السلام عليكم ورحمة الله وبركاته
بالبداية بحب اشكر كل الصبايا اللي باركولي واتصلوا علي او بعتولي رسالة
حبيت احط قصة ولادتي عشان الكل يستفيد خصوصا البكريات الله يقوم كل الحوامل بالسلامة يارب ويطعم كل محرومة
طبعا هاد حملي الرابع الحمد لله بعد 5 سنين ونص
خلصت شهري وكمان يومين اخر اسبوعين كتييييييييييير كنت خايفة من الولادة ليش مابعرف يمكن لاني طولت لهيك بنصح كل وحدة ازا بدها تعمل فرق اكتر من 3 سنين ماتعمل لانه عنجد بتتغلب
بحملي ببنتي الحمد لله ماشعرت ابدا اني حامل بس وزني كان مابزيد ومرة كنت حاطة موضوع انه البيبي وزنه قليل وانا بطني مو كبير حتى لما خلصت شهري بطني كأني بالشهر السادس وحتى في كتير ناس شافوني وانا حامل وماعرفو ابدا اني حامل الا لما شافوني حاملة البيبي ههههههه
طبعا انا كنت كتيييييير مشغولة وبنقل على بيت جديد وسكنت بيتي تقريبا باول يوم بالتاسع شنتة البيبي حضرتها بنص التاسع هههههه لاني كنت مشغولة بترتيب البيت
ولدت ب3_2 يوم الجمعة شعرت بالم الطلق تقريبا باخر اسبوع من التاسع يعني كنت اشعر بوجع ببطني بس خفيف ليلة الجمعة يوم الخميس بالليل ماعرفت انام الوجع كان يييجي كل 4 ساعات ومع هيك مو مرتاحة بالمرة صحيت الصبح فطرتهم ورتبت البيت وحممت الولاد وغسلت وطبخت والوجع طبعا معي بس كان بين فترات بعيدة
ضليت اشتغل واخدت حمام سخن وعند المغرب نزل علي افرازات مع دم وساعتها عرفت اني قربت حضرت شنتتي ولبست اواعيي وكان عندي ضيوف ههههههه عشيت جوزي والولاد ورتبت البيت وخليت الولاد يروحو ينامو عند خواتي وحكيت لجوزي خلص مش قادرة استحمل وهو يحكيلي معقول انتي بدك تولدي مش مبين عليكي خخخخخ
رحنا عالساعة 9 بالليل وكانت المستشفى فاضية دخلوني على غرفة الفحص وحكتلي عندك 4 سم توسع وحطولي طلق اصطناعي نص ساعة وبعديها الحمد لله ولدت
بعد الولادة صار معي تشنج وحست انه الدم نشف بعروقي الدكتور حكالي ماتخافي شكلك خايفة كتير وفعلا انا كنت خايفة حكالي خدي نفس عميق هاد نقص اوكسجين وضليت ربع ساعة على بين ماهديت وروقت الحمد لله على كل حال واجت سمسومة النكدة ههههههه اللي ماخلتني اعرف انام
وكل شوي احكي انا اللي جبته لنفسي هههههه لا بمزح الله يطعم كل محرومة يارب مافي احلى من نعمة الولاد ومافي احلى من الصغار واولادي كل ماتصحى بهجمو عالغرفة ومن الصبح بصحى بلاقيهم فوق راسها هههههههه
بدي احكي انه مو شرط المشي للحامل ومو شرط تشربي اي اشي انا مارضيت اشرب عملت تمارين احط ايدي على الطاولة وانزل لتحت هاد التمرين كتير منيح
اهم اشي الدفى الك وللبيبي لانه الجو كتير برد الدكتور اعطاني ميزان حرارة الكتروني عشان اضل افحص درجة حرارتها وماننسى الصوبة لازم تتشغل طول النهار

الحمدلله على سلامتك وسلامة سمسومه
الله يحفظها لك يارب

الحمد لله عسﻻمتك مجودة و سﻻمة ماسة
الله يحميها ويجعلها من الصالحات و يقر عينك انت وابوها فيها يااااااارب
وعقبال ما تفرحي فيها يارب

الحمدلله على سلامتك وسلامة سمسومه
الله يحفظها لك يارب

الحمد لله على سلامتكم
والله يخليها لك ويهديها لتنام بالليل وتصحى بالنهار
وبارك الله فيك على طرح تجربتك لتفيد الاخوات البكريات
اسئل الله ان يحفظلك اولادك من كل سوء
ويرزقك برهم
ويجعل البيت الجديد عتبة خير عليكم يارب

ياقلبي حمد لله علي سلامتك ياقمري

حمد الله على سلامتك الله يخليلك اياهم..

الحمدلله على سلامتك و سلامة البنوتة ويارب عقبالي انا و كل الي بينتظرو البيبي ... ويارب يجعلها من بنات السلامة و تتربى بعزكم

الحمدلله عسلامه....
ومبروك قدوم الأمووووووووره,,,,,

الحمدلله على سلامتك و سلامة البنوتة