ازيكو يا حلوين اخباركو ايه وحشتونى جدا جدا
انا الحمد لله ولدت ودى قصة ولادتى باحمد
من اول التامن وانا على طول يجيلى طلق وتعب وموش قادره خالص مع انها تانى ولاده ليا والمفروض تبقى عادى لانى حملت قبل كدا لكن الحمد لله
عدى التامن بالامه والتاسع بتعبه الموت وجيت علىاخر كام يوم فى التاسع وانا بيجيلى طلق بارد طلق بوجع جامد بس الفترات بعيده او غير منظمه وجيت قبل التاسع ميخلص بتلات ايام صحيت الفجر على طلق يزيد وبيجى كل تلت ساعه اخدتلى شور وجهزت كل حاجه ورجعت ارتاح على السرير نمت بس صحيت على الساعه 5 تانى على حاجات بتنزل لقيت الميه بتنزل بس موش كلها هيا بلتنى جامد بس
والوجع زاد بقى كل 5 دقائق روحت للدكتور وكشف كنا الساعه 7 وقال الولاده لسه على 10وروحت البيت وساعه والوجع بيقل لغاية الساعه 11.5 الوجع راح روحنا للدكتور قال على العصر و
الوجع بيجى جامد جدا بس ييجى كل ساعه والميه طبعا شغاله عماله تسرب منى
ورجعنا على بالليل كشفت تانى الدكتور فال الرحم فاتح و2 سم بس
روحت وتانى يوم الوجع برضه بيجى جامد بس كل فين وفين وعدى اليوم واليوم التالت اللى هوا يوم 3 \3 عدى وكنت قلقانه جدا لان الميه بتتسرب منى وخايفه على النونو بس جيت على العصر واخدت معلقتين خروع
جيت على بعد المغرب والطلق بدا يظهر تانى ويقرب الوقت وبقيت ببكى من شدته وعلى الساعه 10 روحنا المستشفى لانى معتش قادره استحمل الدكتور كشف تانى وقالى لسه قدامك سهرايه وعلقلى طلق صناعى يساعد ومزودش ومقربشى الوقت الوجع بيزيد اوى وكل ييجى 7 ولا5 دقايق الدكتور فتح كيس الميه ونزل اللى فاضل والوجع زاد اوى وبقيت بصرخ جامد وبستحلفهم يولدنى قيصرى يااااااااااااااااااااااااه الحمد لله الحمد لله والدكتور قالى لسه شويه وراح مشوار وسابنى وانا الوجع بيزيد وخلاص حاسه انى هموت لان نفسى راح خالص وحاسه ان روحى بتنسحب واتشاهدت وزوجى وماما عمالين يهدو فيا ويدعكولى فى ايدى ودماغى ويقرو قراان و بقيت انده للممرضه واقولها عايزه اكرمكم الله اعمل حمام تقولى ايه اقولها تقيل اعزكم الله تقولى ولاده واتلبخو وعمالين يدورو على الدكتور ويقولولى تعالى لازم تدخلى حجرة الولاده حالا وانا ابدا لما الدكتور ييجى واخيرا جه وعلى ميلبس لبس العمليات دخلونى والممرضات شايلينى لانى موش حاسه باطرافى وواحده عايزه تقيسلى الرحم من الممرضات وانا ابدا موش بقتنع بحد حتى وانا فى عز تعبى بقاوح ومخلتهاش لما الدكتور جه وانا عماله بقى ولدنى قيصرى ياروح والدكتور يقولى خلاص معدشى ينفع وانا موش قادره ااخدالنفس والراس اخيرا ظهرت بعد مروحى طلعت وابوس اديهم ويبنجونى وعماله ادفع جامد والراس خلاص هتنزل والمفروض الممرضه تدينى البنج وايدى واقفه وعروقى موش بيمشى فيها البنج وعماله تقولى فكى اعصابك سيبى اعصابك وانا والله غصب عنى وفجاه النونو نزل وانا لسه متبنجتش وصرخت صرخه زى اللى بيجو فى التلفزيون والنونو بعدها تسمعى صوته سمعت سوته من هنا وروحت فى عالم تانى وفجاه لقيت نفسى فايقه وموش فايقه حاسه وموش حاسه حاسه بالخياطه واقول للدكتور بتحيط يقولى لا وهوا شغال تدبيس لانى كنت اتبهدلت من تحت
وسامعه اصوات اللممرضات حوليا وانا عماله اخرف وانده على جودى بنوتى الاولى وعماله انده لاحمودى حبيبى وجابوهولى بوسته وورجعت نمت وحسيتنى وانا طالعه وراحه الاوضه التانيه ولقيت ماما بتبوسنى وجوزى ماسك ايدى ويقولى حمدالله على سلامتك وكانت ساعتها الساعه 3 الفجر روحنا الصبح ومقولكوش بقى بعدها كل اما اقف اقع فضلت كام يوم موش قادره اقف على رجلى وظهرى تاعبنى اوى وبطنى كنت بعيط والله والحمد لله عدت وبقيت الحمد لله احسن دلوقتى بس مكان الخياطه اللى مضايقنى لان بجيلى حكه فيها
رد مع الاستدلال
مدونتي مطبخ ام مرمر و ليلو
الروابط المفضلة