كتبت بواسطة راني راني

اختي ام الكابتن, بارك الله فيكي على هالنصائح المفيده, جعلها الله في ميزان حسناتك

اختي اولا انا لون شعري الاصلي اسود وقبل ثمانيه شهور عملته صبغه لون بني متوسط وعملت خصل شقره ودلوقتي شعري طال وبقى 3 الوان وحايره شو اعمل فيه علما اني صبغته قبل شهرين بالون بني متوسط وباستمرار الغسل بان اللون الاشقر للخصل ورجع شعري 3 الوان

اختي ارجوك اريد لون صبغه من تدرجات العسلي علما ان لون بشرتي حنطي وبه ميال للصفار ولو سمحتي اريده لاكثر من ماركة لان ماركة ايكولا غير متوفرة عنا

انتظر جوابك وجزاكي الله كل خير

عزيزتي قبل ما اجاوبك هل انتي حامل ؟؟؟
ارجو الرد ضروري جدا؟؟ وشكرا
وممكن تكتبيلي شو هيي الصبغات المتوفرة عندكم؟؟

كتبت بواسطة cocodody

شكرا اختي علي المعلومات المفيدة وانا عايزة اسالك انا عملت هاي لايت بني فاتح من ثلاثة شهور بس ابتدي اللوب يفتح اوي وانا مش بحبه فاتح فانا عايزة اغمقة بس بالحنة علشان الصبغة بتقصف شعري وتنشفة فلو ممكن تقولولي اذا كان ينفع ولا لأ وازاي اعمل لون الحنه بني غامق وشكرا ليكي كتير

اهلا يا ومرحبا
بالنسبة لجذور شعرك الفاتحة ما في ضرر لو استعملتي الصبغة لانك بس حتستعمليها عالجذور وما حتستعمليها على كل شعرك , فما في مشكلة ابدا , وبس تستعملي الصبغة ما حيكون الوقت طويل , تلت ساعة بتكفي حتى تغمقي اللون
استعملي اللون البني على جذور شعرك مع اوكسجين 6%
اما عن الحناء فما عندي فكرة ابدا عنها , بس الاخوات في هذا الركن كتير بنزلو مواضيع عن الحناء وشو تضيفيلها لحتى تحصلي على اللون البني او الاحمر , ارجعي للقسم وابحثي واكيد حتلائي

كتبت بواسطة فاتن 2006

غاليتي انا دارسه تجميل وعندي فكره عن الصبغات :

بس واجهتني عدة امور تمنيت افهم ليش ومالقيت احد يفهمني واكون شاكره لك لو جاوبتني من باب خبرتك الكبيره بهالمجال :

1- مره صبغت لزبونه وضرب جذور الراس افتح من الاطراف رغم ان الخلط تمام والصبغه موزعه مزبوط ايش الحل للمشكلة؟
2- انا صابغة لنفسي لون احمر اكثر من مره واخرها كان احمر توتي حاليا نفسي اصبغ بني واسحب خصل ثلجي بس ايش اصبغ انا فهمت من كلامك اصبغ لون اخضر عشان احارب الحمار بالشعر.
3- في حاجه اسمها سلفرة الشعر اللي هي = اكسجين مع صبغه اشقر وبلسم متى استخدمها للزبونه وايش الفايده منها هل للتفتيح لون الخصل فقط ولو سويتها لشعري الاحمر هل بتسحب الللون الاحمر اللي فيه ؟
4- بالنسبه لدائرة الألوان انا منزلتها بملزمه خاصه فيني للتجميل من كتاب في التجميل لكن مافهمت الكلام المكتوب حبيت اوفر عليكي جهد الكتابه وتنزيل الصوره لكن عليكي شرح الموضوع :

6- ارجو تصحيح االمعلومات التالليه :
ملاحظة إذا كان لدي شعر مصبوغ أكثر من لون لدي خيارين :
1- إعادة الشعر إلى أغمق لون.
2- سحب لون كامل وإعادة صبغة .
إذا كان لدينا شعر فاتح وأردنا صبغة بلون غامق نختار اللون مباشرة ونصبغه .

صباغة شعر مصبوغ : نفس الخطوات السابقة ولكن نبدأ بوضع الصبغة على الشعر النامي فقط ونرك الصبغه تأخذ مفعولها أي مدة نصف ساعه ثم نضع على باقي الشعر صبغة
5- ارجو ان تصححي لي المعلومات التاليه اذا كان فيها أي خطاء لاتلافه مستقبلا :هناك تراكيز كثيره لماء الأكسجين ولكن المعروف منها في مهنة التجميل ثلاث أنواع :
النوع الأول :
20 VOLUME : وهي تستخدم مع الصبغات ذات الألوان الغامقة مثل الأسود والبني والباذنجاني .
40 VOLUME : وهي تستخدم مع الصبغات الحمراء
30 VOLUME : وهي تستخدم مع الصبغات ذات الألوان الفاتحة مثل الأشقر والأصفر والبني الفاتح


5- ابي اسال عن المكياج ياليت تعطيني اسم وماركة الكريم اللي يستخدم لعرايس ويعطي لون فضي واضاءة للبشره

مرحبا اختي ...
بصراحة اسالتك كتيرة وتكرمي رح احاول اجاوبك على بعضها , وما تزعلي مني , لأنو دائرة الالوان بدها شرح عملي اكتر منو نظري , لكن رح احاول اعطيكي زبدة الموضوع متل ما بحكو
بالنسبة للزبونة الي شعرها من الجذور طلع افتح رغم انو الشغل كلو والخلط تمام , بكون سببو انو اللون عندك فاتح جدا وهاد بكون اللون اللي طالبتو الزبونة , لكن انا سبق وشرحت انو اذا كان اللون فاتح جدا فضروري حيطلع افتح عند الجذور والسبب انو درجة حرارة المنطقة الامامية من الراس اعلى منها من الخلف عشان هيك الجذور بتفتح اول شي وبضل افتح من باقي لون الشعر , عشان هيك في حلين للمشكلة هادي
اما انك وانتي تصبغي لازم تبتعدي عن الجذور 1 سم وبعد نصف ساعة بتقومي باكمال عملية الصبغ على الجذور حتى يتوحد اللون وها الاجراء اللي بعملو انا لحتى ما اضيع وقت اكتر ,
والحل التاني انو لما تطلع معك الجذور افتح حاولي انك تخلطي لون صبغة اغمق من اللون اللي استعملتي على باقي الشعر, وتصبغي الجذور لحتى تغمقيها وهيك بتوحدي لون الشعر

وبالنسبة لشعرك لا يمكن عمل خصل تلجي لانك صابغة لون احمر عليه, والقصد من دائرة الالوان هوي اذا اجت عندك زبونة شعرها الطبيعي على احمر وبدها تصبغ اشقر او تعمل خصل اشقر فشو الحل , وحسب دائرة الالون بتقومي باختيار لون الصبغة الاشقر اللي اختارتو الزبونة او اللي اخترتي معها , ولانو شعرها الطبيعي على احمر بتاخدي من الوان الخلط وتسمى mix color والقليل من اللون الاخضر وبتخلطي مع الصبغة اولا قبل ما تحطي الاوكسجين وبعد ما تتاكدي انو انخلط واندمج الاخضر مع الصبغة بتقومي بعد هيك بوضع الاوكسجين , وبتباشري بصبغ الشعر , هون بسير الشعر يفقد درجة اللون الاحمر اللي في او الحبيبات الملونة الحمراء اللي موجودة بجذع الشعرة وتبقى الحبيبات الصفراء
وهيك نحنا بتعامل مع دائرة الالون
لكن ممكن برضو نستعمل الوان الخلط هادي بعمل الخصل لكن متل ما حكيتلك لا بد من ارشاد عملي مو نظري وسامحيني على تقصيري باجابتك , لكن ان شاءالله رح اعطيكي اجوبة اسالتك
وبالنسبة لسلفرة الشعر هو مو سلفرة اسم العملية هو rinse
وبنستعمل هادي الطريقة بعد غسل الخصل واحيانا بعد الصباغ اما لتغيير لون بسيط او لعمل خصل التلجي او البلاتيني وهاد بيعتمد على لون الصبغة وماركتها
والمواد المستعملة هي شوية بلسم او يستحسن يكون شامبو افضل من البلسم مع القليل من هادي الالوان اللي بتكسب الخصل لون اجمل من الصفار الغير مرغوب فيه

ملاحظة إذا كان لدي شعر مصبوغ أكثر من لون لدي خيارين
وبالنسبة لهاد الخيار طبعا يرشح الخيار الاول والسبب هو كالتالي
في حال سحبتي لون الشعر بالكامل ثم اعدتي صبغو فتأكدي تماما انو حيرجع يفتح بعد او خلال شهر , وحيكون كانو مضروب منطقة حتكون غامقة ومنطقة فاتحة , وانا مو من مؤيدي سحب اللون للشعر بالكامل وطول عمري بهالمهنة عمري ما سحبت لون شعر بالكامل الا لزبونة وحدة فقط تخيلي؟؟؟
وصارت كل ما يطول شعرها تلاحظ الفرق الرهيب بين لون شعرها الطبيعي وشعرها المسحوب لونو فرح تضطر كل ما يطول شعرها تيجي لحتى تعيد سحب لون الجذور
بعد فترة تضرر شعرها بشكل واضح جدا بالرغم انو كان ناعم جدا عدا عن التساقط
طبعا كان الحل النهائي هوي صبغو بلون غامق ثم قصوboy اضطرت تقصرو كتير لانو النتيجة كانت شعر متدمر ومتضرر
إذا كان لدينا شعر فاتح وأردنا صبغة بلون غامق نختار اللون مباشرة ونصبغه .

صباغة الشعر من فاتح الى غامق على طول بتختاري اللون المطلوب لانو من فاتح الى غامق بينما لو كان العكس بتراعي فرق الدرجات بين الللون المطلوب ولون الشعر الطبيعي

- ارجو ان تصححي لي المعلومات التاليه اذا كان فيها أي خطاء لاتلافه مستقبلا :هناك تراكيز كثيره لماء الأكسجين ولكن المعروف منها في مهنة التجميل ثلاث أنواع :
النوع الأول :
20 VOLUME : وهي تستخدم مع الصبغات ذات الألوان الغامقة مثل الأسود والبني والباذنجاني .
40 VOLUME : وهي تستخدم مع الصبغات الحمراء
30 VOLUME : وهي تستخدم مع الصبغات ذات الألوان الفاتحة مثل الأشقر والأصفر والبني الفاتح

وبالنسبة لتراكيزماء الاوكسجين ممكن تستخدمي تركيز عالي مع لون غامق وهاد بسير معك بسهولة مع ممارسة المهنة والمعلومات اللي كاتبتيها هي مزبوطة تقريبا فاوكسجين 6% يستخدم للون الغمق و9% للون الفاتح
وشكرا الك اختي وان شاءالله اكون فدتك
وعارفة الحبر خلص من عندي
ههههههههههه
بمزح معك حبيبتي

كتبت بواسطة فاتن 2006

الله يجزاك الجنه ويوفقك بضيف سؤال لو اني طولتها ماهي الكميه الصحيحه لخلط بودرة البلاندر مع الاكسجين لان الى الان كل اللي اشوفهم يخلطو على النظر فقط معقوله ؟؟؟؟؟؟؟؟

كمان انا سمعت انك اذا تبغي اللون الاحمر يطلع بسرعه بالصبغ الشعر تضيفي على اللون الاحمر الصبغه شوية ميش هل هذا صحيح ؟

ربي يوفقك ويفرج همومك ويسر لك كل امورك ويرزقك من حيث لاتعلمي لانك انسانه من جد رائعه يكفي انك بتجاوبي بذمه وضمير وانا حاسه فيكي لاني تبهدلت في البدايه وكل كوفيره اسالها تجاوبني غلط لما تعبت

يا حبيبتي تسلميلي على الدعاء الجميل واللسان الحلو
وان شاءالله ربنا يرزقنا الجنا اجمعين وربي ما يحرمني من دعواتكم يارب
شوفي اختي انا بصراحة ما تعلمت اخلط البلوندور الا بالنظر ولا تستغربي وانا رح اعطيكي السرررر
لما تخلطي البودرة حطيها اول شي بعدين بتضيفي الاوكسجين بالتدريج , وراعي انو الخليط يكون متل الكريما ويكون ماسك شوي عارفة لي؟؟
لانو البودرة والاكسجين لما يتعرضو للحرارة بيرخو شوي , عشان هيك اعملي الخلطة ما تكون ماسكة كتير ولا سائلة كتير

وبالنسبة للخصل الحمراء في بلوندور لونو احمر وهو خاص بالخصل الحمراء بس الاوكسجين كمان خاص في وبكون لونو اورانج orange وهاد اللون خاص بالبلوندور والخصل الحمراء

كتبت بواسطة ام ملك2007

انا اريد ان اصبغ شعرى اللون الاشقر الفاتح ماذا افعل ارجوكى افيدينى

اهلا اختي ام ملك ونورتي المنتدى والله
احكيلي اول شي شو لون شعرك الطبيعي وهل سبق وصبغتيه او ملستيه,,؟؟
وشو الماركة اللي بتستعمليها ؟؟؟
وان شاءالله افيدك وبنتظر جوابك

الف شكر اختي الغاليه ام الكابتن وجزاك الله الف خير والله يفرج همك مثل مافرجتي همومي مشكورة يالغاليه ماقصرتي

كنت بسأل عن الاكسجين الاورانج من اي ماركه يكون والميش كمان وبالنسبة لسؤالي عن خلط الميش الاحمر مع الصبغه الحمراء صحيح ولا خطاء

وجزاك الله الف خير

كتبت بواسطة فاتن 2006

الف شكر اختي الغاليه ام الكابتن وجزاك الله الف خير والله يفرج همك مثل مافرجتي همومي مشكورة يالغاليه ماقصرتي

كنت بسأل عن الاكسجين الاورانج من اي ماركه يكون والميش كمان وبالنسبة لسؤالي عن خلط الميش الاحمر مع الصبغه الحمراء صحيح ولا خطاء

وجزاك الله الف خير

تسلمي فاتن على الكلام الحلو والدعاء الاحلى وربي يتقبل منا جميعا
بالنسبة للبودرة والصبغة نحنا كنا نستعمل هادي الطريقة بحالات معينة, مثل لما يكون الشعر عنيد بسوادو ومو راضي يفتح كنا نضيف القليلل من البودرة ما الصبغة وهادي الطريقة لاختصار الوقت وللتسريع بعملية الصباغ
وبالنسبة للماركة
في ماركات كتيرة للمواد هادي المهم تكون من شركة شوارزكوف العالمية , شوفي محلات التجميل عندكم واسألي ,,,
وازا ما لئيتي ببعتلك انا من عنا من الاردن

كتبت بواسطة ام الكابتن

وعليكم السلام اختي....
هل سبق وحنيتي شعرك الحنة السوداء وهل سبق وصبغتيه باللون الاسود الغامق جدا , أي ما يسمى بالاسود المزرق ؟؟
اذا كان جوابك هو لا
اعملي هادي الطريقة ورح تزبط معك ان شاءالله
اولا قبل الصبغة قومي بعمل خصللشعرك وانتظري حتى يفتح اللون,حتى الفاتح مو الفاتح جدا , وراعي انو كمية الخصل تكون اكتر من المتوسط بشوي
ثانيا اغسلي شعرك وبع 3 أيام اصبغيه باللون 7 و8 , واصبغي شعرك باكسجين 9%
وان شاءالله حيطلع اللون معك ممتاز ورائع
ملاحظة : اذا صبغتي شعرك وطلع لون الجذور افتح من لون الشعر قومي بصبغ الجذور فقط بلون 7 باكسجين 6% فقط , واتركي الصبغة على الجذور تلت ساعة وحممي
وعلى فكرة ما في داعي ابدا تعملي بعد هيك خصل ,لأنو شعرك حيطلع مموج وجميل جدا , وهاللون بدو قصة مدرجة وابدئي التدريج من اسفل الغرة حتى نهاية الشعر مع تشفير بسيط
ونعيما سلف

عزيزتي أم الكابتن مساء الخير أنت كتبتيلي أعملي خصل فماهو لونها وكيفية عمله ,وماهو نوع الصبغة المستخدمة اللي رقمها7و8 عارفه أسئلتنا كثير والله يعطيك العافية

ايو انا حامل بالشهر التاسع والصبغات المتوفره لدينا هي:
1- Garnier
2- collection
3- Equarly
بس انا ما متاكده من السبيل تبع الاصباغ

ومشكورة اختي جزاكي الله خيرا