السلام عليكم حبيباتي
الغاليات بما انكم غاليات على قلبي ومشكلة تشققات عقب القدم راح تزيد مع الصيف
وبما اننا مانستغني عن الكعب حبيت اشارككم وصفتي المعتمدة
تحتاجون علبة كرم بنيفيا الازرق لصغير
علبة فازلين لصغيرة
شمعة (الشموع البيضة القديمة )
اول شي نحط كل هذي المقادير بجدر مع بعض


بعدين حطيه على الغاز بس مرة واطي وراح تبتدي تذوب المكونات مع بعض شوفوا الصور


عنا بدت تذوب المحتويات والشمعة نصها ساح

وهنا خلاص ساح مابقى غير لكريم طبعا مايسيح كله المهم الفازلين يختلط مع الشمعة الذايبة

بعد هذي المرحلة تخلينه حوالي دقيقة وحدة وتسكرين الغاز وتخلينه يبرد على راحة بعد كذا
نصف ساعة ارجعي طلي عليه راح تلقينه بالشكل هذا


شوفو عن قرب (المشكلة المكونات كلها بيضة فضهورها بوضوح صعب )


ردت تجانست المكونات واندمجت مع بعض وصارت كريم


بعدين حطيه بعلبة واستخدميه كل ليلة


طريقة الاستخدام
كل ليلة قبل النوم تغسلين رجولك بالصابون وتنشفينهم وتحطين من لكريم وتحطين على رجولك
جوارب عشان رطوبة الخارجة من لكريم تمصها البشرة وتزين من رطوبتها ونعومتها وانشاء الله معاه وداعا لاي نوع من التشققات

اتمنى تجربونه

بارك الله فيك اختي عذبة احساس
فعلا هذه الوصفة اعرفها من زمااااااان..كانت امي تستخدما و تقول انها افضل من اي كريم لما تشوفني الان استعمل الكريمات تقول لي هذه ما في احسن منها..
بجزاك الله خيرا اختي..

عفوا عزيزتي لكن الشمعه من فين اجيبها وهل تضر بالبشره يعني صحيا
وهل هي خاصه للبشره ام عاديه

هلا قلبي لجين
ياحياج الله الغالية الله يعطيج العافية الغالية على الرد
حبيبتي انا هم جربتها والله روعة ماشاء الله ردي على كلام امج هو الاصح

هلا فواحة
الغالية الشمعة ماتضر بالجسم والدليل انهم يعالجون للي عندهم برودة بالعضام
بالشمع المذاب يعني هو ابد ماله اعراض جانبية وثانيا انتي راح تستخدمينه موضعي
يعني مو شرب ولا شي الغالية الشمعة العادية تلقينه بكل البقالات هي البيضة الطويلة
اتمنى تكوني عرفتيها ومن ماعرفتيها نزلت لج صورتها

هلا عذوبه
ماشاء الله تركتي المطبخ وطييتي على زاويتنا
وابدعتي والله بموضوعك
تسلمين يااعسوله
بس تصدقين الفازلين وحده يجيب نتيجه ولو بسوي هذي كلها
كااااان مقدر امشي الا بزلق
لكن تسلمين يااقلبي
سلالالامي لك

يعطيك العافيه اختي وبارك الله فيك

هلا حبيبتي سحابة
الغالية الفازلين صحيح انه يخلي التشققات تختفي شوي بس حبيبتي
لي لاحظته انا اول ماتقطعين الفازلين على طول تلقين الجلد بمنطقة عقب القدم صار
خشن حبيبتي هذي الخلطة انتي تحطينها بليل قبل النوم والجلد يمصها يعني الصباح
لين تقومين مافي اثر للخلطة غير شي واحد رطوبة ونعمومة الجلد جربيها ولا تتكيسلين
ماراح تزلقج

اهلين حبيبتي ام لينا
الله يعطيج العافية ياقلبي ومشكورة على مرورج الطيب

مشكوره اختي عذبة لحساس فعلا موضوع مميز ومهم والخطوات واضح وسهل الله يعطيك العافيه
علي الوصفه الراااااااااااائع