[FONT=Times New Roman]
هاى يا احلى بنات فى احلى منتدى

انا عارفة ان اغلب اللى هيدخلوا مصريات و الحقيقة انا فعلا محتاجة خدمة مهمة اوى من كل بنوتات مصر و خاصة اللى اتجوزوا خلاص

الحقيقة انا محتارة جدا فى موضوع فستان الفرح دة انتوا عارفين اسعارة عاملة ازاى خاصة انة مش هيستخدم بعد كدة علشان كدة مش عايزة اشترية

فكرت اروح للاتيليهات اللى بتفصل الموديل اللى تطلبية و تاجرهولك لكن الحقيقة قلقانة ان التفصيل بتاعهم يطلع وحش

شفت فساتين اخواتى لكن خلاص موديلاتها قدمت لانهم اتجوزوا من زمان ( هما اكبر منى )

فى ناس كتير بتنصحنى ااجر فستان و الحقيقة انا عجبانى الفكرة لانى مش هخاطر زى التفصيل و لا هغرم كتير زى الشراء

و لما فكرت فى الايجار حبيت اسالكم يا بنات مصر اذا كان فى واحدة عندها فستان فرح حديث و تحب تاجرهولى لانى مش عايزة ااجر حاجة احس انها اتلبست مليون مرة قبلى على فكرة انا مقاسى 40 - 42

انا شفت واحدة عارضة الفكرة دى لكن من السعودية بس الفكرة عجبتنى

المهم انا طولت عليكم اوى
اسيبكم دلوقتى

اختكم المحتاسة
ريناملاك

ازيك يا رينا
الف مبروك
وان شاء الله بالتوفيق

بصي يا ستي انا في فرحي اجرت فستان من محل اسمه ((فرح )) او فرحه في عمارات العبور في شارع صلاح سالم بالقرب من محلات mm

المحل ده رائع رائع .. كل ما كنت اروح احجز فستان شكل حجزت 3 فساتين من كتر جمال وشياكه الفساتين
كل ما اروح الاقي وحده بترجع فستان كانت وخداه يعجبني اسيب الي معايا واخد الجديد
الاختيارات كانت صعبه اوي
المحل في الدور الارضي وليهم اتلييه في احد الادوار بالعماره عندهم واحده مصممه فساتين شاطره اوي هي الي بتعمل الفساتين دي والفساتين حالتها جيده جدا كانها اول مره تتلبس وفي فساتين فعلا بتبقي جديده لسه واصله
وبيظبطولك الفستان ولو عايزه تركبي اكمام او عايزه طرحه او اكسسوارات كل ده موجود
الاسعار بتبدا من 500 لحد 2000 جنيه بس انتي وشطارتك لازم تفاصلي جامد
انا اجرت فستان كان ب 1000 ج بس عرفت اخده ب 800 ج
لان محلات التفصيل الي بيدفعوكي تمن الفستان وبعد كده يخدوه دي سرقه اسمها
وكمان محلات التاجير انتشرت بشكل رهيب
عموما اعملي جوله علي المحلات قبل الفرح بفتره كافيه وقرري ...ارجو اني اكون افدتك
والف مبروك

ريناملاك ألف مبروك و ربنا يتمم بخير ..
معظم محلات تأجير فساتين الأفراح عندهم نظام تأجير أول لبسة و بيكون تصميم متفق عليه بينكم و بتكوني أنت أول من يلبسه و بيكون أغلى من التأجير الملبوس كذه لبسه يعني لو الى ملبوس كذه لبسه ب 400 جنيه بكون أول لبسه 800 أو900 أو 1000 على حسب تطريزه و شغله .
أعرف سنتر متخصص في فساتين الأفراح - الهرم ناجية سنتر ... و أسألىعن محلات كتير جدا

أتمنى أكون أفدتك

اخواتى الحبيبات
الباش مهندسة و سما حياتى الف الف الف شكر على مساعدتكم حقيقى انتوا افدتونى و ساعدتونى جدا لانى ما كنتش اعرف محلات تاجير الا واحد قريب من بيتى اسمة الجمل فى حدئق القبة هو صحيح حلو بس كل الموديلات عندة بحس انى شفت ناس لابساها انا مش عارفة الاحساس دة هيراودنى فى باقى المحلات و لا اية ربنا ستر و ماتكونش وسوسة منى
عامة الاسعار اللى كتبتوها حلوة انا مش عايزة اغرم خطيبى مبلغ كبير بس اعتقد ان اقصاها 1000ج

لو سمحتوا بس عندى طلب صغير لو ممكن تكتبوا لى عناوين الاتيليهات دى يا باش مهندسة و يا سما واضح انكم جربتوا الاتيليهات دى فعلا و دى مشاركة تستحق كل شكر لكم انتوا الوحيدين اللى ساعدتونى ربنا يبعت لكم اللى يساعدكم فى كل حاجة و انشاءالله ما تحتاروش ابدا

تقبلوا شكرى و حبى
اختكم
ريناملاك

زي ما قلتلك يا رينا الاتليه بتاع فرحه ده في شارع صلاح سالم في عمارات العبور يعني وانتي حايه من كوبري القبه يبقي علي شمالك مش عارفه ررقم العماره بالظبط بس هي في المدخل بتاع محل mm
بتاع الملابس اول ما تقفي قدام المحل اسالي فين اتليه فرحه الف من يدلك
وسعات بيكونو عاملين اعلانات في الاهرام تحت عنوان تاجير فساتين الزفاف حدورلك علي الاعلان لو لقيته حكتبلك نمرتهم عشان مترحويش تلاقيه قافل انا عارفه ان الوقت دلوقتي بالنسبالك بفلوس

وربنا يتمم بخير ان شاء الله

عندي سؤال هو رينا ملاك ده اسمك الحقيقي ؟

غاليتي ...رينا...


الله يوفقك يارب وييسر أمورك...

وأخواتنا الغاليات ماشاء الله عليهم ما قصروا..

انا مش عايزة اغرم خطيبى مبلغ كبير بس اعتقد ان اقصاها 1000ج

الله يوفقك ويكثر من أمثالك يااارب..

الله يحفظك رينا ملاك و يتمملك على خير ان شاء الله .
و ناجية سنتر هو سنتر في شارع الهرم الرئيسي قبل محطة الطالبية ب100 متر تقريبا.
و بيوجد فيه مجموعة محلات تأجير فساتين الأفرح .

و لكي رأيي :
اذهبي لأتيلي فرحة الى قالت عنه الأخت الباش مهندسة الأول لأنه قريب لكي عن الهرم يمكن تجدي طلبك فيه بدل المشاوير و التعب ... و أيضاً إذا وجدتي فستان يعجبك ذوقه و غير مستهلك (بالنسبة للتأجير)و لايق على جسمك لا تترددي و احجزيه لأن التردد بيتعب على الفاضي .

و لي رأي آخر : راعي في أختيارك ما يناسبك إذا كنتى طويلة .. قصيرة .. نحيفة .. مليانة و أكيد أنت تعرفي الى يليق عليكي

اخواتى الحبيبات الباش مهندسة و سما حياتى و محبة القران

صدقونى بدون اى مجاملة انا مش قادرة اوصفلكم مدى سعادتى بردودكم عليا و نصايحكم الغالية انتوا تقريبا مقدرين و عارفين كل ظروفى انا مش عارفة اشكركم ازاى بس انا مبسوطة اوى بشعوركم الرقيق دة و مش لاقية كلام شكر يوفى حقكم

الله ما يحرمنى منكم و من نصايحكم و ارشادكم
تقبلوا ارق و اغلى تحياتى
اختكم
ريناملاك