يامصريات ..... عايزه أشترى بلوزه سواريه شيك ممكن مساعدتكم

**tmother** · 16-05-2007, 11:18 AM

أخواتى العزيزات
انا مصريه من القاهره
عندى فرح مهم بعد اسبوعين وعايزه اشترى بلوزه سواريه شيك او افصل بلوزه بس على شرط حد يخلصهالى قبل الاسبوعين ممكن تساعدونى باسامى محلات بسرعه لاحسن أختكم مذنوقه

**حياة الهوى** · 16-05-2007, 01:39 PM

وعليكم السلام ورحمة الله وبركاته
اهلا حبيبتى
انا من مصر بس بصراحة انا من الزقازيق
انتى ممكن تشوفى المولات بيبقى موجود فيها كل حاجة
وياريت حد من القاهرة يفيدك اكتر منى

**كيرلي** · 16-05-2007, 01:44 PM

وعليكم السلام ورحمة الله وبركاته
ان شاء الله الأخوات بفيدوك

**nour84** · 16-05-2007, 02:00 PM

السلام عليكم و رحمه الله
ممكن تلاقى البلوزات ديه فى محلات حلوة اوى فى اركيديامول و كمان فى ملحق الهليتون رمسيس او اى مول فى مدينه نصر لو انتى قريبه من هناك و كمان فى فى شارع جامعه الدول 3 محلات حلوين اوى جانب بعض مش فاكرة منهم غير جولى هتلاقيه جانب محمصه قبل ما تدخلى شارع شهاب و يا رب اكون افادتك .

**tmother** · 16-05-2007, 03:21 PM

شكرا على استجابتكن يا أخواتى

من فضلك nour84 انا ساكنه فى المهندسين ممكن توصفيلى اكتر المحلات بتاعت جامعه الدول اللى تقصديها

**yomizo** · 16-05-2007, 03:47 PM

بصي انا كمان عارفاهم بس مش فاكره اساميهم برده هتلاقيهم على ايد اليمين وانت جايه من شارع سوريا على شهاب من جامعه الدول قبل ماتدخلى شهاب على طول هما محلين جنب بعض والتالت داخل لجوا شويه

**nour84** · 17-05-2007, 12:02 AM

ايوة يا مزبوط كلامك يا يوميزو شارع شهاب على ناصيته محل جاد بلاش تدخلى من الشارع دة و خليكى ماشيه علطول هتلاقى 3 محلات منهم جولى خلى جاد فى ضهرك و انتى ماشيه علطول و هتلاقيهم

**مايسه** · 17-05-2007, 07:17 AM

فى محل حلو اسمه دينا فى ميدان الجامع فى مصر الجديده اسعاره معقوله وزوقه حلو اوى انا اشتريت منه قبل كده حاجات كتير انا واختى وفى فرع منه فى سيتى ستار

**tmother** · 17-05-2007, 10:16 AM

تسلمولى يا بنات

النهارده انشاء الله هشوف المحلات اللى فى جامعه الدول وربنا يسهل والاقى حاجه شيك
مايسه ممكن تقوليلى بالضبط محل دينا فين فى ميدان الجامع ؟

واللى عندها محلات تانيه تلحقنى يابنات