صباح الخير عليكم

بما ان طلبكم كان على الشعر اكتر حاجه وعايزنى اتكلم على مشاكل الشعر
يبقى هبدا بموضوع الشعر اولا
وكلعاده هرجع اقولكم ان الطبيعى يكسب
يعنى الى شعرها خشن فيه تقصف او بيقع واو هايش او مجعد او بتعانى من القشره
بلاش تجرى على الكوافير وتقوله افرد ولمع وعطر وبعد كام يوم ترجع ريمه لعدتها القديمه
مشكلة الشعر ديما بتبدا من جوه
من الصحه والنفسيه ولو دول متظبتوش ولا كريمات ولا زيوت الدنيا كلها هتحل المشكله
انما الحل يبدا من جوه يعنى كلى الى بيحبه شعرك عشان تصلحيه
وحده هترد وتقول انا عامله رجيم
هقولك اهم حاجه للشعر الجرجيـــــــــــــــــــ ــــــــــــــــــــــر
سمعته ولا اقول تانى
الجرجير ده بينه وبين الشعر عشق
يعنى كلى جرجير اشربى جرجير وكمان استحمى بالجرجير
وبعد متخلصى ادهنى جرجير
والله بكلم جد
خلى ديما قدامك جرجير مع فطار او غده او عشا
واعصريه فى الخلاط واشربي كبايه كل يوم الصبح
بس اوعى تقولى لجوزك انك بتشربى جرجير ليفهمك غلط
المهم وانتتى بتعصرى الجرجير تعملى حساب شعرك بحبه معصورين وتعملى بيهم زى ماسك لشعرك 3 ايام فى الاسبوع
ولو كان عندك نقص فى الفيتامينات
بسبب انميا و غيرها
يبقى ممكن تستخدمى نوع برشام فيتامين للشعر
وافضلهم بانتوجار
كده خلصنا العنايه الداخليه
نتكلم بقى على الزيوت
طبعا الهرى الى بيجيبوه فى التليفزيون ده كلام فاضى
وشغل الكوافريات والمواد الكيماويه ده دمار للشعر
افضل حاجه الزيوت الطبيعيه
وافضلها على الاطلاق الهنديه والمغربيه
طيب الى مش بيقدر يوصل للزيوت المغربيه او الهنديه يعمل ايه ؟؟؟؟؟؟؟؟؟؟؟؟؟؟؟
يروح عند العطار ويجيب
زيت جرجير + زيت زيتون + زيت توم + زيت خروع
دى من اهم الزيوت الى ممكن تخلطيها لشعرك
اه وبالنسبه لزيت الخروع ده للشعرها غامق
لو وحده شعرها فاتح متستخدمهوش لانه بيسود الشعر
وطبعا اى زيت افضل طريقه لاستخدامه هى حمام الزيت
يعنى دفى الزيت واغسلى شعرك وبعدها دلكى شعرك لمده نص ساعه بالزيت وغطيه بفوطه سخنه او بنيه تجفيف وبعد 3 ساعات اغسلى شعرك
نرجع للزيوت الهنديه والنوع المنتشر منها دلوقتى دابر املا وهو يعتبر كويس على قد سعره لانه مش طبيعيى 100% بس افضل من غيره الى فى السوق على الاقل
وبالنسبه للزيوت المغربيه ودى الى انا جربتها فعلا لنفسى وكان افضل زيت مغربى وعمتا على مستوى كل الزيوت الطبيعيه هو زيت الارجان بس برضو الاصلى والطبيعى منه مش تجبيه من اى حد يقولك ارجان
الزيت ده بسموه فى المغرب السائل الذهبى
وشجرة الارجان اسمها عندهم شجره الحياه لانه كمان مفيد لحجات كتير تانى زى السيلوليت والخطوط البيضا يارب اكون فيدكم بموضوعى النهارده
فى رعاية الله

واضح ان الموضوع منقول
لان هذه اول مشاركة لك وفكيف شجعتك ردود الامس على موضوع لم يكن موجود

نرحب بك اجمل ترحيب
وبرجاء تحري الصدق والامانة في النقل

هو الموضوع منقول بس من كتابتى لانى شاركته فى منتدى اخر قبل المشاركه فى هذا المنتدى ولو متاح ممكن اذكر لك اسم المنتدى عشان تعرف ان كل الى وردفيه حقيقى بس انا معدلتش فيه حاجه عند نشره هنا والاهم من كده انى اهتميت انه تعم الفايده بس والله الموضوع كله من كتابتى وشكرا للمشاركه

انا معرفش اذا كان ممنوع ولا لا بس لو مش ممنوع ده رقمى الى محتاج يستفسر عن اى حاجه انتى عيزاه........................................ولو كان ممنوع الرقم بعتزر وممكن الادراه تشيله

الف شكر لكم

شكرا للتوضيح

بس ممنوع كتابة ارقام الجوالات في منتدانا

ومن بعد اذنك ساعيد صياغة الموضوع
كي اتمكن من رفع كلمة منقول عنه

واهلا وسهلا بك مرة ثانية في منتدى لك

انا الى بتشكركم لاهتمامكم بكل عضو جديد وبرجاء التنبيه الدائم عندما اقوم بعمل شىء مخالف لقوانين المنتدى وذلك للتواصل الدائم معكم وشكرا مع الاعتزار عن وضع الرقم

أهلاً وسهلاً بك أختي الكريمة
سُعدنا بتواجدك معنا وبمعلوماتك القيمة

ونتمنى الأستمرار بمواضيع مجربة وصحيحة
حتى تعم الفائدة وتكسبي الأجر ان شاءالله

.. () ..

لا عليك

الممنوع فقط وضع ارقام جوالات وعمل دعايات لمراكز
ووضع صور ذوات أرواح

بانتظار المزيد منكِ