مشمشمة انا هكتبلك اللي حصل معايا بالظبط هنا عشان كمان كل البنات تستفيد
بصي يا حبيبتي انا الأول حجزت بالتليفون مع المنسقات في هناك دكاترة صغيرين وعندهم طولة بال على اي سؤال تسأليه يا جميلة
بس خلي دايما كلمة السر "أنا جاية من طرف دكتور عادل"
ههههه مش عشان حاجه بس هما هناك بيقدروا جدا وبيثقوا فيه وفي تشخيصوا للحالات 100%
اول حاجه أحبك تاخدي بالك منها انك تكوني مركزة معاهم في تحديد المواعيد عشان هما ساعات بيتلغبطوا لكن لو انتي مركزه معاهم متخافيش يعني انصحك تأكدي على مواعيدك كل شوية بالتليفون يعني توفيرا للوقت تكوني حاجزة معاهم من قبل ما تنزلي مصر يا حبيبتي
تاني حاجه أنصحك تعمليها اول ماتيجي مصر روحي زيارة لدكتور عادل في العياده هي صحيح زحمة اوي بس لو حجزتي يوم ما هتروحي الصبح وأخدتي ميعاد تروحي فيه العيادة حتى لو كان باليل متأخر ان شاء الله مش هتستني كتير "أنا عاوزاكي تروحي لدكتور عادل بالرغم من اني عارفة انك بتراسليه ولكن هناك بصراحة انا شرحت حالتي بالتفصيل للنائب بتاعة وهو وصلها لدكتور عادل بالتفصيل واما دخلت ليه لقيت عندو ايجابة على كل سؤال في الموضوع يعني تروحيلو كنوع من الطمأنينة ليكي والتأكيد على التوجيه للحقن او المركز نفسه
اول ما رحت هناك العنوان سهل جدا وما يتوهش خالص بس خدي بالك ان عيادة النسا منفصلة في العمارة اللي قبال المركز نفسه وده كويس عشان يقلله الزحمه شوية
انا هناك لقيت زحمة بس مش بصورة فظيعة ومتأخرتش اوي عن ميعادي هما ساعتين ممكن بس بصراحة أخدت انطباع ان المكان شوية نسبيا يعني مبيهتموش بالنضافة وده عملي صدمة شوية بس انا عشان مظلمهومش انا بقول نسبيا يعني مفيش نضافة أول بأول زي ما بسمع في المراكز التانية بس جوزي اما شافني مصدومة كده هداني شوية وقالي خلي الحكم للآخر
وكمان بصراحة انا عندي هسهس من النضافة اوي بس قلت فعلا انا لسه مش لازم احكم دلوقتي
المهم يا ستي دخلت للدكتور على الرغم من صغر سنه الا انه فاااااااااااااااهم شغلة كويس جدا وده ريحني كتير سألته على حاجات كتير كان عنده طولة بال في الرد على كل سؤال
شاف التحاليل اللي كنت عملاها عند دكتور عادل
اه يا حبيبتي .... كنت عاوزه انبهك انك ياريت ما تعمليش تحاليلك في اي معمل لازم يكون متخصص هرمونات عشان النسب بتفرق شوية وعشان كده كمان قلتلك روحي لدكتور عادل عشان هو هيوجهك لمعمل متخصص ومتخافيش انا رحت هناك (لدكتور عادل )كشفت عند النائب وأخد مني العينة وودوها هما في معمل جنبهم بيثقوا فيه والمسألة مخدتش غير ساعتين ونتيجة التحاليل ظهرت ودخلوها لدكتور عادل عشان يشوفها
بس خدي بالك انك تروحي تاني لخامس يوم في البيريود عشان تكسبي وقت
المهم ياجميلة انا اما وريت التحاليل لدكتور النسا في مركز آدم صدق على كلام دكتور عادل وقالي انا كده كده هكشف عليكي كمان بالسونار وهما عندهم أجهزة كويسة جدا قدر انه يشوف مخزون البويضات وشاف عندي كيس وتأكد من عدم وجود المبيض اليمين حسيت ان الأجهزة عندهم متطورة جدا وان الدكتور شاطر اوي بصراحه
اداني حبوب منع الحمل عشان يروح الكيس ده
وبعدين وزني وقالي مينفعش كده انتي لازم تخسي 10 كيلو وتظبطي الغدة عشان لا قدر الله متتعرضيش لإجهاض بعد الشر عنا جميعا
يعني قالي روحي ومترجعيش الا اما تحققي التارجت ال10 كيلو وتظبطي الغدة اخدتي شهر اتنين براحتك المهم متجيش الا لما تكوني مستعده بس هو هيتابع معايا الكيس اللي طلعلي
وطلبوا من جوزي انه يدخل لأمراض >كورة عشان هما هيعملوا بعد كده لجنه تكون مشرفتها الدكتورة مها ويحددولي خطة العلاج
انا يا حبيبتي كتبت كل حاجه بالتفصيل ولو افتكرت اي حاجه تانيه هقولهالك و
وان شاء الله ربنا يكتب لينا الخير ويسهل حملنا ويجازينا على صبرنا ده خير
الروابط المفضلة