مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل



للبحث في شبكة لكِ النسائية:
عرض النتائج 1 الى 4 من 4

--{{@ وصفات طبيعية لعلاج مشاكل الأظافر @}}--

(العناية بالجسم والبشرة والمكياج والعطورات - منتدى لكِ)
السلام عليكم ورحمة الله وبركاته العناية بالأظافر دي مجموعة من الإرشادت العامة للعناية بجلد الأظافر 1- حاولي إنك تقصي الجلد الميت المحيط بالأظافر بحذر علشان ...
  1. #1
    meto's صورة
    meto غير متواجد النجم الفضي
    تاريخ التسجيل
    Oct 2005
    الردود
    1,226
    الجنس
    امرأة

    --{{@ وصفات طبيعية لعلاج مشاكل الأظافر @}}--

    السلام عليكم ورحمة الله وبركاته
    العناية بالأظافر

    دي مجموعة من الإرشادت العامة للعناية بجلد الأظافر

    1- حاولي إنك تقصي الجلد الميت المحيط بالأظافر بحذر علشان ماتدخليش على الجلد الحي وده لأن الجلد ده بيحمي منبت الظافر، وقص الجلد الحي بيزيل الطبقة الحامية للظافر من هجوم البكتيريا وده بيسهل التهاب الظافر ونموه بشكل غير طبيعي.

    2- ابعدي عن استخدام الأظافر الصناعية، ناهيك عن كون الطبيعي أحلى، لكن كمان لأن اللزق اللي بيستعمل لتثبيتها من أسوأ الحاجات اللي ممكن تعمليها علشان تدمري أظافرك.

    3- احرصي على دهن كريم مناسب وملطف للجلد بعد استخدام المياه وده طبعا لحماية جلد أظافرك.

    4- كمان خلّي بالك إنك تتجنبي المبرد المعدني واستبدليه بالمبرد الخشبي لأنه بيؤدي إلى تقصف الأظافر واحرصي دايما على تعقيم أدوات المانيكير والباديكير. ومش محتاجين نقول لك ممنوع إنك تسلفيها لحد حتى لو أختك أو مامتك.

    5- قللي من استخدامك للمانيكير لأن كتر استخدامه على الأظافر بيؤدي إلى ضعف الأظافر وجفافها لأن بكده الأظافر ماتقدرش تتنفس بشكل طبيعي.

    6- لو أظافرك ضعيفة ومتكسرة ياريت تتجنبي استخدام اللوشن اللي بيحتوي على معطرات لأنه بيحتوي على كحول وده بيضعف أظافرك أكتر.

    7- ماتطوليش أظافرك قوي لأن ده بيساهم في تقصفها وبيضعفها.

    العناية بالقدمين


    1- احرصي على تنشيف القدمين كويس جدا بعد غسلهم خصوصا المنطقة اللي بين الصوابع لأن مع الرطوبة ولبس الأحذية بلل الأقدام بيساعد على نمو الفطريات فيها.

    2- حاولي إنك تختاري الشرابات من الأقمشة الطبيعية زي القطن والصوف والنايلون لأن الأقمشة دي بتساعد على التنفس على عكس القماش الصناعي زي البوليستر مثلا.

    3- احرصي على تدليك قدميك بحركات دائرية لأن هذا التدليك بيريح الجسم بكامله.

    4- استعملي مقشرا بشكل منتظم لإزالة الجلد الخشن واللحم الميت.

    5- حاولي وإنتِ بتختاري الأحذية إنك تختاري الأحذية المريحة لقد

    الوصفات الطبيعية

    خل التفاح


    الوصفة عبارة عن إنك تدهني أظافرك فى خل التفاح لمدة ساعتين في اليوم لمدة 15 يوم في الأسبوع وإنتِ هتشوفي النتيجة لأن الوصفة دي بتعالج ضعف الأظافر اللي بيظهر لما تلاقي أظافرك بقى لونها أبيض.

    عصير البقدونس


    وهي عبارة عن إنك تعصري البقدونس في الخلاط وبعد كده تحطي العصير ده في إناء وتضعي فيه أظافرك لمدة ساعة يوميا.. جربيه لمدة شهر وهتشوفي.

    الثوم


    ودي كمان وصفة سهلة خالص وهي عبارة عن إنك تاكلي حبة ثوم نية كل يوم الصبح لمدة شهر وده بيعالج تقصف الأظافر وتشققها، ده بالإضافة إلى إنه بيقوي مناعة الجسم.

    زيت الزيتون أو زيت السمسم


    وده طريقته بسيطة عبارة عن إنك تنقعي أطراف صوابعك في زيت الزيتون أو السمسم مع عمل تدليك خفيف للأظافر في الاتجاه من أعلى لأسفل والوصفة دي هي كمان بتعالج تقصف وتشقق الأظافر.

    الليمون

    وهو إنك تدعكي أظافرك بنصف ليمونة مرة والمرة الثانية تشيلي قلب الليمونة وتدعكي بقشرة الليمونة الأمكان الصفرة في أظافرك، والطريقة دي بتقضي نهائي على الاصفرار اللي ممكن إنه يصيب الأظافر لدخان السجائر.

    زيت الخروع

    ادهني أظافرك يوميا قبل النوم بزيت الخروع وده لأن زيت الخروع بيقوي الأظافر.

    زيت الخروع مع زيت الزيتون

    ممكن كمان إنك تخلطي زيت الزيتون مع زيت الخروع وتحطيهم مع بعض على أظافرك قبل النوم والوصفة دي فايدتها إنها بتقوي الأظافر.

    ماء بملح وليمون

    حطي إيديكِ في مية متدوب فيها ملح وليمون لمدة 10 دقائق كل يوم تقريباً من 3 لـ4 أيام أسبوعيا لأن ده بيعمل على تقوية الإيدين ذات الأظافر الضعيفة.

    كريم الأظافر

    والكريم ده مفاجأة لأنه على الرغم من إنه بيتكون من مكونات بسيطة جدا وموجودة في كل بيت إلا إنه فعال جدا جدا في العناية بالأظافر.

    المكونات:
    2 معلقة كبيرة زيت زيتون أو لوز.
    2 معلقة كبيرة عسل نحل.
    بياض بيضة.

    الطريقة:
    اضربي بياض البيضة واخلطيها مع باقي المكونات وادهني بيها أظافرك من جذورها حتى نهايتها مع التدليك خفيف.

    الوقاية خير من العلاج

    عاوزينك ترفعي شعار "الوقاية خير من العلاج" ودي مقولة مشهورة زي ما إنتِ عارفة، يعني مثلا بدل ما تفضلي تدوري على حل للجلد الميت وجفاف اليدين وتشقق القدمين حاولي تتغلبي على الحكاية دي.... ازاي؟

    بالنسبة لليدين

    لابد من دهانهم بكريم مرطب يوميا قبل النوم لأن فترة نومك هي الفترة المثلى لاستعادة نعومتهم وفي نفس الوقت تخليصهم من كل الجفاف اللي عانوا منه في اليوم سواء بره أو جوه البيت.

    بالنسبة للقدمين

    أسهل طريقة هي دهنهم بالكريم المرطب وبعدين تحطي كمية كثيفة من الفازلين وتلبسي كيس بلاستيك وبعدين شراب صوف أو لكلوك، وده طبعا قبل ما تنامي. ومش هاقول لك على النتيجة لأن إنتِ هتشوفيها بنفسك ومن أول يوم

    شامبوهات طبيعيه لجمال شعرك
    شرفوني بزيارتكم في الجروب النسائي 'Ladies' Cafe

  2. #2
    amany1912's صورة
    amany1912 غير متواجد النجم البرونزي
    تاريخ التسجيل
    Aug 2006
    الموقع
    مصر
    الردود
    798
    الجنس
    امرأة
    نصائح جميلة لا يستهان بها اتمنى ان تنفعنى شكرا يا meto


  3. #3
    ريم74's صورة
    ريم74 غير متواجد عضو نشيط
    تاريخ التسجيل
    Jun 2006
    الردود
    285
    الجنس
    مشكوووورة ...نصائح حلوة

    [IMG][/IMG]

  4. #4
    تاريخ التسجيل
    Aug 2006
    الردود
    60
    الجنس
    مشكوووووووووووووره على النصائح
    عبرات تائبه


مواضيع مشابهه

  1. وصفات طبيعية لعلاج حب الشباب
    بواسطة فاطمة الزهراء10 في العناية بالجسم والبشرة والمكياج والعطورات
    الردود: 7
    اخر موضوع: 20-10-2007, 04:26 AM
  2. وصفات طبيعية لعلاج حب الشباب
    بواسطة دروب صامتة في العناية بالجسم والبشرة والمكياج والعطورات
    الردود: 3
    اخر موضوع: 14-09-2007, 08:41 AM
  3. وصفات طبيعية لعلاج حب الشباب
    بواسطة noorflora في العناية بالجسم والبشرة والمكياج والعطورات
    الردود: 3
    اخر موضوع: 07-09-2007, 09:39 PM
  4. &&وصفات طبيعية لعلاج حب الشباب&&
    بواسطة ((وهج)) في جمالكِ سيدتي وأناقتك
    الردود: 3
    اخر موضوع: 28-01-2005, 09:38 PM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97