أخواتي العزيزات
أنا قرأت فعلا عن زيت العافية و الحبة في منتدى آخر. زيت العافية هو زيت الذرة المستخدم في الأكل. و على ما فهمت مش هو السبب الوحيد في تطويل الشعر. البنات بيخلطوه بثوم مدقوق و بصل و حلبة مطحونة و فلفل أخضر حار و بيتركوه في برطمان كام يوم تقريبا أسبوع و بعدين بيصفوه و يستخدموه من 3 إلى 4 مرات في الاسبوع على فروة الرأس لمدة 4 ساعات. أنا مجربتش الوصفة بصراحة لأني كسلانة جدا و معنديش وقت أعمل الفيلم ده 3 مرات في الأسبوع. اللي عملوها بعضهم قال انها طولت الشعر و كثفته جدا و البعض الآخر قال إنها حرقت شعرهم و نشفته قوي. البنات برروا الموضوع ده بأن زيت العافية هو السبب و بنات تانيين قالوا لأ الحلبة هي السبب. الصراحة هما ما زالوا مختلفين في الموضوع ده. بالنسبة لريحة الثوم قالوا أن شطف الشعر بماء فيه بن أو نسكافيه بيضيع الريحة من الشعر. بصراحة دي المعلومات اللي عندي.
بالنسبة للوصفة اللي أنا باستخدمهل و طولت شعري فعلا، هي زيت زيتون + زيت خروع +زيت لوز + زيت جرجير + زيت ثوم + زيت دابر أملا + سدر مطحون و قريبا حأضيف لها شوية حلبة مطحونة عشان أجربها. أضع الخليط ده على فروة الرأس فقط لمدة 2ساعة على الأقل و بعدين أغسل شعري كويس و أحط بلسم و أشطفه بيبقى شعري بعدها شكله جنان، بس المشكلة أن عندي قشرة في شعري و الوصفة دي مضيعتهاش، حد فيكو يعرف أعمل ايه عشان أضيع القشرة؟؟
لو عندكم أي أسئلة اتفضلوا و يسعدني أرد عليكم.
تحياتي
الروابط المفضلة