السلام عليكم ورحمة الله وبركاته...
يابنات جدة ياحلوين...ابغى كل وحدة تدخل تكتب ايش؟احسن مستشفى للولادة بجدة واحسن دكتورة وحاليا كم اسعارهم لكل وحدة مجربة في عام2008..لان كل شي اتغير بالنسبة للاسعار ..ايضا سمعة المستشفيات..ايضا الدكتورات بيتركو المستشفى وبيسافرو..فنبغى نعرف ونستفيد من جديد مع تجاربكم بالتفصيل...
ارجو من الكل التفاعل ياحلوين فنحن في امس الحاجة للمعرفة......يالله انتظركم ...
على ناااااااار

ماشاء الله يابنات 8 مشاهدات ولا وحدة ردت انا زعلانة والله...بنات لك...تفاعلو مع موضوعي بليييز ياحلوين

انا من جده حبيبتي ولدت بنتي من 3 سنين و8 شهور
اكيد كل شي تغير
بس ماحبيت ادخل ولارد
ادعولي ان الله يرزقني بالذريه الصالحه

انا كمان من جدة بس لسه مش فى حمل ان شاء الله قريب بس انا سمعت عن كذا دكتورة حلوة فى مستشفى فقيه ( الدكتورة سحر و نادية ) و مستشفى السعودى الالمانى بس مش عارفة ايه تفاصيل

ان شاء الله الاخوات يساعدوكى

جزاكم الله الف خير.لاف ستوري الله يرزقك الذرية الصالحة باذن الله...وشكرالانكم عبرتوني على الاقل....

يلا يابنوتات ردو على موضوعي محتاجة خبرتكم

يابنات مو معقول ولا وحدة من جدة الا 2 بس..لا اله الا الله

أنا من جدة حبيبتي بس لس ماولدت وماعندي خبرة لأنه أول حمل لي
بس يمدحون مستشفى فقيه
واحبه استفيد معاك
مشكووووووووورة على طرح الموضوع

انا فقيه ما احبذها ,, صح فيها دكتورة فاطمة وهي شاطرة يمدحوا فيها بس مواعيدها زححححححححححححححمة وانت وحظك اذا بتولدين عندها .. ونفس الشي مع د نوال السناني في بخش ..
انا صراحة مرتاحة لبخش وبتعالج حاليا عندهم عند د سمية العاصي , مرة ممتازة وطيبة .
عرفان يمدحوا فيها في بروفيسور بس ما اعرف اسمه , وفي د هدى خير بس مو الكل يرتحلها .
الألماني يعني .. بس ما اعرف دكاترة عندهم , وما يدخلوا زوجك او اي احد معاك الولادة .
الاطباء المتحدون يقولون خدمتهم ممتاااازة متل الفنادق , وفي دكاترة كويسين بس مزاجيين .
التخصصي مررررررررررة يمدحوا فيه ونفسي اجربه ..
وبالنسبة للأسعار والله ما عندي علم انا بنتي الحين كبرت وزمان عن الولادة فما اعرف الاسعار ؟؟

الله يفرج همك .. ويفرج همي ويرزقني بالذرية الصالحة عاجلا غير اجل .....

فاطمة العتيبي وبس ...... مرة اخلاقها وتعاملها حلو

انا كمان من جدة بس لسه مش فى حمل ان شاء الله قريب بس انا سمعت عن كذا دكتورة حلوة فى مستشفى فقيه ( الدكتورة سحر و نادية )

كلامك صح
بس زحمه بس انا مرتاحه عندهم .... لان الطوارئ عندهم ممتاز وكذلك الاهتمام والنظافه
عموما جده مليانه مستشفيات خاصه ممتازهوفندقيه واسعارهم عاديه
انا كاش الحساب في متابعه للحمل 2000 ريال والولاده 7000 والاشعه السونار الكبير عندهم 400 ريال
يعني انا من اول لاخر 15الف ريال من ادويه وزيارات وغرفه د رجه اولى وحضانه كم يوم لبنتي
والحمد لله