وَيَعْلَمُ مَا فِي الْأَرْحَامِ(تجربة قيمة )
.gif)
سبحان الله لا يعلم الغيب الا هو
و هو سبحانه الذى خلق كل شئ بقدر
حبيت اكتبلكم حكاية اختى مع حملها الاخير لعلكم تستفيدوا شئ منها و حتى تدعولها بالصبر و الثبات و قبل كل شئ لنرى حكمة الله فى خلقه
اختى عندها بنتين 5 و 4 سنوات الله يحفظهم لها و حملت عليهم للمرة التالتة و كل املها من الله انها تنجب اخ ليهم و فى اول موعد عند الدكتور اكد لها الحمل و قالها انها حملت بتوأم لكن كيس منهم وقف فيه النمو و خال من النبض و التانى سليم
و لان حمل اللى فات مكنش فيه مشاكل اهملت المتابعه عند الدكتور و راحت بعد ما الجنين تم 4 شهور قالها ان وزن الجنين صغير بالمقارنة بعمره و كتب لها فيتامينات و مقلهاش ان الوضع يستحق رعاية خاصة نصحها بس بالتغذية الجيدة و خلاص
و معرفتش نوع الجنين فالزيارة دى
بعدها بشهرين راحت متابعه عند طبيبة تانية قالت لها الوضع عادى و ان النوع ذكر فرحت اختى و زوجها فرح كبير و الكل فرحلهم كتير
بعد شهرين دخلت التامن و راحت متابعه و كانت الصدمة
الدكتورة بعد فحص طويل قالتلها مستحيل يكون ده ملفك اكيد الممرضة غلطت و راجعت الاسم و البيانات لقتها صح و قالت لاختى ان الجنين اللى قدامها على السونار عمره 6 شهور و ان الملف بيقول المفروض انه فالتامن فطلبت اشعه دوبلر عملتها اختى و كانت نتيجتها ان كمية الدم اللى واصلة للجنين قليلة جدا جدا و انه بيرجع معظم الدم اللى بيوصله للام تانى
فصارحت الطبيبة اختى و زوجها ان الحالة صعبه و ايام و الولد يموت
سبحان الله كانت اختى بتعد 45 يوم و تولد و الدكتورة بتقولها ايام و يموت
راحت اختى لدكتورين كبار عندنا واحد طلع عارف ربنا قالها الامل فى وجه الله باقى و نصحها بشرب 3 لتر ماء فاليوم و الاستمرار على ابر كلكسان لسيولة الدم
الدكتور التانى جاى من لندن و عملى فى تفكيره وناسي تماما حرمانية قتل الروح قالها اطلعى على المستشفى حالا علشان اولدك والجنين مش هيدخل حضانة كده كده هيموت لان وزنه 750 جرام
طبعا ده حرام شرعا فقررت الاخذ براى الطبيب الاول
و زاد وزنه اول اسبوع 50 جرام و اعطانا امل
عشنا كلنا على الامل و الدعاء و اصبحت اختى تتابع كل 3 ايام لكن السونار عند كل الاطباء طلع الوزن 800 جرام لحد ما التامن اوشك على الانتهاء و دخلت اختى فى تسمم حمل بسبب ارتفاع ضغطها و نزيف بسبب ابر الكلكسان لان عندها اصلا سيوله عالية
والدكتور قالها وقفى الحقن علشان احتمال تولدى و وقفت الحقن فعلا و تانى يوم اتوقفت الحياه بالجنين
كل الاطباء والاشعه بتقول ان الوزن كيلو الا ربع تقريبا و كلهم قالوا لو الوزن كيلو كنا وضعناه بحضانو و وولدت اختى قيصرى لجنين ولد ميت ووزنه سبحان الله فوق الكيلو جرام وكانت مفاجاة لنا كلنا لكن ارادة الله فوق اى شئ
الله يتم شفاها على خير و يصبرها هى وزوجها و يرزقهم الولد الصالح
السبب المحتمل للمشكلة هو ارتفاع ضغط الدم اثناء احمل بدون علاج و لا متابعه و فعلا اختى كانت تشتكى من صداع متكرر لكن مع قلة المتابعه تفاقم الوضع
ربنا يرزقنا الجميع الذرية الصالحة يارب
مدونتي مطبخ ام مرمر و ليلو
تعليق