بسم الله الرحمن الرحيم

السلام عليكم ورحمه الله وبركاتة


بليز يا بنات من فتره فى ركن الجمال والاناقه كنت قرات طريقه عمل

الصابون بلمنزل صابون من البقدونس او اى نوع صابون اخر

وياريت لو فى نوع صابون ممكن انه يضافل له زيت الزيتون

لانى كنت قرات الطريقه ولكن للاسف نسيت الطريقه ومش لقيه الموضوع

تانى فياريت اى اخت عندها طريقه طعطيهالى حتى لو طرق مختلفه

وجزاكم الله الف خير

ييا احلى بنات 30 بنوته دخلوه الموضوع ومحدش قلى اى طريقه

رونى حبيبتى الطريقة هتلاقيها فى موضوعى يا قمر
وعلى فكرة انا جبت صابونة روعة مااقولكيش تحفة
هى صابونة جلسرين بالعسل من ايفا لونها شفاف بلون العسل بس هايلة وب 2.75
وابقى ادعيلى

بصى دى طريقة كمان

عمل صابون للجسم ممكن يحل محل الصابون المغربى:
2 فنجان صابون جلسرين مبشور-2 معلقة عشب المرمرية(لو بشرتك دهنية)او بابونج(لو بشرتك جافة)
نغلى العشب فى ربع فنجان ماء لمدة 1/3 ساعةمعاهم 2 نقطة زيت ورد او زيت ياسمين او اى زيت مفضل ليكى حتى يتقل ثم نضع الصابون المبشور و نقلب بمعلقة خشب حتى يتجانس ثم نتركه يبرد و بعدين يكور ونضعه فى كيس بلاستيك شفاف و نحطه فى البلكونة 3او4 ايام وبعدين نستخدمه ده سنفرة للجلد و نعومة و هيخلى الجلد وردى.
ودى طريقة الصابونة من موضوعى علشان متتعبيش نفسك يا قمر



المقادير:
******
حزمة بقدونس.
ماء ورد.
نشا.
حليب بودرة كامل الدسم.
صابونة غار أو صابونة زيت زيتون (أو أي صابونة طبيعية ودول كلهم هتلاقيهم عند العطار).
ليف طبيعي (من عند العطار برضه).
الطريقة:
*****
لكل نصف حزمة بقدونس حطي 2 فنجان قهوة ماء ورد والبقدونس حطيه كله بالعروق لأن الفايدة في الأوراق والعروق مش في الأوراق بس.. اخلطيهم في الخلاط ولو شايفة إنها مش بتتخلط كويس حطي شوية مية، بس صبيها شوية شوية لغاية ما تطرى، وبعدين تحطي الخلطة دي في حلة أو وعاء على النار، وبعدين تحطي نص معلقة النشا ونص معلقة لبن البودرة، وابشري الصابون والحلة على النار مع التقليب المستمر لغاية ما يدوب الصابون خالص.. هاتي بقى قوالب التلج اللي في الفريزر (فاضيين طبعا) وصبي فيهم الخليط وسيب شوية من الخليط في الحلة وسيبي قالبين فاضيين.. هاتي بقى الليف وقطعيه حتت صغيرة وحطيها على بقية الخليط اللي في الحلة واغرفيهم بالمعلقة في القالبين الفاضيين.
سيبيهم ساعة أو أكتر في الفريزر لغاية لما تلاقيهم جمدوا.. طلعيهم من القوالب وشيليهم للاستعمال واغسلي جسمك ووجهك كل يوم بالصابونة، وقبل كل وصفة ومع كل خلطة اديناهالك في الحلقات السابقة من ملفنا، أما بقى القالبين اللي حطيتِ عليهم الليف فاستعمليهم كمقشر لجسمك مع المية مرة في الأسبوع.
طريقة استخدام الصابون:
*****************
بلي جسمك بالمية واغسليه بالصابونة دي بطريقة دائرية بخفة لمدة 10 دقايق وبعدين اغسليه بالمية..
ولو الصابونة مرضيتش تجمد هاتي الصابون اللي عملتيه وسيحيه على النار وابشري عليه صابون الغار وارفعيه من النار وجمديه في القوالب تاني.. عموما لازم تعرفي إن رغوة الصابونة دي قليلة ومش كتير

مشكوره والله يجزاك كل خير

كتبت بواسطة didy

رونى حبيبتى الطريقة هتلاقيها فى موضوعى يا قمر
وعلى فكرة انا جبت صابونة روعة مااقولكيش تحفة
هى صابونة جلسرين بالعسل من ايفا لونها شفاف بلون العسل بس هايلة وب 2.75
وابقى ادعيلى

ازيك يا قمر

وحشانى جداااااااا جداااااااااااااا

مرسى اوى اوىىىىىىىىىى على طريقه الصبونه انا دخت عشان

اعرفها مرسى اوىىى

وكمان مرسى على صبونه ايفا ان شاء الله حشتريها واجربها

جزاكى الله الف خير

شوفي هذا الرابط

http://www.lakii.com/vb/showthread.p...D5%C7%C8%E6%E4

مرسى اختى كيرلى

جزاكى الله كل خير