شخصيا تنستعمل دوف هديك لي على شكل صابونة
و معندي حتا شكل دابا غادا نخرج خليو من بعد و نقول ليكم معجزة العرق عندي سي يو

كتبت بواسطة bint_almaghrib

البنااااااااات نسيت ما قلت ليكم واش عمركم جربتو زيت الخرواع للرمووووش راني جربتو البارح ولكن سبب لي في انتفاخ في الجفون غم اني عملتو بماسكارا وبنسبة قليلة ايضا انا كانضن احسن شي كيف قالت ليا بنت خالي هو انك منين تشري ماسكارا تعملي فيها فص ثوم مضغوط وغادي طلق المادة ديالها ومع المداومة غادي يوليو ليك الرموش مشاء الله راه بنت خالي كتعملها وتبارك الله على رموشها كبااااا وكتااااااااار

أنا الحبيبة ديما ؤيوميا كنعمل زيت الخرواع لرموشي ؤكنت كنزيد عليه عضم ديال التمر ؤ عضم تاع زيتو كحل ، دابا كنديرو غي بوحدو ؤعمرو منفخ لي جفون عيني ، يمكن عينيك أزين حساسين ، عودي جربيه في الصباح يعني متنعسيش بيه ،
ؤفعلا راه زوين ليهم عن تجربة كنقولها
ؤحتا الثومة مزيانة ليهم ؤراه كيديروها في الكحل لي متقون أو قبل متكحلي غطسي المرود في ثومة عاد كحلي

البنات بليييييييييز أنا كنت كنستعمل الروايح ديال ايفروشي و دابا بيت نبدلهم و ماعرفتش الا يمكن شي وحدة تقول لي سميت شي ريحة زوينة و تقولي فين نلقاها فمراكش و شكرااااا

اه سهام علاش حيدتي التمر راه سمعت مزيان لرموش


ونتي بنت المغرب واقلا دخل ليك العين راه خايب واقلة حكيتي بيدك عينيك حيت حتي انا وقعات لي ولكن ماتنفخوشي

مغربيه2
حتي روائح يف غوشي زوينين
ولكن راه كل وحده ودوقها يعني يقدر ننصحك بريحه كاتعجبني ويقدر ماتعجبكش لان الناس ادواق ....لهدا نتي شمي الروايح وشوفي اللي عجباتك اما انا كانت عندي irrisistible جفانشي وكانت كاتعجبني وكاينه شونس شانيل و امور امور زوينين علاش ماتمشيش ل 49 فيهم كلشي هاد الروايح نفس الريحه للمركه الاصليه وختاري الروايح تما حتي دوخي بشمان ههههههههه تولي مدمنه شمان ههههههههههه

كتبت بواسطة la perle

اختي الكركم هو السكينجبير عرق ولكن خضر ماشي يابس واغلب الناس كيديروه في salade ولكن فين تلقايه تما فاش بقات هههههه......و كيقولو كيذوب الذهون يعني ايلا عندك شي بلاصة سينة ديريه ليها خصوصا الاردااف

السلام عليكم جميعا, اختي perle ان الكركم هو الخرقوم البلدي سولت عليه الوالدة وقالت لي انهم بكري كانو كعملو منه الوصفات للجسم اما السكنجبير هي عندنا بالمغربية اما اللغة العربية هو نبات الزنجبيل وليس له علاقة بالكركم اردت فقط اختي توضيح الفرق ولجميع الاخوات

البنات الله يخليكم محتاجكم تجاوبوني, بعض الاخوات في المنتدى كتكلمو على المسك للمنطقة الحساسة واش البنات غير المسك العادي المعروف عندنا كعملوه للرائحة الطيبة ام هناك مسك خاص لتلك المنطقة وبالاخص مني عرفت ان الرسول عليه الصلاة والسلام وصانا باستعمال بعد انتهاء الدورة الشهرية فيدوني البنات الله يجزيكم بخير

السلام عليكم البنات كيفكم؟؟كنتمنى تكونو بالف خير

لؤلؤة لمغرب واش مزوجة ؟؟الاكنت مزوجة ok ديري هاديك الطريقة فعلا كاينا في السنة النبوية
اماالا ماكنتش مزوجهة لالالا ما تعمليهاش فقط استعملي غاسول مطهر للمنطقة الحساسة من الصيدلية

كتبت بواسطة سعاد المراكشية

السلام عليكم البنات كيفكم؟؟كنتمنى تكونو بالف خير

لؤلؤة لمغرب واش مزوجة ؟؟الاكنت مزوجة ok ديري هاديك الطريقة فعلا كاينا في السنة النبوية
اماالا ماكنتش مزوجهة لالالا ما تعمليهاش فقط استعملي غاسول مطهر للمنطقة الحساسة من الصيدلية

وفين اسعاد توحشناك كنتمنى انك تكوني بخير, اختي سعاد انا غير متزوجة كظني انها تقدر تكون خطر انا فعلا كنستعمل الغاسول او معندي حتا فكرة على هدا المسك المهم كنشكرك بزاف او انا كنعتبرك بحال اختي الكبيرة لهلا يخطيك الحبيبة

انا اختي غير مع العيا والصهد يسول فيك الخير والرحمة
وانا فعلا اختك والله يجعل محبتنا لله

اوا مللي مامزوجاش خليك في غاسولك وحتى يجيب لك الله شي ولد الناس للي يستاهلك وييطهلا فيك وديك الساعة نشوفو قضية المسك الزين الله يسكم سعدك

اااااامين هتا انت الحبيبة الله يجيب ليك شي ولد الناس وولد الحلال وكون بحالك الله يعمر ليه الدار وتهلا فيك وحطك في عينيه وتكوني ليه انت الاولى والاخيرة ورزقك الله معاه بالدرية الصالحة انشاء الله