طريقة لتفتيح لون البشرة

**ريمي** · 19-10-2001, 11:06 PM

مرحبا
عندي سؤال....تعرفون طريقة تبيض الجسم كلة
أو تساعد على تفتيح البشرة

وشكراً....اتمني ما تطنشوني

**HELLO** · 20-10-2001, 12:40 PM

ياأختي نصيحة لاتفكري إنش تبيضي جسمش خلش مثل ماإنتي عليه لأني سمعت إن وحدة استعملت دواء للشفاء من البقع اللي فيها ولما حصلت على اللون اللي تبغاه استعملته على جسمها كله وتعرفي ويش صار ليها بعد كل هذا ابتلت بالفشل الكلوي صدقيني مو من عندي هالكلام والله العظيم هذه البنت من ديرتنا ماكذب عليش والواحد منا يحمد الله على الصحة أهم شي يااختي
أتمني تنسي هالموضوع علشان ماتنتكسي

**ريمي** · 20-10-2001, 04:49 PM

مشكورة وااااااااااااااااااااايد يا أختي أنك خبرتيني وجزاكي الله الف خير
بس أنا ما كان قصدي كذا
كان قصدي شيء طبيعي .....وعلى العموم الواحد لازم يحمد ربة
لحمد للة رب العالمين

مشكورة

**زينة** · 20-10-2001, 05:05 PM

حبيبتى ر يمىانا لااستخدم هذة الاقناعة اوالكريمات لانها دئما تحتوى على موا د ضا رة

ولو بعد فترة ولكن الطبيعية ليس فية اى ضرار

**hia00000** · 21-10-2001, 08:27 AM

يقولون انو لما تسوي حمام مغربي مع الزمن يفتح جسمك ......والله اعلم

**ريمي** · 21-10-2001, 09:17 PM

مرحبا بنات كيف الحال
مشكورين وايد يا زينة ...وأنا بالفعل أفكر في الأشياء الطبيعية

أختي hia00000 أشحالج...أنتي وين تري أنا في أنتظارج..مشكورة وايد

بنات تري أنا في أنتظاركم
مع السلامة

**زوزو** · 22-10-2001, 11:54 PM

بسم الله الرحمن الرحيم

عزيزتي ريمي ...
نحن ما نطنش أحد والدليل ولله الحمد رد العضوات ألله يجزاهن ألف خير على موضوعكِ ...
عزيزتي الغاليه ... بالنسبه لسؤالكِ ، فحمام البخار بالفعل من الزمن يفتح البشره لأنه يخلي الجلد ناعم ، ويشيل الأوساخ المتكدسه في الداخل بين ثنايا الجلد ... و بعد عندكِ كريم بالفعل مفيد جداً جداً أنا أستخدمه شخصياً .. وهو كريم cabot مع فيتامين E و هو بالفعل مفيد جداً ...
هذا والله أعلم ..

ولكم تحياتي .

**ريمي** · 23-10-2001, 08:15 AM

مشكورين وايد يا بنات ما تقصرون

زأنتي بعد يازوزو مشكورة وايد تعبتك معاية

**ام وديمه** · 23-10-2001, 11:01 AM

مرحبا ريمي......عندي لك شي طبيعي.......
لتبييض البشره:
3 حبات لوز مفرومه
ملعقه عصير ليمون
بياض بيضه
نخلط المقادير ونتركه 15 دقيقه ثم نغسله بماء فاتر .....نستمر عليه 5 ايام متتاليه.....وانا شخصياً جربته .....لما رحت البحر ورجعت؟؟؟؟؟؟؟ما تتصورين كيف اسمريت وكنت خايفه لأن كانت عندنا عزيمه بس استخدمت هذا القناع وقناع الحلبه إذا تريدين اكتبه لك بس اخت من الاخوات قالت لي ان الحلبه تزيد من الشعر في الوجه؟؟؟؟؟؟؟؟ما ادري ؟؟؟؟؟
وبعدين قرأت في احد المنتديات من فتره طوييييييله هذه الخلطه وعموما اعطيتها
لاحد معارفنا عرووووووووووس وبصراحه الكل استغرب ماذا كانت تستخدم؟؟؟؟؟؟
والكل اخذ الطريقه مني......
وهي استكانة جلسرين(اقصد اللي نشرب فيه الشاي الاحمر)
ا ستكانة عصير ليمون
ا ستكانه ريفيدور ( كلونيا)
ملعقه صغيره سكر
نخلطهم وندهن الجسم فيه.......وبعد نصف ساعه نستحم .......وهكذا كل يوم قبل الاستحمام.....

**ريمي** · 23-10-2001, 01:49 PM

مشكوووووووووووووووووووووووورة وايد وايد يا ام وديمه
هذي الخلطة هجربها وأتمني أني أبيض
مشكورة وايد ...وأنشاءالله تفيدني
نسيت أسألك أجربها لكل الجسم حتي الوجة...أسمحيلي تعبتك معاية
مع السلامة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: طريقة لتفتيح لون البشرة

أدوات الموضوع

العرض