ممكن افادة بخصوص الميش ؟؟؟

**سوسو1983** · 10-07-2007, 02:04 PM

السلام عليكم ورحمة الله و بركاته

كيفكو بنات

بدي منكو شغلة

انا قبل شهرين او تلاتة يعني قبل فترة عملت خصل حمرة

ورجعت قبل اكتر من شهر حطيت عليهم صبغة سودة يعني بطلو عاجبيبني

رجعت لون شعري الاصلي

هلأ نفسي موت اعمل ميش

بس فيه عدة نقاط محتارة فيها

انا لون شعري غامق كتير واللون قاسي يعني يوم مرحت اعمل الخصل كان نفسي اشقر فاتح

حطت اعلى درجة بلندر واكسجين احمى درجة وطولت

بالاخر طلع اللون اورانج مقرف

او هيك اصفر فاقع مش حلو

حكتلي لو وحدة تانية كان صار شعرها ابيض

المهم انا هلأ رحتلها مرة تانية اعمل ميش حكتلي انو ماراح يطلع على شعري اللون

انا مش مقتنعة كتير بكلامها لانها جديدة بالمهنة وماحبيت شغلها كتير

فانا حكيت اسال الحلوات الي هون

الميش راح ينفع ولالا؟

والميش عبارة عن شو؟؟؟

الكوافيرة حكتلي قال اوكسجين وبلندر

بس انا مش مسدقاها طول عمرو الميش شي تاني والله اعلم

فانتو شو رايكو؟حيمسك اللون عشعري عالصبغة السودة

انا بقول انو ممكن لانها صبغةغامقة صح مش لون اصلي

ولاشورايكو؟؟؟

بدي شرح كافي ووافي ساعدوني

نفسي كتيييييييييييييير بالميش

عشان ازا رايكو انو بنفع والكو خبرة فيه

حغير الكوافيرة واعمل ميش

بطلع حلو عالشعر الطويل صح؟؟؟

انتظر الردود بفااااااارغ الصبر الصبر الصبر

**suenos** · 11-07-2007, 06:02 AM

لا ما راح يمسك لانو انا مره قصيت شعري وصبغته أسود وبعد فترة 7 شهور بعد ما طول شعري حبيت أعمل خصل شقرا ورحت عند الكوافيرة وصبغتلي بدون ما تسألني اذا كنت صابغه من قبل او لا
المهم جذور شعري (اللي هو الشعر الجديد اللي نبت خلال 7 شهور) صبغ أشقر وما أحلاه بس الأطراف (الشعر المصبوغ من قبل بأسود) ما رضي يصبغ أشقر بالمره وطلع لونه غريب مقرف.. بس انتي جربي بجزء بسيط من شعرك يعني خذي خصلة صغيرة من شعرك وأصبغيها وشوفي كيف يطلع لونها

**mira70** · 11-07-2007, 01:01 PM

ماراح يمسك على الاسود بنصحك تعملي غسل لون وهاد بيتعب الشعر كتير
انا بفضل تصبغي لون واحد افضل شي مشان تروح الالوان
واذا كنتي حابة الميش هو خصل شقرا موجودة بالسوق ممكن تضاف الى الشعر اذا كانت الكوفيرة شاطرة بس بعا بعد صبغ الشعر بلون واحد

**ام الكابتن** · 12-07-2007, 02:01 PM

الى الاخت سوسو
حبيبتي مستحييييييييييل يمسك اللون اصلا من البداية قبل ما تغامري هالمغامرة وتحطي اقوى فوليوم من الاكسجين !!! والله حرام عليكم شعركم بتدمر والله يدمر
المفروض الكوافيرة شايفة شعرك قبل ما تصبغ !
يعني لازم كمان سالتك اذا كنتي عاملة بشعرك شي قبل ما تبلش تعملك الخصل لانو اكيد مليون بالمية بدو يطلع اللون نحاسي او ضارب على اورانج
هلا نصيحتي الك اتركي شعرك ريحي شوي ارحميه , ولا تلعبي في ابدا بعد شهرين اذا ربنا خلانا رح بوعدك اعطيكي الحل الاكيد
بس استني انا ما خلصت هلا في طريقة جدا رائعة وبتتطلب منك انك تسحبي بنفسك اي سواد بشعرك بتعمليها مرة بالاسبوع
بتجيبي بابونج وبتغلي على النار وبتصفي وبعد ما تاخدي شاور بتصبي آخر شي البابونج على شعرك واتركي لا تشطفي بمي
ولاحظي بعد شهرين كيف لون شعرك
وانشالله اكون فدتك حبيبتي