انا السبب اني ما عوديتها

**اماراتية** · 12-10-2003, 04:12 PM

بسم الله الرحمن الرحيم

شخباركم ...........

حبيت استشيركم في موضوع بنتي اللي عمرها 5 شهور الحين .. المشكلة انها ما تقبل المرضعه نهائيا حاولت غيرت لها الحليب الصناعي ما في فايده وغيرت الحلمات بعد مافي فايده .. انا ان شاء الله ناوية اكمل معها الرضاعة الطبيعية بس ظروف العمل راح اتحتم علية الجلوس اكثر من ست الى سبع ساعات خارج البيت

جربت احط عسل على المرضعه مافي فايدة .................. حاولت اجوعها بعد مب راضية شووووووووووووو اسوي محتارة يا ناس

**اماراتية** · 13-10-2003, 09:24 AM

ليش محد رد

**أم غانم** · 13-10-2003, 10:34 AM

اختى اماراتيه مافي امكانيه تستأذنين من الشغل ساعه للرضاعه ...والى ان ترضعيها تاخذ شيء خفيف لان عمرها 5 شهور ماشاء الله يعنى بدأت في الاكل ممكن تاكل اشياء مهروسه بطاطس او جزر مهروس وومكن اذا ماقبلت االحليب الصناعي تشرب بالملعقه شوي شوي هذا اذا ماكان ابدا فيه مجال و مارضت ...والله يعينك ..

**اماراتية** · 13-10-2003, 05:00 PM

اهلين اختي ام غانم اشكر ردج عزيزتي والله اقتراحج حلو بجربه ان شاء الله جزاك الله خير الغالية

**إيمان علي** · 13-10-2003, 05:11 PM

إضافة إلى اقتراح أم غانم أود أن أقول أن ابنتك عند الجوع ستأخذ الرضاعة طالما أنك لست من يعطيها إياها، فهي بالطبع سترفضها إن كنت موجودة.

**اماراتية** · 13-10-2003, 06:29 PM

السلام عليكم اختي ايمان علي

والله بعد جربت ها الطريقة يعني احاول ادربها واشوف بس اروح 4 ساعات ارجع القاها هلكانة من البكاء بس بعد بشوف ان شاء الله يمشي معها الموضوع

جزاك الله خير

**إيمان علي** · 13-10-2003, 08:39 PM

وعليكم السلام.
وإياكم إن شاء الله.

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: انا السبب اني ما عوديتها

أدوات الموضوع

العرض