كتبت بواسطة hala118

حبيبتى ربنا يكملك على خير يارب
أنا معرفش حاجة عن الدكتورة أميمة إلا انها غالية جدا لانى ساكنة جنبها
أما عن الدكاترة التانيين فأنا كنت متابعة مع دكتورة ممتازة وانا حامل وهى اسمها هاله مصطفى وهى فى ميدان سانت فاتيما بس معرفش وعندها أجهزة حلوة زى منظار الرحم وهى بتعمل عمليات تلقيح وأطفال أنابيب وبتولد فى الرحمة وعبد القادر فهمى وكذا مستشفى تانية
لو عايزة تليفونها أنا تحت أمرك

ربنا يبارك ليك يا غالية اديني رقمها وانتي ولدتي عندها ولا ايه ؟؟؟؟؟؟؟؟؟؟

كتبت بواسطة heba twoins

حسب تقبلك نفسيا .. لو انتى اتضايقتي من الموقف اللي بتقولي حصل معاها ومش طايقة تروحي لها وهي غالية عليكي فلا يوجد ما يجبرك على هذا .
لو انتى نفسيا متقبلة الأمر ومتقبلة تكملي معاها وظروفك تسمح انك تدفعي اجرتها يبقى خلاص ،، يعني الدكتور اللي تتابعي معاه لازم تكوني مرتاحة معاه وواثقة فيه وسعيدة و انتى رايحة تطمئني وتشوفي النونو في السونار .
طمنيني عليكي ربنا يقومك بالف سلامة

الصراحة غالية علينا يا هوبا والمرة اللي فاتت ولا كنت مبسوطة ولا حاجة
اللهم دبر لنا فإننا لا نحسن التدبير
الله ييسر لنا الخير يارب

[quote=roby1982;8803810]

كتبت بواسطة صفاء الروح 82

ربنا يعوض عليكي يا روبي الغالية يارب واحدة صاحبتي بردوا كانت هتعمل عملية كحت عشان عندها قرحة راحت رايحة لدكتورة قالت لها لا طبعا القرحة لها علاج بدال العملية بس الصراحة عندك حق هى مادية لأبعد الحدود الكشف غلي أصلا وبقا ب 150 جنيه وياريت عاجبين . طيب تعرفي دكتورة كويسة وفي شاطراتها اصلي خايفة اروح عند واحدة تاني والمشكلة ان عندي مشاكل وكده وخايفة حد ما يفهمش اللي انا فيه

في دكتورة في عين شمس هي رخيصة جدا هي في مركز والكشف 5 جنيه بس وعايزة اقولك الزحمة اللي عليها كتير ممكن اديلك رقم التليفون وتكلميها انا بصراحة كنت يتعالج عندها من اول جوازي وسبتها وروحت لاكتر من دكتور لكن لافيت ورجعتلها تاني لانها كويسة هي قريبة زوجي وانا سمعت من ناس كتير بفضل ربنا طبعا حصلهم الحمل معاها
كان في واحدة كانت متجوزة من 12 سنة وربنا كرمها معها
ديه حاجة في الاول والاخر بتاعت ربنا وكل ديه اسباب وربنا معاكي
ربنا يكرمك ويقومك بالسلامة انتي والنونو يارب
ربي لا تذرنا فردا وانت خير الوارثين

ربنا يارب يا روبي يرزقك وتفرحي الشهر ده يا غالية بحملك انتي وكل بنات المسلمين يارب .
الصراحة عين شمس بعيدة علينا اوي
ربنا يفرحك يا روبس سارب ويرزقك الذرية الصالحة

يارب يخليكي ويقومك بالسلامة يارب انتي والبيبي اللهم امين
شكرا علي الدعوة الحلوة ديه
ربي لا تذرنا فردا وانت خير الوارثين

الدكتور حسن عواد اللي انا بتابع معاه .. في نفس العيادة في غرفة أخرى زوجته الدكتورة زينب ( مش عارفة زينب ايه ) وبصراحة كمان ماعرفش شاطرة و الا لا زي زوجها اللي اعرفه انها بشوووووووشة ومرة شافتني في الشارع أخدتنى بالحضن .
لو عاوزة تتوكلي على الله وعاوزة طبيبة مش طبيب جربي زينب انا كمان سمعت انها ارخص كتير من الدكتور حسن العيادة في ش جسر السويس امام مستشفى منشية البكري .. العمارة تحتها مفروشات البيت السعيد وهم في الدور الرابع .

ربنا يكملك على خير ويرزقك الذرية الصالحة
أنا متابعة مع د/أميمة هى ماشاء الله فعلا بشوشة وشاطرة فى مجالها"أحسبها على ذلك" وصبورة وده اللى شجعنى انى أروحلها لأن صاحبتى اللى والدت عندها "كان ساعتها قبل المركز" قالتلى انها فضلت قاعدة جنبها من أول الطلق
بالنسبة لكونها مادية فى دكاترة كتيرة تانية أغلى منها زى أسماء فريد وأميمة ادريس كشفها 200 جنية وتخيلى تحجزى استشارة قبلها بأسبوع والعيادة برضه زحمة موت
وجهة نظر الدكاترة فى الموضوع ده انهم بيغلوا الكشف عشان يقللوا عدد المرضى فيكونوا قادرين يتابعوا الحالات اللى بتجيلهم
بس د/أميمة حصلت قدامى واحدة جت حامل فى الأول خالص وكان عندها نزيف ومكنتش حاجزة أساسا ودخلتها على طول كان المفروض قدامها 14 واحدة حاجزين قبلها
غير انها بتشجع الولادة الطبيعية كل مرة أروح تفضل تقولى لازم تمشى فى اليوم على الأقل نص ساعة عشان تكون الولادة طبيعى وسهلة بعكس دكاترة كتيرة تأهبها من الشهر الثامن انها هتولد قيصرى لأن راس البيبى فوق الحوض ضيق أى حجة وخلاص رغم ان سبحان الله الأوضاع بتتغير ساعة الولادة

بس أرجع وأقولك ان راحتك النفسية من ناحية الدكتور دى أهم حاجة لأن الولادة نفسها تخوف فمش ناقصة كمان أكون مقلقة من الدكتور اللى هولد معاه ويارب ربنا ييسر لك اللى فى الخير ليكى والنونو وتكون ولادتك سهلة يسيرة

معلس طولت عليكى

هى أسمها هاله مصطفى
عنوانها 160ش النزهة سانت فاتيما فوق أولاد رجب
رقم تليفون العيادة
26396738
والموبايل 0101224213

فى يا جماعة دكتورة ممتاااااازة والله و زوجة اخى كانت تعانى من تأخر الحمل لمدة خمس سنوات تقريبا و الحمد لله حملت بفضل الله على ايد الدكتورة دى و جابت طفلين و دلوقتى حامل فى التالت و هى بتعمل ربط عشان حالتها وكدا و الدكتورة شاطرة جدا و اسعارها معقولة و كشفها 40 جنيه و السونار لو هتعملى سونار مش فاكرة ب 50 او 60
هى اسمها دكتورة نجوى عثمان و عنوانها 112ب ممر 5 شارع وفيق عباس رفعت من شارع احمد عصمت الالف مسكن

و دا تليفون العيادة كمان ال يحب يستفسر

24991058

اتمنى اكون افدتكم و كل رمضان و انتم بخير يارب