يابنات جايبالكم زيت يحل جميع مشاكل الشعر بس الاول احكيلكم حكايتى اللى اجبرتنى انى استعمل هذا الزيت رغم سعره اللى يعتبر غالى بالنسبالنا كمصريين

فى فتره ما سمعت عن زيت السمسم وفوائده ولكن عندما جربته جاب نتائج عكسيه تماما معايا مع انى شعرى ناعم وكثيف جدا بس حبيت استخدمه للتغيير وكمان عشان شعرى يستفيد منه

المهم استخدمته واول مرتين كان حلو و100\100
وبعد كده لقيت فروة شعرى التهبت sid وبقيت اهرش فيها جامد وطبعا اتقطعت ووصلت الحاله ان فروة راسى بقت تجيب دم

وياريت على كده
شعرى اصبح قطعه واحده
تخيلو لو لبانه(علكه)كبيره لزقت فى شعركم هتعملو ايه عشان تشيلوها

طبعا من الالتهابات والتقطيع بقى فى كتل قشر متجمد فى شعرى مثل اللبانه بالظبط

وظليت شهر و3 اسابيع لا اسرحه فقط كنت اسرح من فوق عشان مش يهيش


المهم قلت مفيش غير انى اجرب الزيت اللى زميلتى فى الدراسه قالت عليه قبل كده وكان ماما وبابا رايحيين السعوديه يعتمروا فقلتلهم وجابوهولى والحمدلله استخدمته مرتين وكان الفضل فى علاج شعرى يرجع لربنا ثم هذا الزيت


اختى كمان جاءت قشره فى شعرها نتيجه تغيير الجو واستخدمته مره وجاب معها نتيجه والقشره انتهت

هو ثمنه من سنتين كان 118 ريال سعودى كان بالمصرى ساعتها 205جنيه

بعد ردى على احد الموضوعات وجدت من ارد عليها تقول انها لم تسمع عن هذا لزيت من قبل فقررت والله المعين ان يكون اول موضوع اكتبه فى هذا المنتدى يكون عن هذا الزيت عشان اللى بيعانوا من مشاكل الشعر وما يعرفو هذا الحل السحرى


اسفه للاطاله بس يلا معايا

راح اكتبلكم اللى مكتوب على العلبه الموضوع فيها زجاجة الزيت


زيت النخاع



فوائده::

1-خالى من الكحول والصبغات الملونه الصناعيه

2-يمنع تساقط الشعر ويساعد على اعادة نموه من جديد

3-منعم للشعر الخشن صعب التسريح

4-يمنع تقصف الشعر ويكسبه بريقا ولمعانا

5-مرطب لفروة الراس

6-يساعد على نمو شعر الاطفال ويجعله غزيرا وقويا

7-يستعمل لجميع انواع الشعر


طريقه الاستعمال::

-يستعمل مرتين الى ثلاث مرات اسبوعيا قبل الاستحمام بساعتين


صنع فى المملكة العربيه السعوديه بمصنع حامل المسك-جدة


يارب اللى عندها مشاكل فى شعرها تقدر تعالجها ويارب اكون افادتكم جميعا ومستنيه ردودكم

ودعواتكم ليا بقا

جزاك الله خيرا أختي هناء
كفيت و وفيت جعله الله في ميزان جسناتك

مرحبا غلاي مشكورة على الزيت بس أي نوع هو
بمعني أي نخاع يعني زيت النخاع التونسي ولا ؟؟؟
لأنة فية منه أنواع .......ز؟؟؟؟

جزاك الله خيــرا تسلمين أختي

يعطيكي الف عافيه مشكوره اختي هناء على هذا الزيت

اختى دريم ليدى
معرفش نوعه ايه فى تونس بس هو زيت نخاع للشعر زى ما مكتوب عالعلبه

زيت النخاع المطور

زيت شعر طبيعى لجمال شعرك واعادة حيويته من جديد

زيت النخاع مشهور جدا ومعروف انه مفيد لتطريه الشعر وعلاج جفافه وممكن تحصلى عليه ارخص من كده وافضل بانك تجيبى من الجزار عظمه الفخذ وتخليه يطلع منها النخاع وبعدين تاخدى النخاع وتسخنيه على نار هادئة ولما يبرد ادهنى بيه شعرك وشوفى النتيجه

مشكوره om_el63meenعلى تفاعلك معنا

انا حقيقة قبل ما اجرب الزيت سمعت ان فى بنت واظبت على شرب الشوربه دى وخلال كم شهر شعرها وصل لركبتها وانا عقدتى ان نفسى شعرى يغطى ظهرى بس
المهم جبت العظم من الجزار وعملتو شوربه وكالت النخاع بس مقولوكوش يابنات على اد ايه هو دسم وتقيييييييييل
لما قطعت حته تملا معلقه شاى
قعدت لتانى يوم مقدرش اكل حاجه(ينفع للى بيعملو ريجيم عشان مياكلوش خالص)
فمكنش ادامى حل غير الزيت
اما حكاية انه يتسخن فمعرفتش الا منك
جزاك الله كل خير

مشكورة يا أختي هناء حسني ما قصرت وإن شاء الله بجربه

مشكورة غلاتي ,,,