حصريا على لك ( مزيل لرائحة العرق ) والرائحه روعه

**حنان فاروق** · 12-03-2006, 09:26 PM

بسم الله الرحمن الرحيم
السلام عليكم ورحمة الله وبركاته
اخواتى الحبيبات وحشتونى انا عارفه انى بغيب عليكم بس والله ظروف العمل وكمان النت زى مانتم عارفين
المهم النهارده جايه وجيبالكم معايا هديه اتمنى انها تعجبكم وكفايه انها هتريحكم من مشكله كلنا بنعانى منها
اولا الموضوع غير منقول وهو خاص فقط بيه ودى من اهم اختراعاتى التى توصلت لها بفضل الله

مزيل عرق طبيعى انتى هتعمليه فى البيت بنفسك وهتعرفى مكوناته
هتقولى لمون هقولك لا .ولا اقولكم ولا تفكروا ولا تشغلوا بالكم ياللا نبدأ بس بشرط اللى تعمله تقولى ايه الاخبار

المكونات
علبة كريم بشره النوع اللى تحبيه ( انا استخدمت دوف )
معلقتين شبه
ماء زهر
معلقة نشا صغيره
زيت مسك ابيض ( مسك ابيض سائل )

الطريقه
اولا اخلطى معلقتين الشبه فى شوية ماء زهر وصفيها بشاشه عشان اى رواسب
وبعدين ضيفى لها النشا

ثانيا - ضعى ماء الزهر اللى عليه الشبه والنشا على الكريم واخلطيهم جيدا حتى يتجانس الخليط ا
انا ضربتهم بمضرب سلك يدوى

ثالثا - ضعى عليه المسك السائل حوالى 4 ملاعق

ثم هاتى اى زجاجة مزيل عرق بليه دواره واخلعى البليه وضعى المقدار وضعى البليه مره اخرى ثم ضعى العلبه فى الثلاجه لمدة 3 ايام

النتيجه
لن احلف لكم فالتجربه خير دليل
( بياض - رائحه جميله - عرق بدون رائحه ) والجميل انه لا يترك اثر تحت الابط وينشف سريعا
انا عندما انتهيت اخذت فى نفس الوقت من بواقى الخليط واستحممت ووضعت
وظللت بها اربع ايام والنتيجه روعه لا رائحة عرق
ريحة روعة كرائحة البيبى
وبذلك ودعت رائحة العرق والحمد لله وانعمت برائحه جميله
واحببت ان افيد اخواتى بهذا الابتكار واتمنى ان اكون افدتكم

اى استفسار انا حاضره وارجو من كل واحده تجرب تدخل وتفيد اخواتها

**الحـــ العنيد ــــــرف** · 12-03-2006, 09:35 PM

تسلمين يا رب عالخلطه الحلوه حنان فاروق من شكلهل حلوه وريحتها روعه خصوصا إني أحب المسك..وإنشالله بأجربها وبأرد عليتج خبر...

**السمرا** · 12-03-2006, 11:22 PM

شكرا حنان حبيبتى على الوصفة وانتى وحشتينى اوى واللة وانا دايخة عليكى يا حنون ويارب تكونى افتكرتينى عاوزة اقوللك انى ماعنديش ايميل على الهوتميل واللة ياريت لو عندك على الياهو وشكرا

**ماجدا** · 13-03-2006, 12:19 AM

**الاخت المسالمة** · 13-03-2006, 07:36 PM

شكرا يا قمر على الوصفة بارك الله فيك و الله يعطيك الصحة يا رب
اختي
هل يمكن استبدال ريت المسك ببودرة المسك
و شكرا جزيلا

**khloud60** · 13-03-2006, 08:12 PM

ميرسى يا حنونة ربنا يكرمك كل مواضيعك بصراحة بتيجى فى وقتها

مشكورة يا حبيبتى وجزاك الله خيرا

**حنان فاروق** · 13-03-2006, 11:41 PM

بسم الله الرحمن الرحيم
السلام عليكم ورحمة الله وبركاته
اخواتى الحبيبات وحشتونى من زمان والله يخليكم ليه على الما شى برحب بيكم كلكم
اما عن الاخت اللى سألت ممكن نستبدل المسك السائل بمسك بودره المشكله حبيتى ان المسك البودره لا يذوب ابدا وبعدين السائل بيكون نتيجته افضل ورائحته اقوى وانا لقيته عند العطار عادى وان شاء الله تلاقيه بس خلى بالك فى مسك سائل اسود مش هو اللى انا اقصده لان ريحته صعبه اوى لكن الابيض ريحته روعه .
وعلى فكره المزيل ده بيبيض كمان وده سبب اضافتى للنشا وبكده اكون جمعت بالبياض والنعومه والرائحه الذكيه
اختى سمره اميلى على الياهو هو هو اللى على الهوت ميل واهلا بك فى اى وقت ياقمر

**السمرا** · 15-03-2006, 02:30 AM

شكرا حبيبتى حنان وان شاء اللة اضيفك واتكلم معاكى

**ummariam** · 28-03-2006, 11:22 AM

حبيبتي
ممكن اعرف
1- كمية الكريم اي حجم العلبة كم غرام؟
2- هل يوضع في الثلاجة طوال فترة الاستخدام ام ثلاث ايم فقط؟
3- كم يظل صالح للاستعمال؟

**حنان فاروق** · 28-03-2006, 04:32 PM

بسم الله الرحمن الرحيم
السلام عليكم ورحمة الله وبركاته
اختى الحبيبه اولا احب اقولك ان كمية الكريم غير محدده يعنى انا جبت علبة كريم متوسطه ومستعملتهاش كلها
ويوضع فى التلاجه ثلاث ايام فقط ويخرج بره عادى وهو لا يخرب يعنى طول ما بتستعمليه لا يخرب لانه ليس فيه شئ يفسد ووضعه فى التلاجه حتى تثبت الرائحه وتظل جميله .
ولو عملتيه ياريت تقوليلى ايه الاخبار لان ولا اخت قالت اى اخبار
واى استفسار انا حاضره