مستشفى المانع بالخبر، الي مجربه الولاده فيه تتفضل وتنصحنا

**أم حـــلا** · 06-10-2008, 04:03 AM

السلام عليكم ورحمة الله وبركاته

مرحبا بنات

انا انشاء الله ودي اولد في مستشفى المانع بالخبر في دكتور رائع هناك سبق وولد امي اسمه علاء الدين، بس زي مانتوا عارفين وسمعت انوا الولاده معتمده على الله اولاً ثم القابله والدكتور ما يتدخل الا في حالة القيصيري او المضاعفات...

فعلشان كذا فكرت ان اسئل صاحب الخبرات منكم والي قد جربت المانع بالخبر او سمعت عن الولاده فيه ان تساعدني وتنصحني انا وغيري من البنات الي يهمهم هالموضوع...

أكون جداً شاكره لكم مسبقاً

**أم حـــلا** · 06-10-2008, 11:39 AM

وشدعوه بنات 11 بنت دخلت ومحد رد، للرفع

**دلوعة زمانهاااا** · 06-10-2008, 05:59 PM

حبيبتي انا اعرف المستشفى بس ماقد ولدت فيه
بس بشكل عام اهو ممتاز
الله يتمم حملك وولادتك على خير
يالغلا
لاتزعلين لان اللي دخلو ماردوا
يمكن مو من منطقتنا مو عارفين المستشفى

**&& دفا الروح &&** · 07-10-2008, 06:39 AM

حبيبتي والله انا سمعت انه كويس لكن ماقد جربته
احس طايحين هاليومين بالسعد
انا عن نفسي احب مستشفى فخري وكنت ناويه اولد فيه بس ماربي كتب
الله يهون عليك يارب والسهاله من ربي 000 انت تريد وانا اريد والله يفعل مايريد
كنت بولد بفخري وابشررك ما ولدت بالخبر خير شر هههه

**Nice Smile** · 07-10-2008, 09:20 AM

انا بعد سمعت انه ممتاز وكله استشاريين كبااار .. وأفكر اني أولد فيه انشاء الله.. يقولون في دكتوره زينه راح أسأل عن اسمها وأرد لك خبر...

**إم إيلاف** · 07-10-2008, 02:56 PM

الله يسهل عليك يارب...

انا اختي ولدت فيه وبصراحه جداا ممتاز عنايه للام وهي بتطلق وبعد الولاده

وعنايه كتير كتير ممتازة للبيبي..

يعطيك ربي العافيه يارب ويسهل علينا جميعاا...

**أم حـــلا** · 08-10-2008, 11:13 AM

يعطيكم العافيه طمنتوا قلبي

الي عندها معلومات زياده تطلعنا عليها شاكره لكم مقدماً

**بنت سليمان** · 08-10-2008, 02:11 PM

والله حبيبتي ماعندي فكره ان شاء البنات يساعدوكي وتقومين بالسلامه

**أم حـــلا** · 08-10-2008, 08:48 PM

بنت سليمان شاكره مرورك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: مستشفى المانع بالخبر، الي مجربه الولاده فيه تتفضل وتنصحنا

أدوات الموضوع

العرض