هانا حللت دم بعد تأخر الدورة وطلعت النتيجة ايجابى الحمد لله لكن الله يسامح الطبيبة بتاعتى انا رحت عندها بعد ماحللت وقالتلى تعالى اكشف عليكى بالسونار الخارجى وما عرفت تشوف حاجه قالتلى انتى احتمال يكون عندك حمل خارج الرحم ...فحولتنى على قسم الاشعة وعملتلى اشعة مهبلية والطبيبة اقرت انى عندى فعلا حمل خارج الرحم ..بعدها قالتلى تعالى كمان يومين واعيدلك التحليل تانى والاشعة ..المهم انا قبل اليومين ما يخلصوا نزل عليا دم فجاة بدون اى الم ..فرحتلها تانى راحت حطانى تحت الرعاية فى المستشفى لمده 6 ايام كل يوم تعملى تحليل واشعة ..وفى الاخر قالتلى انتى الصراحه حالتك محيرانا بتاعة الاشعة بتقول انك اكيد عندك حمل خارج الرحم ..اما طبيبة النسا قالتلى انتى عندك كيس حمل فاضى جوه الرحم بس احنا شاكين ان عندك حمل خارج الرحم ...طبعا كلام غير مقنع
طلعت اخيرا من المستشفى ورحت لدكتورة تانية قالتلى طالما فى كيس جنين فى الرحم يبقى انتى ان شاء الله ماعندكيش حاجه بره ...
بس انت غالبا بتعانى من حالة اسمها الحمل اللاجنينى
وقالتلى تعالى كمان اسبوع اعملك سونار مهبلى عشان لو مش شفنا الجنين وسمعنا النبض هنتصرف
انا باخد مثبت وفوليك اسيد واسبرين اطفال والدكتورة قالتلى الراحة التامة لانى ساعات لما بتحرك كتير بينزل منى افرازات بنية
بس سؤالى هو ايه الحمل اللاجنينى ده ؟
والجنين بيبان امتى فى الكيس ؟
وايه اعراض الكيس الفارغ او اللاجنينى؟؟؟
انا اخر دورة ليا 18-12 وايام التبويض اليوم 13 و 14 و15 من الدورة

مااقدر ارد علي اسئلتك لانها محتاجه خبره او معرفه

وياليت احد يشرح لنا لانه نفس اللي صار معي يارب عوض صبرنا خير

حبيبتي الله يتبت حملك وتشوفي نبض جنينك
في الزيارة القادة الحمل اللاجنيني يعني كيس
فاضي من غير جنين داخل الرحم بس إلي
فيها الخير ربنا يقدمهالك يارب