خلطات العطورررررررررررر

تبون خلطاتي لغرفتي ولنفسي ،،،تعالوا يالي تحبون الطيب الزييييين إدخلوا
شوفوا يابنات راح أقولكم عن عاده متوارثه عندنا وهي عاده لايمكن الإستغناء عنها حنا يالحريم المهم راح أقولكم عن هالعاده الي طبعاً كنت من ضمن الي طبقوها وهي عمل عطورات خاصه للمتزوجه أوالي توها عروس أو الي على وجه زواج
أنا قبل زواجي بشهرأو أكثر تم إحضار عدد من العطورات وزجاجات ماء الورد التي بلغ عددها 20 حبة ماء ورد والعطورات أقل بشويه التكلفه العامه لها مابين 1500-2000 ريال
المهم عادة الحريم كلهم مدمنين شي إسمه ((مرشات )) وهي مجموعه من العطور تخلط مع بعض مع طبعاً ماء ورد وتخليه تعطر به مفارشها وغرفتها وشعرها وملابسها حقة النوم أو الجلابيات الحلوه الي للبيت بس طبعاً أنا عندي مجموعة خلطات لأن كل واحد وذوقه تدرون حتى رجالنا إذا طلعوا برى مثلاً تكون ريحة المرشات لاصقه في ثيابهم وريحتهم حلوه أنا خلطة مرشاتي كانت عاملتها لي زوجة أخوي بس كانت خطيره أنا بغيت أسويها بس هي حلفت وقالت هاذي من ضمن الهدايا وبصراحه أنا أثق في ذوقها في هالناحيه راح أقولكم عن أول خلطه وهي كالتالي ::::::::::::
خمس قوارير ماء ورد الي قزازته خضراء الي بعشره ريال _طشت وسط عشان تخلطين فيه المرشات
العطور الي بقول عليها تلاقونها عند العطارين وهي تباع في علب معدنيه وتكون رايبه يعني عطور زيتيه ماهي بخاخه الواحده سعرها مابين 50- 60 ريال أوأكثر بشوي بس تراها تأخذبك وقت طويل هالعطورات تلقونها عند العطارين وهي :::
عطر كنزو -عطر مونتانا -عطردانة الدنيا - مسك أبيض -عطرباريس
وش تسوين أقولك كيف ،،،،،،،،،،،،،
تأخذين فنجال قهوه ويكون هو المقياس وتملينه من كل من العطورات السابقه يعني فنجال من كنزو +فنجال من مونتانا +فنجال من دانة الدنيا +فنجال من باريس +نصف فنجال من المسك الأبيض لأنه قوي والأحسن مايكثر تخلطينهم كلهم زين وتكونين مفرغه قوارير موية الورد في الطشت وتحطين عليه العطورات الي خلطتيهم قبل شوي في طاسه بالملعقه المخرمه الكبيره حقة الطبخ وتخلطين العطورات مع ماء الورد زييييييييييييييييييييييييييين بعدين بسرعه تأخذين كأس وتبدين تملين قوارير ماء الوردبالطيب الي خلطتيه وإحتفظي فيها عندك كل ما خلصت وحده تستخدمين الثانيه تره هالكميه تجلس عندك تقريباً شهرأوأقل حسب إستهلاكك ترشين منها على قمصان النوم أو على السرير وممكن شويه في الستاير عشان تلبق الريحه وتراه يطلع ريحته رووووووووووووووعه إذا دخنت الغرفه وسكرتيها شوي عشان تلبق الريحه في الغرفه وتبقى فيها وسلامتكم
ملاحظه كل مره تستخدمين فيها قارورة ماء الورد لازم ترجينها عشان يختلط الطيب الثقيل بماء الورد وإذا عندك من قوارير المرشات الجاهزه إذا كانت فاضيه إغسليه وفرغي قارورة ماء الورد فيها بس لازم أحد يجرب
شوفوا بنات الي في هالعطورات عطر ماتحبه ننكم تستبدله بعطر تحبه بس لازم يكون عطرزيتي
أنا في إنتظارردودكم الحلوه ومرسييي

يعطيك العافية يا غالية على هالتجربة الرائعة..

ومين الي ما يحب المرشات والعطور البيتية الرااااائعة..

تسلمين لنا على هالوصفة ولا تحرمينا من المزيد والجديد..

الله يجزاك خير اختي
ويعطيك الف عافية على المعلومة وان شاء الله بجربها

مشكوووووووووووووورة وجزاك الله خير
يعطيك العافية على الموضوع المعطر,,

مشكوره
كلك ذوووووووق شكلها حلوه ، ودي أجربها
على العطار يابنات!

رووووعة و مميزة.. مشكوووورة