سؤالي عن الحقن المجهري.... تعالوا وفيدونى

السلام عليكم ورحمة الله وبركاته

جمعة مباركة علينا جميعا بأذن الرحمن
ازيكم يابنات وحشتوووووووووووووووونى كتير
زعلانة اوى لانى ماكانش لى نصيب ادخل واشوفكم فى شهر رمضان
يارب يابنات ماتكونوا نستونى من دعواتكم لى
انا كنت بدعى لكل البنات ان ربنا يرزقنا جميعا بالخلف الصالح

انا كان عندى امل كبير فى الله انى احمل ها الشهر بدون عملية حقن مجهرى لكن البريود جتنى بميعادها والحمد لله على كل حال

المفروض انى اروح للدكتور علشان بنبدأ بالابر التجهيزية فى اليوم العشرين من البريود
بس انا يابنات خايفة كتير لان ها الايام سوء الحظ محالفنا يعنى من حوالى اسبوعين ضاع منى انا وزوجى شنطة دهب اختى فيها دهب بما يقرب من 40000 جنيه ضاعوا من عربيتنا وطبعا مطالبين ان احنا نعوضها
بعدها بيومين بالظبط ابنى الله يحميه ويهديه وقع ورجله اتجبست
وامبارح واحنا ماشيين عملنا حادثة جامدة جدا بالسيارة بتاعتنا والحمد لله على كل حال احنا كلنا كويسين مافى اصابات ولكن العربية اتدمرت

فا انا خايفة كتير اروح اعملها ها الايام
مش عارفة رأيكم ايه يابنات اتوكل على الله واروح ابدأ الاخطوات
ولا أاجلها شوية لغاية لما الاحوال تنظبط

وطالبة منكم استفسار تانى
ياريت البنات اللى عملوا الحقن من قبل يفيدونى فى شرح الحاجات اللى المفروض اخدها من اليوم العشرين اللى راح ابدأ فيه لانى فى تجربتى الاولى حاسة انى ما اخدتش العلاجات اللى بيحكوا عنها البنات
فحابة فى تجربتى دى اكون عارفة المفروض اخد ايه علشان لو ماعطهولى الطبيب اسأله

تعباكم معايا
ربنا يرزقنى واياكم بالخلف الصالح ومايجعل ابنى وحيد فى هالدنيا ياااااااااارب بحق هذه الجمعة اليتيمة المباركة

ماتنسونى من دعواتكم

حبيبتي عسى ربي يرزقك الحمل القريب ماعندي خلفيه عن الحقن المجهري لكن تعوذي من ابليس ولا تقولي ايام نحس، الايام من عند الله سبحانه وتعالى ولمى تقول ان ايام الله نحس كأنك توجهينها للخالق والعياذ بالله انتبهي عزيزتي

اعذريني اخيتي عناوين المواضيع يجب ان تدل على مضمونها لذلك تم تغيير عنوان موضوعك ولك جزيل الشكر

ام حلا شكرا لكى على الدعوة وعلى ردك
بس انا ماقلت ان الايام نحس
انا بقول هذه الايام النحس محالفنى
ولكن شكرا لنصيحتك وقد استبدلت كلمة نحس بكلمة سوء الحظ
والحمد لله على كل حال
ويارب البنات يفيدونى
تسلمى لى حبيبتى

هلا حبيبتي جزاك الله خير قصدي تنبيهك ياعسل

ادخلي على هالرابط ووجهي سؤالك هنا تلقين كم وعدد اكثر من الاخوات في نفس وضعك عزيزتي ملف لعمليات التلقيح الصناعى و الحقن المجهرى ...تجارب وخبرات

وربي يوفقك ويكتب لك الحمل القريب يارب

اللهم امين
تسلمى لى يارب ام حلا
والله يكملك حملك على خير
ويحميلك حلا القمر

ام زوزو
انا نصيحتي ليكي تعملي صلاة استخارة وتقدمي علي العملية واذا في حاجة عطلتها يبقي جت من عند ربنا
بس خليكي ماشية في الموضوع وان شاء الله ربنا يوفقك يا قمر