يا بنات انا عندى فرح ونفسى اعمل فستان يكون سواريه او حتى نص سواريه هههههههههه المهم انا محتاجة موديلات بس تكون للمحجبات عشان اقدر الحق واعمله وياريت حد يقولى افضل انواع الأقمشة ايه اللى تنفع ولو ممكن اسعارها واجيبها منين ارجوكم ساعدونى يا بنات فى الموضوع ده عشان اقدر اشرف جوزى

اهلا ببنت بلدى mero17 انا عندى موديل فستان افراح ومناسبات شيك وانا زيك محجبة لكن للاسف مش هقدر انزلك صورته لانه مش عندى دلوقتى لكن ممكن اوصفه ....... بصى هو عبارة عن فستان كت هههههههههههه استنى عارفة انك محجبة يعنى مجسم من فوق شوية ونازل بذيل واسع وقماشته ناعمة زى الحرير او الستان مش قادرة احدد بالظبط ومنقوشة ( جلد نمر ) ذهبى وعليه جاكت قصير من قماش بنى سادة ولامع وقماشته واقفة شوية وبتوكة لامعة فى الوسط علشان تقفلى الجاكت لو حبيتى وعليهم طرحة ذهبية ولبسته فى فرح اخو زوجى وكان شيك جدا ومحترم

حبيبتى ياقمرايا دورى واعملى سيرش هنا عن الفساتين السوارية
او شوفى اللى فى مجلة حجاب كلها حاجات شيك ومحترمة وللمحجبات
والف مليون مبروك

المشكلة انى مش بعرف فى انواع الأقمشة السوارية فا عاوزة حد يساعدنى ويقولى انواعها واسعارها يعنى الحاجات ديه

بصى بالنسبه للبطانه فى قماش حلو اوى اسمه تفتاه استرتش او هاتى ستان كريب دول اححلى نوعين
انا بعمل فستان دلوقتى وجايبه البطانه بتاعته تفتاه سترتش
وجايبه معاها شيفون وتل شبيكه بس علشان التفصيله محتاجه كدا
لكن انتى ممكن تعمل من غيرهم وتتعملى تطريز على التفتاه نفسه
وروحى لاى ترزيه كويسه او اتيليه ها تلاقى عنده موديلات حلوه اوى
بتهيالى انتى من القاهره انا معرفشى حد هناك والله لانى من المنصوره
وربنا يوفقك وتلاقى حاجه كويس
وعلى فكره التفتاه سعره المتر حوالى 15 جنيه والشيفون 17 والتل 20 انا جايبه اسعارهم كدا

انا عاوزة اعرف كل انواع الاقمشة السوارية مع الصور

بصي افضل الانواع للسواريه هو التفتاه و فيه تفتاه مطرز و كمان الكريب ستان
التفتاه العادي سعرة تقريبا 6او 7 جنيه المطرز اغلي بس مش عارفة بالضبط بكام
الكريب ستان فيه منه انواع متعددة بيتراوح من 20 الي 50

طبعا قرري انت هتعملي الفستان فين الاول و بعدين ممكن تلاقي موديلات متعددة عند اللي هتخيطي عندة و علي حسب الموديل يكون اختيار القماش
القماش ممكن تجيبيه من التربيعة (الازهر) بعد جامع البنات و انت رايحة علي الحسين علي اليمين هتلاقي هناك الانواع اللي انت عايزاها بس لفي شويه و الاسعار هناك كويسه و ارخص من برة و كمان في وكاله البلح بس اللي اعرفه انها اغلي شوية و ديه عند محطة الاسعاف بس مش عارفة فين بالظبط