تعالوا شوفوا حكاية ولادة يوسف قلب ماما

**lolo habeby** · 23-07-2008, 12:11 AM

السلام عليكم و رحمة الله وبركاتة
اولا قبل ما احكى الحكاية احب اشكر الاخت العزيزة حبيبة قلبى ساسو على اهتمامها وسؤالها الدائم عنى وعن يوسف ومتابعتها لى اثناء الولادة حقيقى ونعمة الاخت اسال الله العظيم ان يرزقها فى القريب العاجل بالحمل السليم يا رب
وطبعا باقى الاخوات اللى دعوالى واهتموا بالسؤال عنى انا بشكرهم جدا
الحكاية
انا كنت حوالى 37 اسبوع وكام يوم بس الدكتور كان مدينى اسبوع تانى علشان البيبى كان لسة الرئة مكتملتش تماما مع العلم انى عندى ضغط عالى جدا والدكتور مدينى دواء ينزل الضغط قوى وبرضوا مفيش فايدة الضغط عالى الدكتور قالى ان لازم كل يويمن بالظبط يشوفنى لانة كان خايف من الضغط وان طلع معايا تسمم حمل بس الدكتور مقليش خاف الضغط يزيد بس ربنا كريم
كان المفروض الاحد اروحلة يوم السبت تعبت شوية الضغط عالى جدا روحت للدكتور لاقى تكلسات بالمشيمة ونبض البيبى ضعف والضغط كان 170 على 100 عالى بطريقة غريبة مع العلم انى واخدة دواء الضغط بس الحمد لله
الدكتور حدد حالا قيصرى على غفلة مش هينفع استنى حتى ساعات روحت المستشفى نزلوالى الضغط على العمليات متجهز ودخلت تقريبا بعدها بسعتين
بس الولد طلع على الحضانة لانة شرب ماية وكمان كان تعبان شوية وعندة الصفراء
وانا روحت العناية المركزة لان ضغطى فضل عالى بطريقة غريبة واعدت حوالى 4 ساعات تحت الملاحظة والحمد لله خرجت
والولد طلع ولله الحمد تانى يوم من الحضانة بس للاسف بعدها بيومين كانوا هيحطواه فى الحضانة تانى علشان الصفراء بس الحمد لله ربنا كريم وهو بقى احسن بس من ساعت متولد كان فى ترجيع شوية زيادة بس الحمد لله ابتدى يقل الف جمد وشكر لله
هو الولد نزل ضعيف شوية بس الحمد لله ربنا يخليهوالى يا رب
معلش طولت عليكم بس احب اقول افادة للى ضغطها عالى فى الحمل تخلى بالها جدا من حركة البيبى ومن اكلها وانها ضغطها ميعالاش وربنا يقوم كل حامل بالسلامة وتشوف احلى بيبى بالدنيا
وعلى فكرة احب اقولكم ان اللى سمى اسم يوسف هى سلمى ساسو كانت بتكلمنى وانا لسة فية شوية تاثير من البنج وهى اللى سمتة
يا رب عقبال مربنا يديها ويعوضها ان شاء الله
انا بس طماعة شويتين
انا بس كنت عايزاكم تدعوا ليوسف ان ربنا يحيمة ويخليهوالى
واخر حاجة بشكركم للمرة التانية للدعوات الجميلة لى انا ويوسف

**high wave** · 23-07-2008, 12:26 AM

ربنا يخليهولك وتشوفيه احلى عريس ..ويخليكى ليهم .........

**نونةالمجنونة** · 23-07-2008, 12:30 AM

ربنا يحمي لك ياه ويحفظه ياعيوني
وألف الحمدلله على سلامتك وسلامته

ربي يجعله قرة عين لك ولأبوه

**lolo habeby** · 23-07-2008, 12:32 AM

متشكرة حبيبتى وربنا يرزئك قريبا ان شاء الله

**lolo habeby** · 23-07-2008, 12:33 AM

نونة حبيبتى الله يخليكى ويخليلك ولادك حبيبتى

**حبيبه تيتو** · 23-07-2008, 12:37 AM

الف مبروك والف حمد الله على سلامتك
وربنا يحميهولك ويبارك لك فيه

**imane83** · 23-07-2008, 12:46 AM

ربنا يحمي لك ياه ويحفظه

**manora83** · 23-07-2008, 01:04 AM

الف الف مبروك عليكى يوسف والف حمد اللة على سلامتك
اللهم اجعل يوسف قرة عين لوالدية واجعلة يا ارحم الراحمين من الصالحين

**cute leen** · 23-07-2008, 01:39 AM

hamdilah ala salamtik inti wel baby ,rabina ykhaliho lik oyehfazo

**ملك2** · 23-07-2008, 01:41 AM

الف ملــــــــــــــــــــــيون حمدلله على السلامه ليكي وللقمر يوسف
ربنا يحفظه ليكي ويتربى فى حنانك وعز ابوه
ويجعله من مواليد السعادة
ويكون من الصالحين الحافظين لكتاب لله والمتبعين لسنة رسوله
انا كمان ربنا رزقني بعبدالرحمن مع ملك وروان يوم 6-7-2008
ودة سر بعدي الفترة السابقه
حملت مع الجهاز والحمد لله على عطائه