السلام عليكم يالحلوات

طبعا كلنا عارفين ان الحمل يغير من المظهر الخارجي كثير
واكيد كل وحده لها تجارب عن العنايه بالبشره والشعر والجسم اثناء النفاس
او محضره برنامج خاص لهذي الفتره
فياليت كل وحده فينا تنزل برنامج العنايه الخاص فيها لتعم الفائده على الجميع

برنامجي


للبشره:
جليسوليد + ليمون

للشعر :
حمام زيت مكون من (زيت الجرجير + زيت السمسم + زيت الثوم + اي زيوت مفيده للشعر )

للجسم :
امارس رياضة المشي ع السير وتمارين البطن مع حزام الساونا للبطن ولكن بعد 3 شهور ع الاقل من الولاده
لان ولادتي عمليه قيصريه ...

انتظر برامجكم الحلوه

هلا فيكي خيتي
بصراحة موضوعك كتير حلو بس يا ريت يكمل بالتفاعل من الاخوات
انا برنامجي هو
للجسم:
غذا متكامل لتعويض اللي ناقص مع الحمل و الولادة و البعد عن النشويات و السكر
و الاشيا المالحة و المعلبات و الاكل لازم يكون طازج و معه خضار و فواكه كتييير لتجنب الامساك
البشرة:
لتنظيف البشرة بستخدم مزيج الليمون مع السكر
حطي بايدك ملعقة سكر و صبي عليه عصير ليمون و ابدئي افركي بلطف بوجهك
و رح تحسي بشرتك متل بشرة الاطفال
لتعطي بشرتك بياض و لمعان شوفي هالوصفة
زبادي مع ملعقة خل تفاح مع ملعقة خميرة
و اتركيهن برا التلاجة شي ساعة قبل الاستخدام
و حطيه على البشرة و اتركيه لحد ما ينشف
بعد هيك اشطفيه بالماء الدافي بعدين بالبارد
و الخليط الباقي اتركيه برا التلاجة و استخدميه و كل ما اتخمر كان افضل
للشعر :
قد ما لفيت و جربت ما لقيت افضل للشعر من الحنة الطبيعية
و اذا كان شعرك جاف جربي صفار البيض روعة للشعر الجاف
و اذا كان شعرك مموج و بده فرد جربي الزبادي ياللي دسمه عالي
و حطيه على الشعر لمدة اربع ساعات
الرياضة:
الرياضة اول ايام الولادة رياضة لتقوية عضلات البطن السفلية و العلوية
و بعد هيك تمارين رياضية لتنقيص الوزن اذا بدك
و ربنا يقوم الحوامل بالسلامة
و يتم علينا فترة النفاس
قولوا امين

اااااامين
يسلمووو ميار
برنامجك حلوو وسهل

وصحيح ماشوف اي تفاعل من العضوات رغم ان الزيارات اكثر من 57

هذي بعض النصايح اللي نقلتها لكم من موقع اخر

1- لا تستخدمين الكماده على بطنك في النفاس تراها مضره للرحم والمبايض

2- اللي مو بكريه وولدت قبل كذا يجيها الم شديد بالبطن وانتفاخ هو تجمع الدم وعلشان يروح الالم وتخففينه بعد ماتولدين بكم ساعه راح تحسي ببطنك يتحجر وينتفخ وهذا يسمى بالحس دلكي مكان الانتفاخ والالم بشويش واستمري بالتدليك علشان ما يتجمع الدم وبتشوفين الدم ينزل معك واذا انتفخ بطنك وتجمع الدم بيطول معك الالم

3- وانتي بالمستشفى اطلبي من اهلك او اهل زوجك يجيبون لك ترمس قرفه مع زنجبيل واشربي طول اليوم بينزل الدم المنحبس

4- نامي على ظهرك لاتنامين على جنبك شهر كامل علشان يرجع الرحم لوضعيته الطبيعيه ولا تتهاونين بالموضوع ترى النوم على الجنب يسبب ميلان او انقلاب الرحم

5- حاولي ترضعين طفلك دايم وبعد الولاده بكم ساعه يساعد على ترجيع الرحم لوضعه الطبيعي وينزل الدم الفاسد بسرعه

6- اذا بتستخدمين الملح الخشن للتنقيع والمره خليهم بعد اليوم العاشر لانهم بينشفون لك المنطقه وبيطيحون الخيوط اذا بديتي فيهم بدري
ونصيحه حطي مره وفوقها زيت او مرهم علشان مايشد الجرح عليك

7- لاتنسين اللهموم والسفوف تراه اساس النفاس

8- كثري من اكل المهلبيه النشأ تراها تلحم الظهر

9- كثري من اكل الحلاوه الطحينيه تراها تدر الحليب وشربي حليب المرضع اللي يجي بالصيدليه

10- حرصي على اكلك وراحتك وتدفئتك طول النفاس وبالذات الاسبوعين الاولين

11- كثري اكل سمك ودجاج ولحم وبالذات السمك يلئم الجروح

12- استمري على حبوب الحديد شهرين بعد الولاده يعوض جسمك الدم الي فقده

13- كثري اكل التمرعلشان يلين بطنك ولاتهملين الملين علشان ماتنفتح خياطتك

14- اشربي عسل والاحسن يكون عسل ابيض على الريق مع ماء دافى

اتمنى اكون افدتكم وذكرتكم ادعوا لي اولد بالسلامه
والله يسهل علي وعليكم ولادتكم ونفاسكم

وهذي نصائح من اخت اخرى

أولاً:

في وقت الحمل لا تزيدين أكلج ولاتصدقين إلي يقولون لج لازم تاكلين عن شخصين لأنه كلام غير صحيح يكفي إنج تكثرين من الفواكه والخضره لكن باقي الأكل يكون خفيف كالعاده

ثانياً:

لازم في الحمل مايزيد وزنج عن 12 كيلو لأنه فوق 12 كيلو صعب جداً تخسرين الوزن بعد الولاده وآنه زاد وزني في الحمل 11 كيلو بس وعقب الولاده بشهر نزل وزني مثل قبل ولا أكثر شوي والكل يسألني إشلون مازاد وزنج

ثالثاً:

مارسي الرياضه من الشهر الخامس إذا كنتي متطمنه من ثبات الحمل وعليج بالسباحه والله ماتصدقون إشلون سهلت علي الولاده ونسقت جسمي

رابعاً:

بعد الولاده مباشره أو بالكثير ثاني يوم ربطي بطنج بالكورسيه آنه كنت ألف بطني بقطعتين وخذيت مقاس S صغير عشان أزيد من الضغط وفوقه شريت حزام البطن اللف وكان فعلاً متعب كنت أريح بطني نص ساعه وأرجع أحطه وفي النفاس طبعاً كنت كارهه الأكل يعني بالغصب آكل وماشاء الله عليها بنوتي ماكانت تخليني دقيقه

خامساً والأهم:

هالنقطتين ركزي عليهم طول عمرج مو بس عقب الولاده خليهم عاده عندج
أول شي دايماً مارسي تمارين البطن أدري بتقولون متعبه وماعندكم وقت ومفعولها مو سريع وآنه أوافقكم الرأي ويمكن آنه أكره تمارين البطن أكثر منكم بس طريقتي غير ومافي أريح منها ولها مفعول قوي دايماً دايماً سحبي بطنج للداخل وشدي ظهرج سواء قاعده تشوفين التلفزيون أو تطبخين أو تدرسين الأطفال كلما تذكرتي سحبي بطنج أو كلما شفتي وحده بطنها صغير في التلفزيون لاشعورياً بتتذكرين التمرين هههههه هالتمرين يساعد على تقوية عضلات البطن ويقلص من إرتخائها، وإذا بو العيال مو في البيت إخذي راحتج عشان مايقول جنت المره إمشي وإنتي مدخله بطنج مع هز الخصر واليد يمين ويسار إلين تحسين بعضلات الخصر تتحرك

ثاني نقطه طبعاً كل وحده عقب أول ولاده تحس بالفرق في فتحة المهبل والكثير من الأزواج يشتكون من توسع المنطقه وإلي تنصحج بالملح الفارسي وإلي تقولج الشبه ووو إلخ وكلهم ماتعرفون أضرارهم على المدى البعيد لكن آنه باقولكم على طريقه يمكن بعضكم سمع عنها لكني باقولكم عن نفسي إشلون غيرت عندي المنطقه هي عباره عن تمارين للمهبل إسمها كيجل وللي ماتعرف التمارين هي تكون بأنج تحاولين تحبسين البول وإنتي تتبولين لثواني وتتركين وتحبسين البول مره ثانيه إلين تتعلمين طريقة شد عضلات المهبل وبعدها تقدرين تسوين هالطريقه كلما تذكرتيها أو حتى وإنتي تطبخين أو تشوفين التلفزيون والأهم إنج تقدرين تشدين هالعظله وقت الجماع ويحس الزوج بالضيق.

موضوع جميل ونصائح الاخوات حلوة,وياريت الى عندهم خبرة يزيدونا

مشكووووووره حبيبتي سماهر

موضوع رائع و شكرا لك اختي عليه

واتمنى البنات هم بعد ما يقصرون

شموخ مشكوره حبيبتي
وان شاء الله البنات مايقصرون