|
للبحث في شبكة لكِ النسائية:
|
عضو نشيط
السلام عليكم ورحمة الله وبركاته
ازيكم يا بنات، ياريت لو اي حد فيكم عمل حقن مجهري في مركز آدم اللي في المهندسين تفيدنا بخبرتها وجزاكم الله كل الخير ياااااااارب وجعل >لك في ميزان حسناتكم
هل بيكون فيه اهتمام بالحالات؟
هو مشهور انه خاص بأمراض اللي تخص الزوج لكن انا الحمدلله المشكلة فيا أنا هل الأنسب اني اروحله ولا ايه؟
لو في اي واحده عندها اي ملاحظات او سمعت اي تجارب عن المركز تفيدنا
وجزاكم الله كل خير
عضو نشيط
حبيبتى انا ملاحظة انك محيرة نفسك
وقبل كدة سالتى على مركز جنين ومركز ابو الغار
المراكز دى سبب بس يا رحمة وفى الأخر اللى ربنا كاتبه هو اللى حتشوفيه
انا كنت زيك واخترت احسن مركز فى القاهرة وافضلهم سمعة واغلاهم على مستوى جمهورية مصر العربية
وبرضة قضاء الله اراد ان العملية متنجحش
شوفى انت مستريحة لأيه اكتر وكمان امكانياتك المادية هى اللى حتحددلك برضة المركز
وربنا معاكى ويوفقك للى فيه الخير ان شاء الله
عضو نشيط
جزاكي الله خير على ردك يا أختيكتبت بواسطة ربى كريم
أنا فعلا محيرة نفسي شويتين,,, بس انا مؤخرا رحت لدكتور عادل البيجاوي ورشح لي المركز ده فكنت عاوزة معلومات لأني اما دورت عليه في جوجل ملقتش حد كاتب تجارب عنه
وعلى العموم متشكرة جدا على ردك
عضو نشيط
آه في حاجه لو تسمحيلي يا أختي انا اما سألت الدكتور عادل هل الوزن ممكن يكون عائق في نجاح العملية قالي مش شرط فياريت تفيديني بخبرتك لاني ملاحظة انك بتنزلي من وزنك
النجم الفضي
هو فعلا انتى محيره نفسك
بس ربنا يختارلك اللى فيه الخير
فى معانا فى امهات التوينز أختنا ام حبيبة الله عملت عمليتها فى المركز دا
ممكن تبعتيلها رساله وهى ان شاء الله تقدر تفيدك
عضو نشيط
حبيبتى انا فعلا بحاول انزل من وزنى لأن وزنى كتييير قوى بالنسبة لطولى
وعلشان صجتى وكمان لأنى متأكدة ان زيادة الوزن فعلا بتاثر على الحمل الطبيعى والحقن ووكل شئ
والدكتور نصحنى انى لازم انزل وزنى وربنا يكرمنا جميعا بالذرية الصالحة
النجم البرونزي
ماسمعت عنه ابدا
عضو نشيط
شكرا ليكي يا حبيبتي
عضو نشيط
أنا بس يا نوودي الدكتور رشحلي المركز ده وانا قريت عنه انه خاص اكتر بالمشاكل اللي عند الزوج فمش عارفة اعمل ايه ربنا يسر لي الحال ان شاء الله وشكرا تاني لمشاركتك معايا
النجم الفضي
حبيبتي مركز ادم متخصص فعلا في أمراض الذكورة
إنتي أحسن حاجة صلي إستخارة و ممكن تروحي المركز ده و مركز جنين مثلا و تشوفي هترتاحي لأنهي فيهم
و زي ما قالت ربي كريم هما في الأخر سبب و المسبب هو ربنا سبحانه و تعالى
أعضاء قرؤوا هذا الموضوع: 0
رد مع الاستدلال
الروابط المفضلة