فكرة أو لعبة تمارسينها مع طفلك...كل يوم فكرة! 16

هذه الفكرة أيضاً من أعواد البوظة الخشب، ما ترموهم أبداً.
هذا صندوق لحلي الأطفال أو الأشياء الصغيرة التي تضيع بسرعة.

1- ضعي 10 أعواد جنباً بجنب. امسكيهم بلصيق خفيف عند المنتصف حتى لا يتحركوا.
2- صمغي عودين بالعرض من فوق وتحت، ولكن اتركي حوالي نصف سم من الطرفين. بعد أن يجف الصمغ، شيلي اللصيق.
3- ابني الصندوق عن طريق تصميغ الأعواد فوق بعضهم مع عكس كل اثنين، كما هو موضح بالصورة.
4- وللغطاء، كرري الخطوة الأولى والثانية، ولكن أتركي حوالي 1 سم من الطرفين.
5- وللزينة من الخارج، خذي ورقة شجر، ضعي فوقها ورقة عادية، ولوني فوق الورقة حتى تطبع لديك صورة ورقة الشجر، ثم الصقيها فوق الصندوق. أما الحشرة الموضحة فهي عبارة عن حجر أملس، ملون بهذا الشكل. الصقيه فوق الورقة الملونة.

الفكرة القادمة ستكون أيضاً من أعواد البوظة (سمكة).

ايه شو هاد ياامونة شوهالافكار الحلوة هي عن جد جد‍‍‍
ررررائع ...الله يعطيك الف عافية
فكرة حلووووووة وسهلة

نحن في انتظار الفكرة القادمة على نااااااااار


تحياتي الك

يا مية أهلا وسهلا بسارة الغالية، اللي بس أسمع اسمها بتفتح نفسي للأكل (كأنه يعني عمرها نفسي بتنصد!!)
يالله يا سارة شدي الحيل وطبقي، وأعطيني النتائج. أنا النتيجة انه من يوم ما عملت هالصندوق، كل بكل وشكلات بناتي صاروا فيه، مع انه عندهم علبة خاصة لكن لأنها من صنع ايديهم حابينها أكثر. دائماً شغل الإيد أعز وأغلى على الطفل.

اييييه يبعتلك الهنا يارب على هالكلام الحلو خجلتيني
اهلين فيكي امونة
حبيبتي راح شد حيلي واعملها علشااااااااان خاطرك لان اولادي بحبو كتير هالافكار الحلوة يالي متل هي....وراح اخزنها عندي حتى اعملها على رواء مع اولادي

وتحياتي الك

والقايل ان شاء الله.
تسلمي يارب، اعملي شي فكرة وقوليلي عن رأي الأولاد.

جزاك الله خيرا يا ايمان
والله ما شاء الله عليك عبقريه
ونيال أولادك عليك
لاتحرمينا من الأفكار الحلوه
بانتظار المزيد

الله يبارك فيكِ يا أم رائدة، والله لا عبقرية ولا شي، زي ما قلتلك عندي كتب كثير بتساعدني. ويعني كمان الحاجة أم الاختراع، وأولادي يا عيني على ولادي، ما يشبعوا من هالقصص. وعندي ليلى بنتي ورطتني، قعدت تقول لمدرسها إنو ماما فنانة وهلا بدو اياني أدرس الصف الفنون والأشغال اليدوية.....مش عارفة أطلع من هالقصة كيف..........!!!!!!!!!!!!!!!!!

ليش تطلعي؟؟؟؟
توكلي على الله يا إيمان وخلي الأمهات تدعيلك@

فكرك هيك؟ الله كريم، ان شاء الله خير.

اشكرك ياعزيزتي على افكارك واسمحيلي اجمعها في ملف حتى يستفيد اطفالي في وقت الفراغ....