تجاربكم ماهي افضل انواع البخور اللي جربتوها ..

فكرة جميلة ان نتعرف على أجود البخور دون بحث ولا عنا ...
بالنسبة لي العود مايعلى عليه لكن للبيت فيه العود المبخر و راقية من الرصاصي بصراحة روعه ويبقى فترة طويله ....

تسلمين اختي الغالية..
بالتاكيد العود لايعلى عليه ,لكن قصدي البخور اللي نستعمله يوميا (العود موجود مااستغني عنه لكنه غالي صعبه نبخر منه يوميا ,كان الراتب كله طار ...امزح)
راح اشتري انشاء الله البخور اللي ذكرتيه على طول اول نزلة للسوق .

السلام عليكم...ز

اختي العزيزه شماليه غربيه....كيف حالك انشاء الله بخير..
انا استخدم بخور معجون الشركه العربيه للعود..واعتقد الكل يعرفه وهو البخور الملكي..
شفته العام لما كنت رايحه للسعوديه وشريته..وهو سعره 100 ريال ..وبصراحه كثير ارخص
من الكويت...وهذا المعجون استخدمه لتبخير دواليب الملابس والملافع وغرفة النوم..
وباقي البيت استخدم بخور اشتريه من امرأه تبيعه عندنا....علبة عصير تانج ب10 دنانير..
بس روعه...ويثبت في البيت..
وتقبلي تحياتي...انفال

حياكم الرحمن

مرحبا اختى شماليه بخور القصور عند اى محل انتى اشتريتيه ممكن احصل مثله فى الامارات وعطر الملابس بعد من وين اى محل .

مشكوره يالغاليه

وعليكم السلام ..حياكم الله ...اخواتي
اختي الغالية انفال..معجون الشركة العربية للعود استخدمته فترة وهو روعه لكن آخر مره شريت منه لقيت ريحته متغيره عن الاول..بصراحة البخور اللي تسويه بعض الحريم يجي روعه..بس وين نلاقيه؟!؟!؟!؟!عندكم بالكويت (العتيج للاطياب والبخور ..)منتجاته اللي ذكرتها روعه.
اختي الغالية ام احمد..بخور القصور شريته من محل لا اذكر اسمه في مركز المعيقلية(في الرياض) وهذا المركز يضم في الدور الثاني سوق الجملة حق البخور والعود والعطارة ...تجدين عندهم انواع كثيرة من البخوروالدهون المعطرة ومعطرات الفرش والملابس (كل شي)منتجات دول مختلفه مثل الامارات والكويت والبحرين واسعاره حلوه ويبيع جملة ومفرق..(دعاية هههههههههه)
وبما اني اسكن خارج مدينة الرياض,فانا اشتري البخوراللي يعجبني ,بالدرزن يعني(12)حبة ,اهدي منه لصديقاتي ولمعارفي خاصة النساء كبيرات السن ...
بالنسبة لمعطر الملابس (وانا استخدمه لتعطير غرف النوم او غرف استقبال الضيوف رائحته هادئه ومميزة) اشتريته من محل في نفس المركز لااذكر اسمه ايضا لكن, لو سألتي عن نفس المعطرفي اي محل ممكن يدلونك ,ويمكن تلاقينه عندكم في الامارات لان المنتج غير سعودي بل كويتي .بعض المحلات تبيعه ب(10).وبعضهاب(15)ريال.
فيه بعد نوع بخور تلاقينه عند محلات (حامل المسك)للبخوروالعود اسمه(مبسوس ملكي)البائع في المحل اللي شريت منه مصري ونطقه كذا..مبسوس..عاد ماادري هو مبثوث وبااللهجة المصرية صارمبسوس..(لانه فيه انواع.. بخور مبسوس..وفيه بخور مبثوث)..كمان ريحته زينه مررررررررررررررره..

اختي العزيزه شماليه غربيه....
بخور الحريم ....عد وخربط...من كثرهن..
وحده عن وحده تفرق...واعتقد عندكم في السعوديه حريم يسون بخور ويبيعنه..
والله لو بيدي ابشري به من باكر عندك....
انا احب اشتري البخور من عندكم ما ادري ليه احس انه احلى...وافضل...
ودائما كل ما نزلت للسعوديه لابد اشتري بخور معمول او عود...
تقبلي تحياتي..انفال

الغالية شمالية غربيه والأخوات العزيزات ..
بالنسبة لي جربت معمول إسمه" معمول القرشي الملكي" من " عبدالصمد القرشي" تجي علبه مرتبه فيها 60 جم تقريبا وبصراحه أعجبني والوالدة كمان تستخدمه .. وممكن تشتريه لوحده أو مع تكمله كمجموعه عباره عن عود إسمه "عود بخور معطر ملكي" ، وهي علبه فيها حوالي 50 جم لكن ممتازه . جربوها إن شاء الله تعجبكن.

السلام عليكم
في سوق وشيقر بالرياض عود مطيب في محل اسمه الافق مرررررررررررررررره حلو
وعند اجمل بعد حلو مرررررررررررررره
اما البخور والله اشتريه من وحده تبيعه بس حلو للبيت
وتسلمون على المشاركه والاستفاده
-----------------------------------------------
اللهم انصر المسلمين في كل مكان

اخواتي الفاضلات....
انفال ....
همس الحنيين..
المسك.....
شكرا على التواصل ..كل ماوضع هنا من انواع سجلته في جدول اعمالي ....قصدي القائمة.

شوفوا انا بصراحه ما عرف للبخور بس زوجه اخوى اول ما جتنا جابت معها معمول تصليح بيت تقول انه خلاصه العود المدقوق مع مسك 0000طريقته يذوب المسك وبعدين يخلط مع دهن عود اصلى ودقاق العود (عود مطحون خشن) ويكور كور صغيره ويوضع بمكان جاف الى ان يجف00

مشكورة يانشودة الخريف على هالمعلومه.......
بس وين الباقيات يفيدنا .....ولا ماهن بسنعات في بيوتهن .... امزح

البخور المعطر الملكي ( القرشي ) الصراحة عجيب

معمول القزاز .. الصراحة حلو .. وأنا دائما لما أروح عمرة أجيب للأهل منه

وعندنا بالكويت ما شاء الله خلطات عجيبة للبخور إذا تبين قولي لي و أعلمك

هلا فيك اختي وهايب ..مشكورة على التواصل ..وهبك الله اليقين ..ووالديك ..امين .
انا احب البخور كثير ياريت تقولين لي الخلطات العجيبه للبخور .....واذا تعرفين بعد محلات بالكويت اكتبي عنوانها ..لان لي جماعة بالكويت ممكن اوصيهم ......حفظك الله .

والله ياليت اشارك معكم بس المشكله ان ولدي يكح اذا شم بخور وانا احب البخور ولكن موأ كثر
من ولدي ...............ياترى في بخور ضد الحساسيه؟؟؟؟؟؟؟؟؟؟؟هههههههههههه
الله يعافي الجميع