هذا كان المقال والشرح بالنسبة للكبسولة وكيفية عملها ومايتعلق بها ...
تفضلو الان واقرؤو تجربتي فيها ........
بداية انا احترت كثيرا في مانع الحمل ... اللولب خفت منه كثيرا من شكله وطريقة وضعه وحيث اني سمعت ان
الدكاترة لم يعودو يفضلوه للبكرية
فقلت بلاش منو ...
حبوب المركبة ماتنفع عشان كنت ارضع ...
وانا طول معي النفاس لوجود بقايا ولادة ماكنت عارفاها واهمالي في شرب القرفة وعبال مخلص الموضوع كان الي
شهرين ونص والدة ...
فكرت قلت الان عمر ابني 3 شهور لو استخدمت حبوب الرضاعة ماحلحق الا ويصير عمرو 6 شهور وبدي اغير
لوسيلة اخرى كون انو حبوب الرضاعة خفيفة نوعا ما والاكل لما يدخل للطفل تقل رضاعته فتقل مناعتها هاي
الحبوب فقلت بدي ادخل دوامة تانية بلاش ... ورغم انو غلب الدكاترة بقولو الحبوب المركبة بعد 7 شهور
مسموحة لانها تقلل الحليب ويكون الطفل معتمد عالاكل فلا تؤثر عليه حيث معتمد على غذاء اخر غير حليب الام
لكن كان عندي مخاوف من انو في احتمال الهرمونات تنتقل في الحليب ورغم انو ايضا بقولو نسبة ضئيلة
وماتخوف بس قلت مافي داعي الجأ الها الا لو سكرت الطرق كلها في وجهي
لهيك قرات عن الامبلانون وعجبتني ولكن كونها هرمون واحد البروجسترون ازعجني فكرة النزيف وعجبني انو
لاتؤثر عالرضاعة لا كماً ولا كيفا حيث انها نفس فكرة حبوب الرضاعة ولكن تبقا مشكلة النزيف ... استشرت
دكتورتي وحيث انو مررت بالكثير من اللخبطة الهرمونية وبعد الولادة واجت دورة طويلة ويعني في الولادة نفسها
فقدت كثير من الدم حيث عانيت من المشيمة الملتصقة .. الله يبعد شرها عنكو شيء مخيف بكل معنى الكلمة ...
حبقا ان شاءالله انزل موضوع فيها ان قدرت
المهم فقالت الدكتورة انو هاي ممكن تقطع الدورة بعد فترة ولكن ممكن تعمل نزيف يعني انت وحظك وقلت تنجرب
حظي ........ وللاسف طلع حظ رديئ ...
رحت للدكتورة الاكثر شهرة ومهارة في تركيبها وهنا تصرفها الحكومة مجانا في المستشفيات الحكومية رغم انها
غالية الثمن ولكن لعدم وجود حسن لتنظيم الاسرة و حالة البلد الاقتصادية سيئة و يوجد نوع من الجهل في تنظيم
الاسرة ووسائل منع الحمل فقد صرفت هادا المانع لانو لا يحتاج تذكر ولا حبة في الموعد ولا خطير وغير امن كالعزل الطبيعي
لكن انا ماحبيت اروح مستشفى حكومي تعرفو يكون زحمة ولانو ببلاش سبحان الله الدكتورة نفسها حتحسي انو
مش عاطياكي حقك من حيث الاستفسار و حقك من العناية و الطمئنة النفسية ... المستشفيات الحكومة مكروهة
وين مرحتو على الاغلب
وفي عيادة الدكتورة نفسها الي تروح للحكومية وتركبها
سعرها مخفض لانو هية اصلا جاية عالبلد ببلاش ولكن لانو عيادة خاصة اتفقت مع الحكومة على سعر مخفض
بالنسبة لسعرها الاصلي انا دفعت 50$ ولكن سعرها لا يقل اصلا عن 100يورو في الدول الاخرى حتى العربية هي
غالية هناك ... حبيت اوضحلكو من ناحية السعر
رحت الدكتورة وسالتها عن كل الي عندي وبعدين وقت التطبيق متت خوف لاني اتحسس جدا من ابرة سحب دم
تلاقو معالم وشي تشنجت ههههه
حطت المطهر والمخدر وللاسف ماصبرت عالمخدر فراحت لما عملت شق وهو شق صغير جدا ماتتخيلو انو يعني
حتلاقي ايدك انفتحت ولا شفتي شريان طالع لالا ابدا ... المهم تفتح قدامك الغرسة والها اداة تاتي مع كل غرسة في
باكيتها الخاص لادخالها لضمان النظافة والتعقيم
شكلها مخيف كان ولما دخلتها ماكان لسة مفعول المخدر ساري كتير فتوجعت جدا ولكن اطمئنو وجع سريع جدا جدا
ومحتمل لكن انا كما قلت حساسة زيادة ويعني اقل من دقيقة تركيبها ياخد
وحطتلي ضمادة مكان ادخالها وقالت انزعو بعد 24 ساعة ... تحسست مكان الغرسة واحسست بالبداية يكون مؤلم
مكانها لانو جسم غريب على الجسم البشري وحواليها كان في ازرق كانو انضربتي في حيط او اشي زي هيك
بس انو عادي مش اشي مهم ابدا وقالت روحي لو بدك مارسي حياتك عادي جدا اعملي ساونا العبي رياضة وكل
شي مافي شي مخيف بس انا طبعا خفت وضليت حذرة في تحركاتي هههه
وطبعا هي مفعولها يلزمه 10 ايام ليسري فقل هالمدة لازم علاقة زوجية محمية ....
انا ركبتها خامس يوم دورة لضمان عدم وجود حمل وعموما ان كنتي فعلا متاكدة مافي حمل يعني متاكدة بكل معنى
الكلمة روحي باي وقت من الشهر عادي ...
المهم قالت انو مفعولها يقل ويلزم علاقة محمية في حال ::: تعاطيتي مضاد حيوي والحماية تكون 12 ساعة على
الاقل والافضل يوم كامل
البنادول والمسكانت الادوية العادية عادي مالها تاثير على فعاليتها
حبوب التخسيس والصرع تؤثر عليها وعلى فعاليتها
بعض الاعشاب ايضا تضعف مناعتها زي الكرفس والبردقوش واعشاب التخسيس والمرمية ...
البردقوش ان تم استخدامه كمنكه عالاكل عادي بس في ناس تشربو شرب مغلي هادا لا ينفع مع الغرسة هاي
ولانو مانع هرموني فهوة يقلل امتصاص الكالسيوم فصرفتلي حبوب كالسيوم
بعد عشرة ايام زال اللون الازرق وصار شكل المكان طبيعي جدا ومكان الادخال في نقطة فقط اثر معدوم الرؤية
يحتاج تبحلقي فيه اشد بحلقة عشان تكتشفيه
تقول انو اول 3 اشهر حيكون في غالبا اضطرابات للدورة ونزيف متقطع ومفروض بتقدم الاشهر يخف الامر يعني
الشهر الاول اسوا من التاني والتاني اسوا من التالت وبعد التالت تبدا الامور تنتظم
وفي حالات نادرة يبقا النزيف عطول
بعد ازالتها الخصوبة تعود بعد 48 ساعة تماما ولا تؤثر عليها ولكن كموانع الحمل الهرمونية ممكن في حالات نادرة
تؤخر الخصوبة كحد اقصا 6 شهور ولكن حالات نادرة زي حبوب المنع العادية المركبة
والان ناتي للجد وماحدث معي
انا ركبتها في22-مارس 2008 كان ماضي عولادتي 4 شهور المهم كان خامس يوم الدورة وبعد هاليوم باسبوعين
تقريبا بدينا بالهنا والسعادة هههه اقصد العكس ... بدا التنقيط للاسف تنقيط دم اقصد كان بداية نقط خفيفة
استمر12 يوم وراح اجت الدورة بشكل عادي انا كنت اعرف انو دورة من اعراضها علية و كمان شكل الدم
وهيئته ... معروف عند كل البنات صح
التنقيط كان مبين اشي غير طبيعي عامل زي نقط دم تماما كما لو انجرحتي في ايدك مثلا ونزل دم احمر وفيه
سيولة زي هيك يعني
خلصنا من الدورة وبعدين طهرت يوم كانو ولاكانو ولايوم بس خلصت مدة الدورة اتحممت وصليت وبعدين صار
تنزل افرازات بنية 5 ايام وبعدين استكملت رحلة الهنا صار ينزل دم هالمرة غير شكل بدل ميقل لانو صار مارق
على تركيبها اكتر من شهر مفروض بديت اتاقلم لا المشكلة زاااد واشي مقرف استمر تقريبا شهر 5 و 6 بدون
توقف يخف ايام ويزيد ايام وزي مقلت وصف الدم في هالحالة ولكن زاد زاد عنجد وصار اشي مزعج مش عارفة
اقعد ولاالبس براحتي واحس بالتأزم فعلا اخدت دواء دافلون لانو يقوي الشعيرات الدموية ويقلل احتمالات النزيف
عالفاضي اخدت فيتامين سي لنفس السبب والغرض عالفاضي
رحت الدكتورة خلص صارلي اكتر من شهرين تقريبا بس راحت عطتني حبوب هرمونات لتنظيم الدورة والنزيف
والامور هاي اسمها progyolton هرمونات مفعولها ناجح مع اغلب الناس واخرها اخر الشريط يعني بدا يخف
شووووووووي وبس بعدين ماتوقف تقولوش نفاس والله ماكان هيك ... ماتغير اشي والجو بدا بانو يكون حر وزاد
القرف النفسي عاد
طبعا غير النزيف اييييه خيرات كتيرة وجه ظهر وجع بطن بدون سبب دوخة وهبووووط اغلب الوقت ومن اقل واتفه
مجهود نرفزة وعصبية فظيعة لدرجة احس ممكن انفجر احس في صدري حريق من كتر التعصيب عاتفه سبب
ومسكين ابني وزوجي اكلو عراسهم ههههه ابني ازا بكي شوي احس بدي ارمي حالي من الشباك انخنق بشكل
فظيع جدا اعوذ بالله بس هادا كان ممكن اتحملو لولا النزيف يعني كان ممكن اهدي نفسيتي وهيك واكون ريلاكس
ويمكن من النزيف انا اادايقت هلأد كمان على فكرة سببتلي سدة نفس رهيبة و نزول في الوزن كل ملابسي تسحل
بعيد عنكو
هية ممكن تسبب زيادة او العكس يعني الموانع الهرمونية هيك يا تزيد يا تنقص بس الاغلبية الشائعة تزيد الوزن
بس انا صار شكلي مو حلو وشي مرهق ورفيع و يعني مبين كاني تعبانة عطول والادهى انا احساسي الداخلي
حاسة بالوهن والتعب بدون سبب
رحت 29-6 وشلتها ويومها حسيت هم وانزاح
ممكن الي صار معي يكون سببه نفسي اني قارئة عنها تسبب نزيف
فالواحد يتبرمج نفسيا او يمكن كنت كتير قلقانة وبراقبها الله اعلم لو ريحت نفسي يمكن ماصار هيك مابعرف بس
مااعتقد بس سبب نفسي
المهم اكيد بتقولو وانتي يختي بعد كل هالبرم والحكي وزغولتي عيوننا جاي بالاخر تذمي فيها ليش حكيتي مدامها
سيئة هلأد ههههه
حقلكم ياحلوين كل كلامي السابق لااااا يعتبر فيه اي ذم ولا دعوة تحذير لان لا تجربو هالمانع ابدا ابدا ابداااااااااااااا
انا جسمي ينزف بسرعة اصغر جرح ينزل دم كتير وفي الولادة نزفت كتير والدكتورة لاحظت هيك اضافة حسب كلام
الدكتورة جسمي يتحسس جدا من الهرمونات يعني تعرفو قبل الدورة يصيبني حالة نفسية الكل تصيبو بس انا خلص
قبل الدورة مخي يضرب
في الحمل طبعا عارفين و النفاس اكتئبت كابة مابعدها كابة لدرجة قال صرت ابكي بعد الولادة بيومين واحضن
ملابس الحمل قال شو اشتقت لملابس الحمل وابكيييييييي بحرقة ههههههههه الناس ترتاح وانا زعلانة
كلها حالات الكل يتاثر فيها ولكن انا حساسة اصلا جدا جدا ومع تغييرات الهرمونات نفسيتي تتعب كتير الله يهديني
يارب
اضافة وهادا اهم نقطة كل جسم يختلف عن الجسم الاخر في استجابته لمانع الحمل قبوله له او رفضه
مثلاااااااا الدكتورة قالت في نساء يركبو الغرسة هاي تغيب الدورة عنهم ينسوها ولا يحسو فيها ابدا لاتسبب زيادة
وزن ولا غيرو ولانزيف ولا ايي عارض من الي حصل معي تخيلو سبحان الله ماشاءالله اجسام ونصيب
تقول يرجعولها بعد 3 سنين يشيلوها ويحطو وحدة تانية اييييييييه تخيلت حظي من هالحظ واتحسرت
قرات في منتديات اجنبية في نساء مادحييييييينها تقلك ريحتني من الدورة ولا شفت منها شي عاطل وتنساها من
الاصل ازا لمست المكان بالصدفة تتزكرها تخيلو
وفي عاد عملت الهم زيادة في الوزن 20 كيلو
والي انجنت زي حالاتي
يعني زي حبوب منع الحمل العادية لكن هاي تفرق في النزيف هوة القرف الرئيسي كان فعلا
الخلاصة ::: هوة مانع حمل فكرته حلوة كونه يعتمد على هرمون واحد لا ياثر عالرضاعة احلا مافيه اضافة لا في
موعد للحبة ولا غيرو
طبعاااا الموانع الهرمونية لو نتخلى عنها افضل وصحي لانو الهرمونات عالمدى البعيد تاثيرها سيء للاسف ولكن
للضرورة احكام الي فشلت كل الوسائل معها مابقي غير حبوب شو تعمل؟؟؟ولو صحتها لاتسمح بالحمل ومافي مجال
للمخاطرة بمانع طبيعي شو تعمل
انا هادا حظي ونصيبي طلع مع هالمانع وكتير غيري حواليه شفتهم في العيادة مصهللين منو ولاحاسين فيه
ماشاءالله واي وحدة فيكو ممكن تركبو وتمام يكون معها
في كتير منكو تقرا جربت اللولب وقرفها وفي العكس وهيك مع الحبوب
هادا حالنا والله يتوب علينا يااااارب
المهم كل جسم غير عن التاني ... الي نفع معي ممكن ماينفع معك والعكس
لهيك من الاخررررررررر لازم تجربي الاول يعني صراحة بقرا في مواضيع الموانع هاي تقلك اللولب بجنن وهاي
تقلك يع عدملي حياتي والتهابات و نزيف
والي تقلك الحبوب ماحسيت فيها والي تقلك هلكتني
هادا نفس الشي بدك تجربيه وتشوفي ان زبط او مازبط التجارب لمجرد علمك بالعوارض الي ممكن تحصلك لكن
لايمكنك تحديد ازا حتنفعك الموانع او لا غير بالتجربة
في الدول المتقدمة بعملو تحليلات هرمونات وفحوصات ليحددولك اكتر مانع مناسب ... هادا عاد في الدول المتقدمة
بس بشوف في الدول العربية يلااااااا كلو ماشي خد حبوب حطي لولب وجربي عحالك مين خسراااااااااااااان؟؟؟
الله يحمينا يارب
همسة ونصيحة ::: الي حريصة على منع الحمل ليكبر طفلها او عارض صحي احذرك من المانع الطبيعي العزل او
الواقي ... فيها نسبة خطر عنجد والي مو فارقة تحمل او لا تتبعها بس الي حريصة بلاش منها لانو تحصل نسبة
خطا كتير مرات وكتير احيان تعدي عخير لكن ان بديتي في المرات الخطأ وعدتلك كم مرة والله ستر اخرتك توقعي
بالحمل الغير مخطط اله ........................
الله يعطينا الاجر والثواب على مانعانيه
بس يعني الجنة النا ببلاش ? اكيد لا بدنا نتعب وننهلك الله يعيييييييين
وسامحوني للاطالة ولكن وضعت لكم خلاصة تجربتي في هالمانع مو لاخوفكو بالعكس حلو هوة لكن جربيه الاول
وحطيه ضمن خياراتك في موانع الحمل لابخوف ولاشي زي متركبي لولب بتحطي هاي في كتفك عادي جدا
دعواتكم ...
الي حابة تنقل الموضوع للفائدة لا مانع ولكن ارجو ذكر المصدر سوسو1983 منتدى لك
ملاحظة المقال في الرد الاول منقول من موقع صحي كما ذكرت وفقط عدلت الصور لازالة رابط الموقع
الروابط المفضلة