السلام عليكم ورحمة الله وبركاته


اخواتي الليبيات اللي ساكنات في طرابلس نبي نطلب منكم طلب

اني سمعت عن "اختبار التبويض" ودورت عليه في كذا صيدلية مالقيتاش

ارجوكم اللي تعرف صيدلية في طرابلس تبيع فيه تدلني عليها ضروري

لاني محتاجة ليه الشهر هذا .




مع تحياتي وشكري اختكم في الله ام الوليد

وينكم يابنات طرابلس .


ولا رد ولا جواب ؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!

السلام عليكم
ياريتني في ليبيا باش نقدر إنفيدك
لكن أكيد تو يخشو الليبيات ويردو عليكم


ربنا يرزقك بي الوليد يارب

اسفة ام الوليد والله ماعندي علم بيه

لأني انا في الزاوية وما نعرفش صيدليات في طرابلس

صحيتو يالبنات وبارك الله فيكم اني متأكدة انكم مش حاتقصرو معايا

وان شاءلله البنات الثانيات نلقى عندهم الرد

اختي الطموحة حتى في الزاوية لو صادفتي ولقيتيه في وحدة من الصيدليات قوليلي عليه في اقرب وقت حتى في الزاوية نمشوله ونجيبوه.... اهي الزاوية مش بعيدة

ياريت نقدره نفيدك شني رأيك نبعثهولك من ماليزيا

حبيبتي هيد اسمه كلير بلو للتبويض ويعطيك اذا في تبويض او لأ وموجود بكل الصيدليات

اسألي عنو حبيبتي وان شاء الله بتلاقيه

والله يا ام الوليد لو تحتاجيه وتطلبيه من هني من امريكا والله ماعندي مشكل ابعتيلي الفلوس ونشحنلك كمية انت والي يلوه ونجيبلك كمية كبيرة ليك وللعيلة والي يحتاجه لاكن اني ليا سنين نسيت حتى الصيلديات لاكن نتدكر في صيدلية دات الصواري اتجيب في كل شي من احتياجات الناس وتقدري اتوصيه طلبيات يجيبلك من برا

هدا الي نعرفة ربي يسهل امرك

واسمعي نعطيق طريقة قالتلي عليها الدكتورة هو عدي من اول يوم الدورة الي يوم 14 ومن 10 الى 14 قيسي يجهاز الحرارة الالكتروني وشوفي اعلى درجة في هاديكا اللحضة صار تبويض

يارب اني افدتك تحياتي

صحيتو اوخياتي على الردود واني نبي ندوره هني واذا مالقيتاش نوصي عليه من برا وماليش الا انتم
شكرا اختي نور الهدى على التوضيح.
اوخيتي نانا وين تقع صيدلية دات الصواري .

اني مشكلتي ان دورتي كل مرة بطول مرة 20 مرة 25 ومرة 30 لذلك معرفتش نحدد يوم الاباضة بالضبط .
الصراحة عندي 3بنات ونبي بعد ارادة الله اني نحمل بولد ان شاء الوهاب

قلت خلي ندير الللي عليا وحاجات مافيهاش مضرة ولا حرام والباقي على الله سبحانه وتعالى

ويارب يسخرلي ويسخر لكل محروم .

ربى يسهل عليك والله لو عندى علم بالموضوع وانا فى طرابلس مش ح نقصر بكل لكن الله غالب انا بره