السلام عليكم و رحمة الله و بركاته
انا قلت اعمل التجمع دة لكل اخت لسة مش عندها بيبي و نفسها تكون ام بأمر الله تعالى
كل واحدة تحكي تجربتها مع الادوية او الاعشاب و نتبادل الخبرات مع بعض
و اذا حد سمع عن وصفة كويسة حدث بعدها حمل بإذن الله
او حتى وصفة او ادوية غلط تحب تحذرنا منها
و اذا واحدة تعرف دكتور كويس مشهور في المجال دة
و اذا واحدة جربت التلقيح الصناعي او اطفال الانابيب
كل واحدة فينا تحكي حكايتها و من كام سنة متجوزة و الادوية اللي اخدتها او الاعشاب
يعني نتعاون مع بعض علشان نفيد و نستفيد و نخفف على بعض



و تعاونوا على البر و التقوى و لا تعاونوا على الاثم و العدوان
ربنا يرزقني و اياكم الذرية الصالحة ان شاء الله
ها يا امهات المستقبل ان شاء الله مين هتبتدي ؟

أنا يا ستي إن شاء الله هبتدي
أنا مصرية و عايشة في الرياض ... متجوزة من 7 سنين و عندي بنوتة ما شاء الله عليها زي القمر و عندها 5 سنين و نص .. حملت فيها بعد الجواز تقريباً ب 6 شهور كان عندي قرحة في عنق الرحم و لما عملتها حملت بفضل الله
بعد ما ولدتها ركبت لولب و شلته لما بئى عندها سنتين أعدت كام شهر كده بعدين رحت لدكتور طلب مني تحاليل هرمونات و عملي أشعة صبغة و كان كلو كويس الحمد لله و عملي متابعة تبويض و لئ كسل في المبيض و أداني حقن مش فاكرة أسمها
أنا وقتها كنت في مصر و جوزي في الرياض و أنا أصلاً معرفش أنه لآزم يكون معايا شوفتي السذاجة .. أصل أنا كنت فاكرة أن الحقن دي بتتاخد مرة واحدة كدة و أبقى خلاص خفيت
المهم بعدها بسنة لما نزلت لمصر تاني رحت لدكتور تاني و أبتديت رحلة المنشطات الشهيرة ... كلوميد و حقن فوستيمون و مريونال وبريجنيل و حبوب دوفاستون و حاجات تانية كتير مش فاكرها المهم اني أستمريت على القصة دي 8 شهور كنت أخد الأدوية و التبويض يبقى كويس و الدكتورة تحددلي معاد الجماع و برضو ميحصلش
طبعاً حالتي النفسية تعبت جداً جداً و تخنت أوي و بشرتي بئت وحشة جداً وكمان جسمي أتعود على المنشطات و مبقتش هرمونات جسمي تشتغل غير بالأدوية
بطلت الأدوية كلها و بئت الدورة تيجي كل 40 أو 45 يوم و تنزل يا دوب نقط
رحت لدكتورة تانية قالتلي ان حالة المبيض سيئة جداً و مليان تكيسات
أتكلت على الله و أخدت من نفسي كده جلوكوفاج لمدة شهرين أنتظمت فيهم الدورة و في الشهر التالت رحت لدكتورة كتبتلي معاه على أكتوس و دوفاستون من بعد يوم التبويض و فوليك أسيد
و حصل الحمل أخيراً بس يا فرحة ما تمت مكنش فيه نبض و توقف نموه عند الأسبوع السادس و نزل في التاسع و الحمد لله على كل حالة
وبقالي دلوقتي 6 شهور من بعد الإجهاض و لسة ربنا مكتبليش الحمل
معلش أنا طولت عليكي بس حكتلك القصة بالتفصيل يمكن حد يستفيد منها حاجة و كمان يدعيلي ان ربنا يرزقني الشهر ده
نسيت أقولك على الوصفات الطبيعية أنا مجربتش غير وصفة طلع النخل و العسل بس الحقيقة مفدتنيش بالعكس في الشهر اللي أخدتها فيه اليريود أتاخرت 16 يوم ودي كانت أطول مدة تأخير ده غير أنها قلبتلي معدتي و فضلت أرجع وأضطريت أروح المستشفى أخد حقنة توقف الترجيع
بس دلوقتي أنا بئالي 3 شهور بشرب في كل أيام البيريود كوباية زنجبيل على قرفة و بقية الشهر بشرب كل يوم كوباية بردقوش و الحمد لله البيريود أنتظمت لأنها جتلي بعد الإجهاض متأخرة 8 أيام ومن بعدها أخدت الوصفات دي و أنتظمت بس كنت في مصر و جوزي كان سافر

حبيباتي انتو ليه عايزين تعملوا موضوع خاص للمصريات مع أنه عندنا موضوع خاص للمنتظرات للحمل عامة من كل الدول وهو تجمع خاص ..

ان شاء الله تتجمعوا فيه وتحكوا عن الي بدكم ياه من تجربتكم الخاصة وأسباب التأخر وكل شيء ..

يعني على شان تفيدوا وتستفيدوا كمان من تجارب الأخريات ..

هذا هو التجمع..تنورونا فيه

http://www.lakii.com/vb/showthread.php?t=499493

انا حاحكيللك تجربتى انا ربنا كرمنى بالحمل بعد جوازى على طول وعندى ولد جميل والحمد لله وبعدها بسنتين حاولت يحصل حمل تانى وماحصلش قعدت اتعالج بالمنشطات لمده سنه ونصف بدون اى فايده غير الضرر فى التخن وبهدله هرمونات جسمى لفيت على دكاترة مصر كلهم من الشرق للغرب وعملت عمليه منظار تثقيب للمبايض وعملت اشعه بالصبغه وكان كله كويس لحد ماربنا كرمنى بدكتور فووووووووووووووووق الممتاز زعل اوى انى كنت باخد منشطات وماشاء الله عليه بيكرة المنشطات والبهدله اللى بتسببها وقاللى ان اضرارها اكتر من مزاياها وعمل معايا نظام علاجى ممتد حتى 6 شهور وكان عنده ايمان ان الحمل ان شاء الله حيحصل لوحده بس كان معتمد معايا على السيدوفاج عشان التكيسسات ونظام غذائى محدد عشان وزنى ينزل شويه مع العلم انى مش تخينه والحمد لله بالانتظام والصبر ربنا كرمنى بالحمل بعد 4 شهور من متابعتى معاه واحلى مافى الدكتور ده ايمانه القوى وسبحان الله لما تقعدى معاه تحسى انك مش عيانه ولا عندك حاجه وعلاجه معتمد على الراحه النفسيه ودايما بيقول ان الحمل عشان يحصل لابد من الراحه النفسيهوعموما دى تجربتى و فى واحده صاحبتى كمان راحتله والحمد لله ربنا كرمها بالحمل يارب يكرم كل واحده بالحمل السليم المعافى عاجل غير اجل ان شاء الله

السلام عليكم ازيك ياجوجو اسم الدكتور ايه وفين بالضبط ادعو لى بالذرية الصالحة لا يياس من روح الله الا القو م الفاسقون

كتبت بواسطة ((امة الله))

السلام عليكم ازيك ياجوجو اسم الدكتور ايه وفين بالضبط ادعو لى بالذرية الصالحة لا يياس من روح الله الا القو م الفاسقون

السلام عليكم امه الله الدكتور يا ستى اسمه ايهاب على منصور وهو استاذ فى طب القاهرةوهو دكتور والله ما شاء الله عليه عنده صبر وايمان بالله جميل ويحب يديكى ثقه فى نفسك وانا روحت له بناء على واحده صاحبتى قعدت 6 سنين من غير حمل والحمد لله ربنا سبحانه وتعالى جعله سبب فى حملها بعد سنه واحده من العلاج والدكتور عيادته فى الهرم مع انى ساكنه فى الرحاب بس كنت برحله المشوار ده والحمد لله بعد 4 شهور بس من المتابعه معاه حصل الحمل يارب عقبالك وعقبال كل متشوقه للحمل ولو حبيتى اى بيانات ليه ابعتيلى على الخاص

كتبت بواسطة lollypopy79

أنا يا ستي إن شاء الله هبتدي
أنا مصرية و عايشة في الرياض ... متجوزة من 7 سنين و عندي بنوتة ما شاء الله عليها زي القمر و عندها 5 سنين و نص .. حملت فيها بعد الجواز تقريباً ب 6 شهور كان عندي قرحة في عنق الرحم و لما عملتها حملت بفضل الله
بعد ما ولدتها ركبت لولب و شلته لما بئى عندها سنتين أعدت كام شهر كده بعدين رحت لدكتور طلب مني تحاليل هرمونات و عملي أشعة صبغة و كان كلو كويس الحمد لله و عملي متابعة تبويض و لئ كسل في المبيض و أداني حقن مش فاكرة أسمها
أنا وقتها كنت في مصر و جوزي في الرياض و أنا أصلاً معرفش أنه لآزم يكون معايا شوفتي السذاجة .. أصل أنا كنت فاكرة أن الحقن دي بتتاخد مرة واحدة كدة و أبقى خلاص خفيت
المهم بعدها بسنة لما نزلت لمصر تاني رحت لدكتور تاني و أبتديت رحلة المنشطات الشهيرة ... كلوميد و حقن فوستيمون و مريونال وبريجنيل و حبوب دوفاستون و حاجات تانية كتير مش فاكرها المهم اني أستمريت على القصة دي 8 شهور كنت أخد الأدوية و التبويض يبقى كويس و الدكتورة تحددلي معاد الجماع و برضو ميحصلش
طبعاً حالتي النفسية تعبت جداً جداً و تخنت أوي و بشرتي بئت وحشة جداً وكمان جسمي أتعود على المنشطات و مبقتش هرمونات جسمي تشتغل غير بالأدوية
بطلت الأدوية كلها و بئت الدورة تيجي كل 40 أو 45 يوم و تنزل يا دوب نقط
رحت لدكتورة تانية قالتلي ان حالة المبيض سيئة جداً و مليان تكيسات
أتكلت على الله و أخدت من نفسي كده جلوكوفاج لمدة شهرين أنتظمت فيهم الدورة و في الشهر التالت رحت لدكتورة كتبتلي معاه على أكتوس و دوفاستون من بعد يوم التبويض و فوليك أسيد
و حصل الحمل أخيراً بس يا فرحة ما تمت مكنش فيه نبض و توقف نموه عند الأسبوع السادس و نزل في التاسع و الحمد لله على كل حالة
وبقالي دلوقتي 6 شهور من بعد الإجهاض و لسة ربنا مكتبليش الحمل
معلش أنا طولت عليكي بس حكتلك القصة بالتفصيل يمكن حد يستفيد منها حاجة و كمان يدعيلي ان ربنا يرزقني الشهر ده
نسيت أقولك على الوصفات الطبيعية أنا مجربتش غير وصفة طلع النخل و العسل بس الحقيقة مفدتنيش بالعكس في الشهر اللي أخدتها فيه اليريود أتاخرت 16 يوم ودي كانت أطول مدة تأخير ده غير أنها قلبتلي معدتي و فضلت أرجع وأضطريت أروح المستشفى أخد حقنة توقف الترجيع
بس دلوقتي أنا بئالي 3 شهور بشرب في كل أيام البيريود كوباية زنجبيل على قرفة و بقية الشهر بشرب كل يوم كوباية بردقوش و الحمد لله البيريود أنتظمت لأنها جتلي بعد الإجهاض متأخرة 8 أيام ومن بعدها أخدت الوصفات دي و أنتظمت بس كنت في مصر و جوزي كان سافر

السلام عليكم و رحمة الله و بركاته
اختي في الله لولي بوب 000 انت اولا مطولتيش على و لا حاجة لأن زي ما انا قلت في الاول دة هدف من اهداف تجمعنا الفضفضة و انك تحسي ان في حد بيشاركك همك و بيسمعك بقلبه و كمان بيدعيلك من اعماق اعماق اعماق قلبه
ربنا يباركلك في بنوتك ياااااارب و يحفظها من كل سووووووووووووء
و يرزقك بأخ ليها عاجلا غير آجلا ان شاء الله
و حكايتي هحكيهالك المرة الجاية
ماشي الكلام

كتبت بواسطة ward_84

حبيباتي انتو ليه عايزين تعملوا موضوع خاص للمصريات مع أنه عندنا موضوع خاص للمنتظرات للحمل عامة من كل الدول وهو تجمع خاص ..

ان شاء الله تتجمعوا فيه وتحكوا عن الي بدكم ياه من تجربتكم الخاصة وأسباب التأخر وكل شيء ..

يعني على شان تفيدوا وتستفيدوا كمان من تجارب الأخريات ..

هذا هو التجمع..تنورونا فيه

http://www.lakii.com/vb/showthread.php?t=499493

احنا مش عاوزين نعمل تجمع منفصل و لا حاجة احنا في الاول و الآخر اخوات بس المقصود اننا مثلا نستفيد من اسماء الدكاترة الكويسين في المجال دة في مصر
و زي ما حضرتك شوفتي مع اول مشاركة للاخوات ظهرت الافادة و الاستفادة
و كمان التجمع دة هيكون مهم للأخوات من خارج مصر لو عاوزين ينزلوا مصر لدكتور و لا حاجة يعني يبقى مرجع لأي اخت محتاجة حاجة
ياااااارب اكون عرفت اوصل الفكرة

كتبت بواسطة gogo_nanoo

انا حاحكيللك تجربتى انا ربنا كرمنى بالحمل بعد جوازى على طول وعندى ولد جميل والحمد لله وبعدها بسنتين حاولت يحصل حمل تانى وماحصلش قعدت اتعالج بالمنشطات لمده سنه ونصف بدون اى فايده غير الضرر فى التخن وبهدله هرمونات جسمى لفيت على دكاترة مصر كلهم من الشرق للغرب وعملت عمليه منظار تثقيب للمبايض وعملت اشعه بالصبغه وكان كله كويس لحد ماربنا كرمنى بدكتور فووووووووووووووووق الممتاز زعل اوى انى كنت باخد منشطات وماشاء الله عليه بيكرة المنشطات والبهدله اللى بتسببها وقاللى ان اضرارها اكتر من مزاياها وعمل معايا نظام علاجى ممتد حتى 6 شهور وكان عنده ايمان ان الحمل ان شاء الله حيحصل لوحده بس كان معتمد معايا على السيدوفاج عشان التكيسسات ونظام غذائى محدد عشان وزنى ينزل شويه مع العلم انى مش تخينه والحمد لله بالانتظام والصبر ربنا كرمنى بالحمل بعد 4 شهور من متابعتى معاه واحلى مافى الدكتور ده ايمانه القوى وسبحان الله لما تقعدى معاه تحسى انك مش عيانه ولا عندك حاجه وعلاجه معتمد على الراحه النفسيه ودايما بيقول ان الحمل عشان يحصل لابد من الراحه النفسيهوعموما دى تجربتى و فى واحده صاحبتى كمان راحتله والحمد لله ربنا كرمها بالحمل يارب يكرم كل واحده بالحمل السليم المعافى عاجل غير اجل ان شاء الله

ما شاء الله لا قوة الا بالله ربنا يتمم حملك على خير و يرزقك بطفل جميل صحيح معافى يكون سند لك في الدنيا و الآخرة
انا كمان مشكلتي التكيسات و زي ما قلت للولي بوب هاحكيها بالتفصيل الممل المرة الجاية ان شاء الله و عاوزاكي لحد ما احكيلك تقوليلي كل حاجة بالتفصيل عن الدكتور و عنوانه ورقم التليفون و كشفه كام و كدة
في حفظ الله لحد ما ارجعلكوا

احكيلكوا حكايتي
انا متجوزة من 4 سنين و الحمد لله رب العالمين على كل حال الا حال اهل النار ربنا مش رزقني ببيبي علشان عندي تكيسات و اخدت كل الادوية اللي ممكن تخطر على بال حد حتى اللي لها آثار جانبية خطيرة اخدتها و قلت اتوكل على الله بس لسة محصلش حملو نتيجة دوا غلط اخدته ( سيكلوبروجينوفا ) الدكتورة ادتهولي اكتر من سنتين و هو المفروض لا يزيد عن 6 اشهر و دة اللي اكتشفته بعد ما جاني نزيف متكرر خلال اول سنتين من الزواج 000 الله يسامحها
المهم اما رحت لدكتور تاني قال ان الدوا دة هو السبب في النزيف المتكرر دة و بعد كدة رحت لدكتور تاني هو اللي متابعة معاه دلوقتي اداني الادوية المعروفة لحالات تكيس المبايض ( كلوميد و يوتروجستان و حقن منشطة و تانية تفجيرية ) و مفيييييييييش فايدة و اللي زاد و غطى ان وزني كان في زيادة مستمرة و برضو النزيف كان بييجي لدرجة انه آخر مرة جاني في شهر4 اللي فات و استمر 84 يوم و انا و الله مش ببالغ و للأسف مكنش في حاجة نافعة توقفه الا اما ربنا اراد طبعا
و بعد ما توقف النزيف الدكتور قالي امشي و متجيش الا اما تخسي لانه حرام الادوية اللي بتهلك في صحتك دي انت حلك انك تخسي و من ساعتها قررت اني مش هروح للدكتور تاني و برضو مش عارفة اخس زي ما طلب مني و حالتي النفسية اتقفلت خااااااالص من الادوية و الدكاترة و دلوقتي انا ماشية على الاعشاب علشان تنظم الدورة لأني مش جتني دورة من شهر 6 اللي فات
و اول ما تيجي الدورة هبتدي في طلح النخيل بالعسل و غذاء الملكات و لو ان لولي بوب خوفتني منه لكن هتوكل على الله و ابتدي فيه
دي كل حكايتي من طأطأ للسلام عليكم
ادعولي انا و كل البنات ربنا يرزقنا الذرية الصالحة عاجلا غير آجلا
آمييييييييين يااااااااااااااااااااااااااااااااااااارب العالمييييييييييييييييييييين