خواتي الحبيبات ..
حبيت اعرض لكم تجربتي بعد ماكنت من المدمنين على قراءة مثل تلك المعلومات التي تكتب في المنتديات عن نوع الجنين في بطن أمه وطرق كشفه من طبيعة الوحم والجدول الصيني والابره والخيط والخ... مثلي مثل كل أم تحمل لأول مره ويكون حبها وفضولها لمعرفة جنس الجنين من البداية،

هذي تجربتي باخنصار .. انا ماراح أغالط كل ماكتب عن هذا الموضوع ، ممكن فيه نسبة كبيره من الكلام انطبق على الكثيرات ولكني اعرض تجربتي كرأي ثاني لا أكثر ولا أقل ..

بسم الله نبدأ وراح اذكر فقط اللي انطبق علي :

1. قالوا من تكون حركتها خفيفه في أول الأيام ولا تعاني من الغثيان الصباحي يكون مولودها ولد !
2. قالوا من تشتهي الموالح والمخللات واللحم يكون مولودها ولد !
3. قالوا من يكون كيس الحمل عندها هلالي مولودها ولد !
4. قالوا من تزداد نضارتها في الحمل مولودها ولد !
5. قالوا من تجمع عمرها + الشهر الذي يكون فيه الولاد ويكون الناتج عدد زوجي مولودها ولد !
6. قالوا عن الجدول الصيني وقمت بالحساب وطلعلي ولد !
7. قالوا من يكون بطنها مثل كرة السله مدور و مرتفع يكون مولودها ولد !
8. قالوا عن الاحلام .. من تحلم انها انجبت بنت يكون المولود ولد والعكس صحيح !
9. قالوا عن نبض الجنين اذا اقل من 140 ولد !
10. قالوا اذا تحرك الجنين في بداية الشهر الرابع فأنه ولد !
11. حتى اختبار intelligender اللي ينباع بالصيدليات ويعمل في الاسبوع السادس عطاني اللون الأخضر والذي يدل على الولد حسب الإختبار !
12. قالوا عن حركة الابره والخيط اذا كانت دائريه بنت واذا خطوط طوليه ولد !
13. قالوا وقالوا .......

جميع الاشياء الي ذكرتها انطبقت علي وقمت اجهز للولد وانا لسه ماكملت 12 اسبوع !
ولكن فالاسبوع الــ 13 والــ 14 رحت اعمل السونار الرباعي واكدتلي الطبيبه انها بنوته بعدما شافت واتأكدت 100% من اعضائها التناسليه ..

انا الحين بالشهر السادس والحمدلله على نعمته كتبلي بنوته حلوه مثل القمر لما شفت ملامحها بالتصوير الرباعي من يومين ..

وهذي التجربه ما زادتني إلا ايمان بأن علم الغيب عند الله سبحانه والي يقال من قبل البعض ماهي الا تجارب تصيب واغلبها تخيب ..

من اليوم ورايح ماراح امشي على مايقال واحسن شي الواحد ينتظر حتى يتأكد 100% علشان مايخيب ظنه بالآخر ...

وانا والله ما لجأت لتصديق هذا الكلام إلا من الوحده لاني ربة بيت وكنت حابة اشغل نفسي بتجهيز اغراض البيبي وماكان فيني صبر انتظر لنهاية الرابع أو الخامس علشان اتأكد من السونار ..

هذي تجربتي بتواضع ... وارجو ان ماتفهمني بعض الاخوات خطأ .. انا ما اقصد التهجم او مغالطة تجاربهم ممكن يكون الكثير صدف وصابت معاهم الاعراض .. بس انا هذا اللي حصل لي ..

بالنهايه ادعو ربي لي ولكم يرزقنا مواليد أصحاء كاملين الخلقه ويبارك فيهم ويجعلهم من عباده الصالحين ..

صح أختي وخلينا نخليها علي الله
واللي يجي من الله حياه الله وربي يحفظهم لينا ويرزقنا أطفال سليمين معافيين آمييييييين

آمين يارب العالمين ..

صح كلامك والله انا قريت انو البنت وحمها شديد ومدرى ايش مع انى كنت اتمنى بنت وحمدالله عندى بنوته بس بحملها ما حسيييت بوحام ابد ولا كانى حاملوحتى الجدول صينى طلع معى بنت بس جربته مع صديقتى طلع لها ولد وهى بنت ببطنها مافى شي اكيد الا بسونار والله العالم بس احنا من الفضول نحاول نقرا ونخمن من الفضول بس والفضل ان وحده تستنى الشهر الرابع او خامس عشان تتاكد ويارب يرزق كل وحده الى تتمنى
الله يعطيك العافية

صح كلامك اختي الولد والبنت نعمه من رب العالمين المهم الخلقه السليمه
وكل امراه وحامها مختلف انا كنت اموت بوحامي وسبحان الله الله رزقني ببنات ولله الحمد

بارك الله فيك على نقل تجربتك
اسئل الله ان يسهل حملك
ويقر عينك بشوفة بنتك وهي باتم صحة وعافية

بصراحة موضوع رائع
واعجبتني طريقة طرحك

بارك الله في ذريتك وجعلهم من الصالحين والصالحات

مشكورة حبيبتي على الموضوع بس حابة اقلك انو في بنات كمان عملو سونار وقالولهم بنت وولدو ولد يعني كلو بامرالله وحتى الطب مايعرف الاماشاءالله علمه والله يتمملنا ويتمملك على خير

والله من جد كلام مايدخل العقل كله بعلم الله ربي يرزقنا مايسرنا

ربي يبارك لك في حملك ويرزقك ذرية صالحة
الحمد لله انك عرفتي انه كلها خرافات واقاويل
طرح مميز