طبعا زى مانتم عارفين انا حامل فى بدايه الشهر التالت امبارح بالليل نزل عليا افرازات بنى اللون وانا تخضيت وقولت دم مش عارفه اعمل ايه مع انى معملتش مجهود ولا حاجه وفضلت نايمه على ضهرى
انا فى حملى الاول بااياد ابنى حصلى كده والدكتوره قالتلى اجهاض منذر وادتنى مثبت بس ده كان من بدايه الحمل وانا فى الحمل ده الدكتوره ادتنى المثبت من البدايه بس وقفته لما بدات فى التالت ياريت تطمنونى وتقولولى اعمل ايه؟؟؟؟؟؟ ولكم جزيل الشكر

حبيبتى باذن الله


بلاش قلق كدة

ودة ممكن برد او اجهاد انتى ارتاحى على ظهرك ولو قلقانة تصلى بالدكتورة تطمنك او يمكن تديكى مثبت من جديد

كتبت بواسطة كنزى احمد

حبيبتى باذن الله


بلاش قلق كدة

ودة ممكن برد او اجهاد انتى ارتاحى على ظهرك ولو قلقانة تصلى بالدكتورة تطمنك او يمكن تديكى مثبت من جديد

ربنا يخليكى كنزى حبيبتى ويبارك فيكى يارب اللهم امين طمنتينى شويه

لا والله بجد ارتاحى وعاداى الافرازات فى الحمل وبدون حمل دة اساسى عند المتزوجات وممن يكن برد

لكن انا بقولك اتصلى حتى عالدكتورة كاطمئنان

حاضر ياكنزى ياحبيبتى ان شاء الله هتصل بيها
ربنا يخليكى يارب

حبيبتى طالاما كان بحملك الاول كدة يبقى المفروض ان المثبت مايقف الا فى الشهر الرابع
فلازم لازم تكلمى الدكتورة
وترتاحى راحة تامة
والله معك وباذن الله خير ماتقلقى

شكرا ام زوزو حبيبتى ربنا يبارك بعمرك ياغاليه

ام اياد لا تقلقي أظن و الله أعلم من الإجهاد
حبيبتي واجب على الحامل لا تعمل اي مجهود و حتى و لو تشوف انه بسيط و لكن احيانا يأثرأ
حاولي هذه الفترة ترتاحي كثير و تراجعي الطبيبة بخصوص المثبت

الله يثبت حملك و حمل كل الأخوات و يرزق كل محرومة يارب

السلام عليكم ورحمة الله وبركاته
اختي ماتوتري نفسك فيكثير حوامل بيحصل معاهم كدة والحمل بيكمل من غير مشاكل ماشاء الله بس لوعندك رقم دكتورة مممكن تستفسري منها اهم شي ماتشيلي حاجات ثقيلة ولا تطلعي درج كثير خليكي هالفترة مرتاحة وربي يطمنك وتفرحي باخو اياد

حبيبه ياعمرى فعلا متشكره ليكى خالص