جمال بعيد عن معصية الخالق إن شاء الله
السلام عليكم البنات
لبشرة نقية : عند خروجك من البيت ضعي طبقة من عازل الشمس لما تمر ساعة ضعي طبقة من بودرة جنسون بيبي للأطفال علبتها بيضاء الله
ملي سالينا من البشرة دابا ولات صافية ههههههإن شاء الله
وهدشي كلو لي كنكتب عن تجربة
ندوزو للحاجبان والأهداب (شفار) والهالات والفم طبعا منساوهش حشومه ههههه
الحاجبان عملي كل ليلة إلا بغيتيهم يكثرو إن شاء الله حبة قرنفلة أو لوزة حارة حرقيها من جنب ودوزي عليهم يوميا
الشفار ، عملي ليهم لوصفة لي خديتها من هنا هي وديال حجبان الله يجازي لأخوات لي كتبوها ، وهي عظم ثمرة وزيتونة وزيت غروع مذهللللة والله
دابا ندوزو للهالات لي تحت لعين وهذه لحبيبة قلبنا كاملين مومنة وهي بومادة صفرا ديال 5 دراهم مع المداومة بالطبع
والفم والسنان عملي لشفايفك هاداك العكر ديال ناس كبار لي خديتها من أخت هنا الله ينور طريقها ولكنننن متعمليهش ملي تبغي تخرجي لالالا راه تبرج بعينه حيت واضح عمليه بالليل ومسحي بكلينكس ونعسي وصباح شوفي لحمورية الطبيعة
سنان كين بزاف وداب مع الإقصاد والموجود عمي لفاخر راك جمعتيه فلبلاكار هههههه ''عيدكم مبارك'' ديريه بوحدو أو زيدي معاه عسل حر ومن بعد غسلي بسنيال لي باقي مشريتو صراحة من صيدلية وتفكريني وقوي سيري يا سهام الله يجعل لك ف كل ضيق مخرج عااااافكم
آه ودابا ندوو للشعر لي كلها تقريبا خديتها من مومنة وشي بنات هنا الله يحفظهم
حمامات زيت كل أسبوع بللي بغيتي ويناسب شعرك
غاسول الأعشاب مرة مرة على ريحتو زوينة
ومخ عظم رجل البقر مع زيوت حتا هو من اختيارك ولا معندكم وقت شري غي صيروم ديال أركان
وكنعمل مرة مرة بومادا فرموكال وحذاااري من ملامسة لعين اللهم بلغت فاشهد
واقيلا ساليت ياك ههههههه ولي بشرتها جافة تعمل مرة مرة زيت لوز من الصيدلية حيت كيكون مغشوش ألحبيبات
يالاه الله يزينكم كاملات وأكثر من هذشي كامل والله بالتجربة
الدعاء والتدلل لله
الأذكار اليومية (ذكر الله حيثما كنتي )
رضى الوالدين
التوكل عليه واليقين أن بعد كل عسر يسرا وأن الله لطيف بالعباد وحنون أكثر من حنان الأم على طفلها الرضيع (تأملوا هذه الجملة )
اللهم جنبنا الشيطان واجعل في قلبي نورا ولساني نورا وفي شعري نورا وأمامي نورا وعن يميني نورا وعن شمالي نورا ومن فوقي نورا ون تحثي نورا واجعلني نورا على نور
اللهم بعد عنا كيد الفجار السحرة والعين الحسودة الغيرة والبسنا ثوب التواضع وأبعدنا بعد السماوات والأرض عن التكبر والحسد والحقد والغيرة ول عمل يبعدنا عن طاعتك وشعورنا بحلاوة الإيمان اللهم ثبت قلبي إنك أنت السميع العليم
لاتنسوني من صالح دعائكم يا حلوات
كتبت بواسطة ام عبد الرحمان 84
الروابط المفضلة