السلام عليكم ورحمة الله وبركاته


اخواتى الغاليات اتابع موضوعاتكم الرائعة والمفيدة جزاكم الله كل الخير ولى عندكم سؤال الله يكرمكم تفيدونى
انا ولدت طفلتى مريم منذ حوالى شهرين وزنها وقت الولادة كان 2.6 و قررت ارضعها طبيعى والحمد لله كانت ترضع كويس واخدتها للتطعيم منذ اسبوعين وكان وزنها 4 كيلو وفى نفس اليوم قررت اخذ حقنة منع الحمل وسألت الطبيبة قالت هناك نوعان من الابر ابرة تمنع الحمل لمدة شهرين واخرى لمدة 3 شهور (مع العلم انى اعيش فى جنوب افرقيا) فلما حدثتها عن مخوافى من التخن لو استعملتها قالتلى انها فقط تفتح الشهية زيادة وانا على اتحكم فى نفسى و كمان رشحتلى ابرة الشهرين لانها لا تتخن ووافقت واخذتها و ماحسيت بشى شهيتى على طبيعتها. المهم انى لاحظت منذ الامس ان طفلتى مريم كلما وضعت صدرى فى فمها تشرب قليلا ثم تبكى ثم تلتقم صدرى بلهفة مرة اخرى وهى تبكى فاخرج صدرى من فمها واضغط عليه لا اجد لبن او اجد قطرات بسيطة لاتخرج بسهولة. فماذا افعل بالله عليكم بكأها يقطع قلبى واحس انها مابتشبع علشان كده بتبكى و هل هذا تأثير الابرة اريد افادة الاطباء هنا الله يكرمكم وهل ممكن تقولولى ممكن اخد ايه يكثر اللبن سواء فيامينات او اطعمة

والله يا حبيبتي يمكن من المغص او الابره مثل ما قلتي ,,انتي اسالي الدكتوره وشوفي شو اتقولج وطمنينا

والله ما عندي فكرة ان شاء الله البنات يفدوكي اختي

بصى حبيبتى انا حصلى نفس الكلام بس الحمد للة دلوقتى بقيت اعرف نفس الى حصل لبنتى وهى عمر شهر وهى ترضع تصرخ وجعانة جدا وتصرخ طلع عندها التهاب فى الحلق فطر معين بيجى من لبن الام لما بيفضل بوقى منة فى فم البنت ولازم تجيبلها زاى جيل من الصيدلية هيلسى ليها انك تدهنية وممكن تبلعة عادى وريحتة وطعمة كويسين وان شاء اللة تبقى كويسة علية دا اكيد زاى ما بقولك انة التهاب فى فمها او حلقها لانها لسة بترضع جديد واللبن عملها فطر فى فمها وان شاء اللة تبقى زاى الفل على طول بس انتى اسالى على الجيل دة فى الصيدلية ان شاء اللو مفيهوش ضرر بنتى كانت تاخدة عمر شهر
وان شاء اللة لكون افدتك

اختي الحبيبه ممكن الحليبعندك قليل..
تعرفي حلاوه الطحينيه كوليها تدر الحليب بشكل كويس ممكن تتخنك شوي بس كل شي وله ضريبه
معليش تغذي عشانها.. وفيه اطفال مع الرضاعه تضايقهم الغازات الي في البطن فشربيها حاجات
تطلع الغازات الي في بطنها ممكن نعناع وينسون وكمون شوي وحليهم بسكر نبات عشان تتقبلهم..

حبيبتي مبروك عليك مريم وان شاءلله تتربي في عزك
شوفي انا زيك دكتورتي قالتلي علي حكاية الابرة والحبوب منع الحمل
بس ماما نبهتني من الابرة
وبالنسبة لدر الحليب كولي حلاوة الطيحينة والارز واشربي قد مافيكي مياه وسؤائل لانهم اهم حاجة

حسب ما سمعت من المجربين ان اهم حاجة فى الرضاعة هى شرب المية كتيييييييييييييررر و السائل بصفة عامة
ابقى طمنينا على البنت

السلام عليكم ورحمة الله وبركاته

جزاكم الله كل الخير اخواتى العزيزات للاسف لم استطع اخذها للدكتور لان ايام السبت و الاحد اجازة غير ذلك الجو عندنا سئ للغاية و خفت اخرج بها تاخد برد لذلك لجأت اليكم فاخذت بالاسباب و اتبعت نصحكم فاخدت اشرب سوائل كتير لتكثر اللبن و الحمد لله الان ماعدت تبكى فجزاكم الله كل الخير و لكن مازال سؤالى هل هناك اثار جانبية سيئة لابرة منع الحمل؟

اختى ساعدى بلبن صناعى يمكن يفيد
واستعملى اللولب اامن
والله اعلم

ألف سلامة على بنوتك الحمد لله انها بقيت بترضع كويس ,بالنسبة لأبرة منع الحمل بصراحة ما عندى فكرة اسألى طبيب نساء فى دة ,لكن بالنسبة للرضاعة اشربى سوائل كتير على الأقل 3 لترفى اليوم لبن وعصائر ومياه وكلى ارز وكسكسى و مكرونة وخضروات طازجة
ونصيحة ما تفكرى انك تعطيها لبن صناعى طالما لبنك كافى لها ومن وزنها ما شاء الله باين ان لبنك كافى لها لو دخلتى الصناعى حتلاقى لبنك قل وبالتدريج حتترك الرضاعة الطبيعية .