كتبت بواسطة
meme meme
دفء المشاعر ما تعبي البانيو مويه ههههههه
حطي مويه دافيه في سطل مثلا او افتحي موية الحنفيه على مقاس دافي وصبي عالبيبي شويه شويه حسب احتياجك عشان تكون المويه نضيفه
اما لو عبيتي البانيو وصبيتي منه عالبيبي راح يدخل الشامبو اللي بينزل في المويه تاني في عيونه فاهمه قصدي؟؟
شكرا ميمي علي التوضيح طيب معلش سؤال تاني اجيب السفنجه والا اجيب اللي زيها بلاستك برضو عامله زي الكرسي وطبعا في كلتا الحالتين حجيب البانيو بس انهي احسن السفنجه والا البلاستيك
كتبت بواسطة
رحبونة
قمر بغداد
الف مبروك على التجهيزات ويارب يبلغك وتلبسيهم للنونو
ام عبد العزيز
مبروك ياسكرة على تجهيزاتك للنونو
بالنسبة للأسفنجة حقت الترويش ترى مررررة عملية واحسن الف مررة من الف بانيو
لأنك يفترض تغسلي مغسلتك وتنظفيها وتحطي الاسفنجة وتروشي البيبي على طول ما تتعب ظهرك ولا شي
والشي الثاني ترى سراير سنتر بوينت من افضل السراير على انها ماليزية الصناعة
لاكن جودتها عالية
انا سرير بنتي اللي عمرها 12 سنة جاني هدية من اختي بعد ما ولدتها والى الآن وانا استخدمه بفضل الله مافيه ولا مشكلة
واللي عندهم برد وشتى ضروري يكثروا من البربتوزات المغلقة اللي رجولها مسكرة والملابس الداخلية
وكمان من الافضل انو تشتري اول شي من سن 3الى6 لا تاخدي مقاس نيو بيبي مرررة مو عملي ممكن يجلس عندك اسبوعين ويصغر ولا تنسي الاشياء القطنية اذا غسلتيها على طول تنكمش ولو شوية فعشان كدة مقاس من 3الى 6 مناسب
ومهم كمان للي ناوية تحلق للبيبي تاخد الطاقية الخاصة بالبيبي حتى ما يجيه برد في راسوا
وحزام السرة كمان احس انو مهم الين تطيح السرة
وقطاطة الاظافر جدا مهمة
رضاعة صغيرة للموية
ترمس موية ساخنة عشان اللي بتسوي رضاعة
المصاصة ياسلاااام مرة مريحة لاكن اللي حابة تاخد تاخد بغطى لأنو في اشكال كثيرة من دون غطى
طبعا من اهم الاشياء شنطة البيبي اللي تكون طقم مع البيت حقو اللي نحطوا فيه
واعتقد سيتي بلازا -سنتر بوينت لا يعلى عليها في هادا المضمار
وعلى فكرة شنطة البيبي لا تاخدوها اكبر حجم لأنكم رح تتورطوا فيها وتحطوها تحت العربية بتعبي السلة كلها
لاكن خدوا الحجم الوسط او الصغير
انا اخدت الكبير وقاعدة جديدة زي ما هي واشتري الصغيرة اللي زيها وبهدلتها من كثر الاستخدام
اللي تحتاج دولاب صغير وعملي وسعروا مناسب تروح ايكيا معقووول جدا
واحسن من الدواليب اللي مع البانيوا تراها مرة غير عملية
وعلى فكرة اللي بتولد طبيعي ان شاء الله مهم انها تشتري مشد والله احس انو ضروري مشد البطن في فترة النفاس
وتشتري من العطار اعشاب النفاس وتجهزها من قبل ولادتها تودي الام البطن اللي تجي مع الرضاعة اول الايام وتنظف الرحم من الاوساخ وبقايا النفاس - اعزكم الله-
بنااات
لاحظو انكم ما تكثروا مرة ملابس واغراض بالذات اللي بتولد عند اهلها
ترى بتجيكم هدايا كثير وتتورطوا فين تصرفوها وبتنحسب عليكم هدايا
الاشياء اللي ممكن تستني عليها وومكن ان شاء الله تجيكي هدية
المشاية
كرسي الاكل
كرسي السيارة
كرسي هزاز
مرجيحة كهربائية او بالبطارية
الالعاب اللي تنحط فوق البيبي في سن 3 شهور مع فرشتها برضوا ممكن تجي هدية
العربية مهمة جدا واذا ماحد جابها من بدري لازم تشتريها
طبعا هادي بعض النصايح للحبيبات اللي اول مرة حيكونوا امهات ان شاء الله
اتمنى اكون افدتكم
شكرا رحبونه معلومات فعلا مفيده جدا
بس عايزه اسال سؤال بالنسبه للكيس اللي بينام فيه البيبي في نوعين نوع اللي بينام جواه وتشليه اكنه ملفوف بشرشف وفيه نوع تاني بيسموه كاري كوت اللي هو بيبقي شنطه وبايد تتشال منها والبيبي ينام جواها عايزه اعرف انهي عملي اكتر وبالنسبه اني في السعوديه معندناش شتا فهل الكيس الاول ممكن يحر البيبي لاني احسه فايبر واحس البيبي فيه مكتوم اكتر من الكاري كوت كمان الكيس ده حينفعه لوقت معين في الاول بس لكن الكاري كوت ممكن يقضيه لحد كذا شهر وهي ينفع الكاري كوت استخدمه من الاول ومش اجيب الكيس والا البيبي حيبقي صغير قوي فيه؟
يا ريت اكون قدرت اوصل سؤالي بس انا شفت من الكيس ده اشكال روعه في اس مارت متطرزه واورجانزا حاجات شيك جدا فشدتني بس احتارت انهي حيكون عملي اكتر
ام عبد العزيز ماشاء الله الاغراض عساسيل خالص يتهنا بيهم البيبي يارب
الروابط المفضلة