من كلامج يا الغالية الكتكوتة.. و أحييج على ردج الحلو.. و الحمد لله إن كلامي وصل فوصفة البطاطا فعلاً تخلى الوجه يصير أحلى و شكله صحي و يملي الخدود.. يا الله يا بنات الكتكوتة أثبتت لكم إن البطاطا النيئة ظهر مفعولها معاها في يوم واحد فقط، علشان تتأكدون إن وصفتي صحية و ملحوظة و ما فيها عسر هضم و غيره و الأجانب يأكلونه عادي.. برافو عليج يا الكتكوتة و لا شكر على واجب نحن أخوات و كلامج الطيب ما بنساه أبداً عزيزتي و تحذري من أخوج اللي يحب البطاطا فيه دراسة تقول إن نسبة جمال الذكور في دول الخليج أكثر عن نسبة جمال الأناث .. أكلي بطاطا علشان نحلو نحن البنات أكثر عنهم صح، و إذا تبغون أي وصفة إن شاء الله حلّها بيكون عندي و جزاج الله ألف خير غاليتي الكتكوتة.
ـ عزيزتي البشائر أعود و أكرر ( البطاطا النيئة ) ما لها علاقة بالسمنة و زيادة الوزن أبداً .. و الكتكوتة أثبتت لكم بعد إنها تملي الوجه فقط، أما ( البطاطا المقلية ) المشبعة بالزيوت فهي اللي تزيد الوزن، أي سؤال آخر أنا حاضرة عزيزاتي

مشكووووووووووووووووووووووووووره اميره بركان
اليوم بابدا ان شاء الله
وراح ادعيلك لو كان فعلا تسمن الوجه
تصدقين انا نحفانه حيلللل
وجهي صاير ؟؟؟؟؟؟؟؟؟
لدرجه اني ما احب اروووح لا حد عشان مايعلقون
وين خدودك وين الوجه ليه شيذيه
ارجوك تشجعينيييييي