انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 15 1234511 ... الأخيرالأخير
عرض النتائج 1 الى 10 من 142

الموضوع: اللي تريد وجهها يصير أحلى و مليان و مورد تتفضل

  1. #1
    تاريخ التسجيل
    Jun 2002
    الموقع
    الإمارات
    الردود
    63
    الجنس

    Wink اللي تريد وجهها يصير أحلى و مليان و مورد تتفضل

    أهلاً عزيزاتي بنات المنتدى عندي لكم شيء خطير علشان يملي الوجه و يورد الخدود و بشكل خيالي .. لما كنت في العاشرة من عمري كان وجهي نحيف و شاحب و كان عندي صديقة إنجليزية في المدرسة و مرة تأخرت عليها السيارة فوصلتها لبيتهم و طلبت مني إني أسلم على أمها و دخلت و سلمت عليها .. فقالت لي بالإنجليزي إنتي وايد نحيفة .. فدخلت المطبخ و عطتني شيء آكله فقلت لها نحن ما ناكلها كذي .. لكنها قالت لي كليه و بيصير وجهك و جسمك بيوتيفل أي جميل فأكلت منه شوي و قالت لي كل يوم الظهر كلي منه في البيت .. فكنت أنتهز فرصة نوم كل من في البيت و آكل هذا الشيء بعد ما أقطعه بنفسي و هو موجود في كل بيت.. و بعد فترة وجيزة صار جسمي مليان و وجهي أملى و خدودي توردت بشكل خيالي لفت نظر الجميع.. و إن شاء الله بخبركن يا بنات عن هذا الشيء بشرط إنكم توعدني إنكن مستعدات للتجربة و عندكن عزيمة على هالشيء و للعلم فإن الأجنبية التي عطتني هذه الوصفة الفعالة من الريف الإنجليزي و كلهم يأكلونه و نفس الشيء الناس اللي يعيشون في الجبال و المزارع شوفو كيف وجوههم تضج بالصحة و موردة دائماً .. يالله وروني همتكن للتجربة و اللي بتهون ما بتلوم إلا نفسها
    و وحدة من صديقاتي كانت تعاني من نحافة الوجه و خبرتها بهالطريقة قبل ما تتزوج و صار وجهها قمر و تفاجأوا الناس منها
    آخر مرة عدل بواسطة أميرة بركانية : 16-11-2002 في 12:14 AM

  2. #2
    تاريخ التسجيل
    Oct 2002
    الموقع
    فوق السطح
    الردود
    1,416
    الجنس
    تكفيييييييييييييييييييييييييييييييييييييييين
    انا مااااابي شي يسمن الجسم لاني جسمي عاجبني
    بس ابي خدود
    اهي اهي اهي اهي
    انا من ضعفت شنت وذبل وجهيىىىىىىىىىىىىىىىىىىىىىىىىى
    تكفين والله ماانسا لج الفضل واظل ادعيلج من الحين للعشر الاواخر من رمضااان
    اتمنى اعرفها قبل لايجي العيد عشان افاجئ الناس
    كافي تحطيم اذبحوني وهم يقولون وجههك ضعيف حيل
    تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين تكفين
    لو تبين بعد من عيووني
    دارينووووووو

  3. #3
    تاريخ التسجيل
    Jul 2002
    الموقع
    الامارات الحبيبه
    الردود
    22
    الجنس
    والله حرام عليك اميرة بركااانيه


    الظاهر انج بتخلينا نطفح من البركااااااااان؟؟؟؟


    ننتظرج الغااااااااااليه باسرع وقت مع انه خدودي حلوة

  4. #4
    تاريخ التسجيل
    Oct 2002
    الموقع
    فوق السطح
    الردود
    1,416
    الجنس
    للحين ماعلمتينا اشهد
    اني بنفجر
    ارد اقولج تكفين تكفين تكفينعاد يلا بلا ذل
    خليج خوش بنت لمنتدى لك
    انت كريمه واحنا نستاهل
    دارينو

  5. #5
    تاريخ التسجيل
    Jun 2002
    الموقع
    الإمارات
    الردود
    63
    الجنس
    هلا دارينو الحلوة و مرحبا بنور الامارات.. و الله كسرتي خاطري .. فعلاً الوصفة اللي بقولها فعالة و تخلي الوجه يسمن و يورد و ما بمصخها مثل بعض العضوات اللي يحرقن الموضوع و يطولن بالوصفة .. و عزيزتي دارينو و نور الامارات بخبركن بشرط إنكن تتشجعن و تأكلنه مثل ما أكلته و لعلمكن يوم أم صديقتي قالت لي :eat ترددت و لاحظت هي هالشيء فأكلت منه جدامي و بنتها كانت بتخلص الصحن .. إذا تبغون ويهوكم تحلو و تملى إكلوا ............














    للعلم كنت آكلها و أقفل على نفسي باب غرفتي علشان ما أحد يعلق عليّ





























    و هو











    متوفر في كل بيت
































    بطاطا نيئة .. قشريها و إذا تبين تقطعينها قطعيها .. أنا ما كنت أقطعها و ذري عليها ملح .. ها شو رأيكم؟ بصراحة كنت خايفة آكلها بس من تذوقت طعمها عند أم صديقتي حبيتها و طعمها وايد حلو.. و قالت لي إنّ كل الناس اللي يعيشون في الجبال و الريف يأكلون الخضروات نيئة و البطاطا هي تخلي وجوههم مليانة و خدودهم موردة و نفس الكلام قالته لي وحدة من صديقاتي من بدو الأردن و فعلاً خدودها موردة و بشرتها حلوة و الناس اللي يعيشون في الجبال و المزارع يأكلون البطاطا نيئة .. يا الله يا دارينو الحلوة جربي و ما بتندمين و أنتي يا نور الامارات إذا تبين ويهج يصير منظره صحي جربي و بتشوفون.. بس إن شاء الله يعجبكم طعمها..تحياتي

  6. #6
    تاريخ التسجيل
    Jun 2002
    الموقع
    الإمارات
    الردود
    63
    الجنس
    ملاحظة البطاطا العادية اللي نطبخها و ما أقصد البطاطا الحلوة.

  7. #7
    تاريخ التسجيل
    Oct 2002
    الموقع
    فوق السطح
    الردود
    1,416
    الجنس
    هلاا اميرة
    ومشكوووور على الرد بسررررررررررعه
    يخ شلون اكلها نيه
    ماعندي ارداه
    تدرين جسمي كش
    زين اذا الله قدرني وحاولت
    كم حبه اكل باليوم
    ومتى تبان النتيجه
    ؟؟؟؟؟؟؟؟؟
    تكفين كملي طيبج يالطيبه وجاوبيلي قبل لا اغير راييييي
    وبعدين اقشرها وااكلها يالله عشان الخدود كل شي يهون ومن يبي الدح ماايقول اح
    دارينو

  8. #8
    تاريخ التسجيل
    Sep 2002
    الردود
    325
    الجنس
    امرأة
    مراااحب
    انا قرات هاي العلومه منذ كم سنه
    في مجله صحيه
    ان تاكلين بطاطس مسلوقه
    واذا اردت ان تجعليها مقبولة الطعم هو انتضيفي عليها ذرات ملح
    وممكن تاكليها مع السلطه
    ولكنها لتخفيف الوزن
    لان المجله تقول
    اكل البطاطس بهذه الطريقه يجعلها تمتص الدهون
    يعني راح نستفيد اذا اكلناها بهاالشكل بكلاالطريقتين
    وتحياتي للجميع

  9. #9
    تاريخ التسجيل
    Jun 2002
    الموقع
    الإمارات
    الردود
    63
    الجنس
    هلا دارينو إنتي إذا كان عندج إرادة تجربين خذي حبة بطاطا صغيرة .. و إذا عجبج الطعم خذي حبة أكبر .. و يكفي تأكلين حبة بطاطا واحدة في اليوم .. بالنسبة لي طلعت النتايج في اليوم التالي بتورد خدودي و بعدها بيوم صارت غزوزي أسمن .. بس بصراحة طعمها يعجبني خصوصاً مع الملح .. يمكن ما تتشجعين و تأكلينها بس أنا تشجعت و حتى ألحين آكلها و الحمد لله ويهي مدور و خدودي مليانة و موردة .. أول مرة أكلتها غصباً عني جدام صديقتي و أمها يعني مجاملة بس بعدين قلت في نفسي باخذ نصيحتها و بشوف إذا ويهي تغير.. و فعلاً تغير ويهي وايد .. و على راحتج لأن وايد ناس يأكلونها كذي .. و على هذا الأساس جربتها بدون ما أخاف .. بس إذا ما عجبج طعمها يا دارينو فهذا الأمر يرجع لج.. و قلت في البداية التجربة يبيلها همة إذا تبون تكونون تتمتعون بمنظر صحي مثل اللي يعيشون في الطبيعة البرية .. على العموم أنا حبيت هالوصفة وايد .. تحياتي لج و بالتوفيق إن شاء الله.

  10. #10
    تاريخ التسجيل
    Jun 2002
    الموقع
    الإمارات
    الردود
    63
    الجنس
    أهلاً نور الله و شكراً على الإضافة المفيدة التي أقرأها لأول مرة .. و بصراحة ما عندي فكرة عنها .. و طريقتي لتسمين الوجه و تحسينه بأكلها نيئة.. و بالتأكيد طريقتج صحية عن طريق سلق البطاطا لأنه مفيد جداً للصحة .. تحياتي لج يا نور الله.

مواضيع مشابهه

  1. اللى مسمات وجهها واسعة تتفضل
    بواسطة 00شهد الملكة00 في العناية بالجسم والبشرة والمكياج والعطورات
    الردود: 16
    اخر موضوع: 04-05-2008, 08:45 PM
  2. اللي تبغي وجهها يصير مثل القمر ............................. تتفضل
    بواسطة kanza في العناية بالجسم والبشرة والمكياج والعطورات
    الردود: 11
    اخر موضوع: 06-09-2006, 01:53 AM
  3. اللي تبي وجهها مثل البدر تتفضل هذة الوصفه
    بواسطة دكتور واو في العناية بالجسم والبشرة والمكياج والعطورات
    الردود: 45
    اخر موضوع: 26-07-2006, 03:49 PM
  4. اللي تريد شيء جديد تتفضل
    بواسطة loubna3 في العناية بالجسم والبشرة والمكياج والعطورات
    الردود: 6
    اخر موضوع: 23-12-2005, 01:07 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ