الفزعه يا بناااااااات
السلاااااااام عليكم ورحمة الله وبركاته
اخواتي انا في حيرة كبيرة
اشتريت من محل لبيع خلطات تجميل ...منتج (عبارة عن اعشاب طبيعية 100%)
ما تصدقون خلطة لتسمين الوجه و أخرى لأزالة الشعر الغير مرغوب فيه الى الابد بالنسبه للخلطة الاولى تسمن الوجه وهي عبارة عن بودرة ( مسحوق ) ريحتها كأن عليها حلبه ...
وتخلطينها مع كوب حليب 3 مرات يوميا ويبدأ النتيجة بعد 15 يوم
حتى راعي المحل قال مضمون ورجعيه لي واعطيك فلوسك كاملة اذا ما نفع واعطاني فاتورة مختوم عليها انه مضمون
وشكل الرجال صراحة ينوثق فيه ملتزم واحس انه ما يكذب
والثانيه لازالة الشعر الى الابد من محل ثاني (بصراحة ما وثقت فيه لكثر ما اسمع عن مشاكل البشرة بعد استخدام هذي الخلطات ) وقلت له اكيييد؟؟
قال : ما ابغا احلف لك .....!!
بس كثير اشتروا منه وارسلنا كميه للكويت ...
هو عبارة عن بودرة ريحته ولونه زي الحنا .. ومعاه حلاوة ويقول استخدميه بعد الحلاوة لمدة على شكل عجينة مع ماء اضعها كل يوم لمدة نصف ساعة ثم اغسلهاواكرر لمدة اسبوع حتى تضعف البصيلة واكررها بعد 3 او 4 اشهر وهكذا حتى تموت البصيلة وقالي ما فيه ضرر على المسام والبشرة
وللمعلومية الخلطة الاولى حقت تسمين الوجه اسمها ( خلطة بنت الخليج )
بـ100 ريال
والثانيه اسمها (سارة ) بــ 90 ريال
الرجاء انصحوني اللي سمع عنها انها مفيده او مو زينه مضرة أو اي نصيحة فانا جدا شاكرة مو شرط هذي الخلطات بالذات أي خلطة من هذه النوعيه
فالرجاء من كل احد يدخل يعطيني ولو نصيحة بسيطة فانا محتاجة لآرائكم





ولكم جزيل الشكر وآسفه على الاطاله

اختي الغالية أغلب هذه الوصفات تتميز بإحتوائها على مادة الكورتيزون والعطارون يعرفون مالهذه المادة من سحر في ان تجعل البشرة اكثر بياضا والوجه اكثر امتلاءا وهم يخلطونها بالمواد الطبيعية امحاءا لاثرها فالحذر الحذر يااخيه.والله لقد جاءنا في احد المستشفيات شخص كان يعاني من الصدفيةاتى وهو فرح بزوال المرض واخبرنا انه اخذ اعشاب طبيعية من اشهر عطار بالرياض وهو معروف جدا ويتقاطر علية الالوف وممن يظهر عليه الدين , طلبنا منه احضار المادة وقام المعمل بتحليلها وإذا بها اقوى انواع الكورتيزون الذي يحاول الطبيب تجنبه لما له من اثار جانبيه وقد رأيت بأم عيني اخيتي محلات العطاره فيها الاعشاب جنبا الى جنب مع مادة الكورتيزون .فالحذر الحذر
من اضرار الكورتيزون :فشل كلوي
ارتفاع في الضغط
زيادة في خروج الشعر في الاماكن غير المرغوب فيها
سمنة تتركز في منطقة الجذع والوجه بما يسمى الوجه القمري
ظهور تشققات تميل في بادئ الامر الى اللون الوردي
ظهور حبوب في الجسم
اخيتي هذا فيض من غيض وقد اسديت لك النصح بما اعلمه فادعو الله ان يوفقنا الى ماييحبه ويرضاه.