تحليل الحمل المنزلى

**تردد** · 16-01-2008, 02:22 PM

بصوا بقى اولا ازيكوا كلكوا
ثانيا احنا هنا كلنا عشان نساعد بعض ونفهم بعض عشان كده لازم نحط اساسيات كل واحده تبقى عارفاها الاساسيات دى طبعا خاصه بموضوعنا الى هوه الحمل يعنى مينفعش كل شويه حد يعمل تحليل الحمل فالبيت وبرده تبقى محتاره عشان كده اول حاجه نعملها اننا نقول لكل واحده اتاخرت عليها البريود اكتر من 4 ايام وعملت تحليل الحمل المنزلى وظهرلها خط خفييييييف خالص خالص ده حمل مؤكد ان شاء الله خط فاتح+تأخربريود 4 ايام يعنى حمل ان شاء الله ولازم تبداء تاخد الفوليك اسيد والافضل ان كلنا ناخده الى مستنيه حمل والى حامل لحد3 شهور لانه بيساعد على تحسين خلايا الجسم كلها
بالنسبه لتحليل المنزل اوقات الخط بيتاخر فالظهوروتفتكرى مفيش حمل وبعد مترميه تلاقى الخط ظهر عشان كده ابقوا ادولوا وقته يعنى روحوا اعملوا حاجه وبعد متخلصوا ابقوا بصوا عليه وان شاء الله كله ايجابى
طبعا احنا مش بنتكلم فى نسبه الخطأالى هيه بتبقى بسيطه قوى وكل واحده يظهرلها الخط ممكن تستنى بعده كمان 6 ايام يعنى يكون عدى 10 ايام عل تأخر البريود وطبعا تكون محافظه قوى على نفسهافالايام دى لان النطفه بتكون معلقه وعايزه تستقرالمهم بعد 10 ايام تروح تعمل تحليل الدم الى هوه فيه نسبه الحمل مش فى حمل ولا لأ بعدين تجرى على دكتورها تبشره وتتابع معاه
فى حاجه كمان متستعجلوش على انكوا تشوفوا البيبى لا فى ناس بيتاخر عندها التبويض فيتاخرظهور البيبى فالسونار انتوا ممكن تتاكدوا ان القنوات فاضيه اما البيبى فيظهر وقت ميحب فى ناس بيظهر معاها من اول شهر فى ناس تانيه بيتاخر ظهوره لحد اخر الشهر التانى ومدام اتاكدنا من الانابيب يبقى مفيش مشكله وهيه مساله وقت بس كده ده الى فاكراه دلوقتى

**ام مرمر و ليلو** · 16-01-2008, 02:46 PM

الله يجزيك الخير
انا بعد تاخر الدورة عليه ب4 ايام عملت تحليل منزلي ومباشرة بانت النتيجة ايجابية والحمدلله

**تردد** · 16-01-2008, 03:07 PM

متشكره ياام احمد قوى ربنا يقومك بالسلامه انتى وطفلك وييسرلك ولادتك

**yasmg** · 16-01-2008, 03:12 PM

شكرا يا تردد على الموضوع..
و على فكره الفوليك اسيد مهم جدا و لازم كل واحدة تاخده مادام في امكانيه حدوث حمل..
يعني يستحسن البنت اول ما تتجوز تبدا تاخده..
انا بدات اخده بعد الجواز بكام شهر وفضلت اخده فترة طويله لحد ما ربنا اذنلي بالحمل بعد سنتين جواز..
و طول الفتره اللي كنت باخده فيها قبل الحمل لاحظت تحسن كبير على شعري و اظافري و بشرتي..

**أم حاتم جداويه** · 16-01-2008, 03:27 PM

مشكوره على المعلومات

**wssherbiny** · 16-01-2008, 04:20 PM

كتبت بواسطة yasmg

شكرا يا تردد على الموضوع..
و على فكره الفوليك اسيد مهم جدا و لازم كل واحدة تاخده مادام في امكانيه حدوث حمل..
يعني يستحسن البنت اول ما تتجوز تبدا تاخده..
انا بدات اخده بعد الجواز بكام شهر وفضلت اخده فترة طويله لحد ما ربنا اذنلي بالحمل بعد سنتين جواز..
و طول الفتره اللي كنت باخده فيها قبل الحمل لاحظت تحسن كبير على شعري و اظافري و بشرتي..

كلام علمي سليم 100%

لمن لا يعلم : يسبب نقص حمض الفوليك إصابة الجنين بتشوهات معينة في الحبل الشوكي و المخ يمكن تلافيها بتناول 500 مبكروجرام (1/2 مليجرام) من أقراص حمض الفوليك يوميا
و قد صدرت توصية ال FDA في عام 1996 بتزويد مجموعات من الأطعمة في أمريكا بحمض الفوليك لمواجهة أي إهمال من الحوامل في تناول حمض الفوليك خلال اول 3 شهور من الحمل