مكواة براون ساتين هير بالايونات

**FARFORA** · 08-03-2009, 01:36 PM

السلام عليكم

انا حابة اعرض عليكو مشكلتي بالتفصيل انا سبق وكتبت موضوع عن شعري واديش مجنني المهم صرت افتح على اي منتدى الاقيهم بيحكواعن مكواة السيراميك اديش بتنعم الشعر من غير هم وجع القلب تبع السيشوار قلت ياسلام يابنت هلقيت رح يصير شعرك زي الممثلات من النعومة وخاصة انو مع السيشوار بكون في كتير شعرات متطايرة وكتير نافش المهم قلت لازم اجيب نوعية ماتقصف الشعر لاني بدي استخدمها عطول ورحت دورت لقيت الكل بيشكر بالة براون ساتين هير ومافي حد ذمها ولقيت سعرها غالية جدا يعني تقريبا ب70 باوند قلت عادي مافي مشكلة في سبيل النعومة وخاصة انا تعبانة وبالشهر التامن فمالي خلق عالسيشوار ورحت زي الهبلة وجبتها والنتيجة

اني حسيتها قصفتلي شعري بشكل فضيع مع اني استخدمتها لمرة وحدة بس وهلقيت التانية انا رح اقولكم كيف استخدمتها حطيتها عدرجة 190 وهي اعلى شي فيها 200 وكنت داهنة شعري باسيروم بس قبلها بفترة لاني تحممت ونزلت عالسوق يعني مش قبلها مباشرة

ماحسيتها بتسوي شعري بسرعة يعني بدي اخد بالخصلة البسيطة واسحبها يمكن خمس مرات عشان تزبط انا شعري كتيف بس قصير هل المفروض جبت الي لوحها عريض

وشعري كمان نافش وفي شعرات متطايرة ارفتني حالي يعني المشكلة مانتهت عفكرة انا قاصة القصة قصير لعندحواجبي وبحسها بترجع لورا وبتعملي شعرات متطايرة ياتر شو الحل معها

رحت حطيت كريم مرسوم عليةالة السيراميك منvo 5 والله لايفرجيكم الالة صارت تصدر صوت طرقعة وشعري صار ينزل منو شعرات صغيرة يعني انحرق

تاني مرة استعملتها رحت حطيت سيروم على كل خصلة بس مازبط وكمان جربتها قبل ماحط السيروم يعني شعري ماعليه اشي كمان مازبط وانا عفكرة الي شهر ونص كتير مهتمة بشعري بعملو حمامات زبدة وبعدين صرت اساويلو حمامات حليب جوز الهند وحسيتو متحسن وكمان الميش صار بالربع الاخير من شعري المفروض ان شعري خلص رجع لطبيعتو

وكمان بلفو لجوا بس اللفة بتفرد مجرد ماامسك شعري بكلبسة وبيعد مكان الكليبسة مطعوج اشي بيجنن عنجد

طيب قولولي شو اسوي صرت مابنام اليل من تانيب الضمير لاني اشتريت الة غالية ومانفعت وهاي صورة الالة للي مابيعرفها

**وجونه** · 08-03-2009, 04:58 PM

السلام عليكم اختي العزيزة انا كمان اعاني نفس مشكلتك واشتريت بيبي ليس بس ما استفدت مها قلت امكن انا ما عرفت استخدمها لان البنات في المنتديات كثير مدحوها وبالفعل حسيت انها تقصف الشعر مع العلم اني ما حطيت قبلها سيروم لانهم قالوا مايظبط معه ما ادري اش الحل؟؟؟؟؟

**شاكرة نعمه ربي** · 08-03-2009, 05:42 PM

اصلا اختي مكواة الشعر لا تستخدم الا للشعر الناعم انا في صف الاستشوار انصحك بالاستشوار

**شاكرة نعمه ربي** · 08-03-2009, 05:45 PM

اصلا اختي مكواة الشعر لا تستخدم الا للشعر الناعم انا في صف الاستشوار انصحك بالاستشوار

**FARFORA** · 08-03-2009, 08:29 PM

كتبت بواسطة وجونه

السلام عليكم اختي العزيزة انا كمان اعاني نفس مشكلتك واشتريت بيبي ليس بس ما استفدت مها قلت امكن انا ما عرفت استخدمها لان البنات في المنتديات كثير مدحوها وبالفعل حسيت انها تقصف الشعر مع العلم اني ما حطيت قبلها سيروم لانهم قالوا مايظبط معه ما ادري اش الحل؟؟؟؟؟

شكرا عزيزتي لردك بس انا جربت جميع الطرق بسيروم ومن غير سيروم وبكريم خاص للمكواة بس مافي فايدة والمشكلة انو السيروم مش اي كلام جبتو من لوريال بروفيشنال

ممكن اعرف اما نوع من بيبي ليس عندك

**FARFORA** · 08-03-2009, 08:40 PM

كتبت بواسطة شاكرة نعمه ربي

اصلا اختي مكواة الشعر لا تستخدم الا للشعر الناعم انا في صف الاستشوار انصحك بالاستشوار

بالعكس لو بتشوفي كلام البنات بكل المنتديات شعورهم مش ناعمة وخلتها حرير وبصراحة السيشوار كتير ساخن وبكون كاني متحممة بس اساويه

**FARFORA** · 08-03-2009, 08:43 PM

معقولة هيك يابنات عنجد كسفتوني 44 قراءة ومافي غير 2 ردود

**((new loOok))** · 08-03-2009, 08:48 PM

أنا ماجربتها
إن شاء الله البنات بيفيدوك

**FARFORA** · 08-03-2009, 10:23 PM

كتبت بواسطة ((new loOok))

أنا ماجربتها
إن شاء الله البنات بيفيدوك

شكرا الك لردك

**rozymezo** · 08-03-2009, 10:33 PM

انا كنت جربت البيبي ليس بس مش براون بس بحس اني لازم اعمل سشوار قبلها او شعري يكون ناشف وملفوف عشان تفرد بسرعه من غير ماعمل الخصله كتير بس بصراحه حسيت ان شعري اتقصف اوي
دي تجربتيييييييييييي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: مكواة براون ساتين هير بالايونات

أدوات الموضوع

العرض