كتبت بواسطة
indomy000
ازيك ياتوتي ويارب تقومي بالسلامه
متتصوريش انا فرحانه قد ايه اني لقيت موضوعك ده مش قادره اصدق نفسي من الفرحه بجد والله اصلي من زمان وانا بدور علي حد زيك كده ياقمرايه ومش لاقيه ده انتي ثروه قوميه هههههههه
بصي بقا سؤالي هو مش سؤال هو اسئله كتيييير اولا انا كنت عامله قريب عمليه ليزك في عينيا من شهرين كده وعندي جفن كان طلع فيه زمان كيس دهني ولما اتعالج ساب اثر ولما رحت لدكتور عيون قالي انو عمليه جفن ساقط يعني متهيالي انتي دلوقتي تقدري تتصوري اني جفني نازل شويه صغيرين ناس كتير مش شايفاها بس انا شايفاها وبحاول وانا خارجه احط ماسكرا تقيله عشان تداري بس عيني حساسه اوي من ايفون عايزه اعرف ماركه ماسكرا فيها فايبر وتطول جدا وتكثف الرموش ومتكونشي بتاثر علي عيني
تاني حاجه عايزه حاجه تداري المسام الواسعه للبشره الدهنيه وكنت قريت عن كريم بيعطي لون وردي طبيعي للشفايف والخدود كانها طبيعتها كده لو فيه ماركه معينه اكون شاكره ليكي وطبعا عايزه برنامج عنايه للبشره الدهنيه وحاجه تخلي لون البشره موحد تعالج يعني عشان اثار الحبوب
تالت حاجه انا شعري مجعد وخشن ومقصف جدا هو لغايت كتفي كده وكنت بعمله فرد برماننت وهو الي دمره بستعمله خلطات طبيعيه بس ريحتها صعبه اوي واتصلت بمحلات فاسيس في اسكندريه وقالولي انهم مفيش عندهم حاجه للعنايه بالشعر خالص قوليلي بقا اجيب منين من اسكندريه انا عايزه حاجه تقلل التجعيده وتنعم واهم حاجه تقضي علي النفشه والهيشان عشان ميبقاش شعري منفوش تحت الطرحه بيبقا منظر مش ظريف وكان نفسي اطلب منك حاجه تخلي شعري زي ميريام فارس لاني عايزه اتصور بيه بس خايفه يبقا منفوش تحت الطرحه اكتر ماهو اه محتاجه امبولات تطوله كمان وايه احسن مكان اشتري منو مستحضرات لشعري
كمان محتاجه اشتري علبه ايشادو يبقا فيها 8 او 10 الوان باليتا يعني من ماركه كويسه ومش تكون غاليه اوي وتقوليلي سعرها تقريبا ايه
علي فكره انا بستخدم كاريتيه للشعر المجموعه من غير السيروم بس حساها عادي وفي بنت استخدمت مجموعه لوريال وبتقول السيروم خلا شعرها ناشف اوي وكمان قوليلي تعرفي الهير دراير بونيه hair dryer bonnet قبعه التجفيف هو تعرفي اشتريه منين في اسكندريه؟
معلش طولت عليكي بس اصلي مستنياكي من زمااااااااااااااان ههههههههههه وميرسي ياقمر علي طولت بالك معايا ونفعك لكل البنوتات هنا
الروابط المفضلة