مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 26

تجربتى انا و صديقتى فى مركز جنين

(الحمل والولادة و الرضاعة - منتدى لكِ)
[SIZE="4"] السلام عليكن جميعا....... لقد سبق و حكيت لكن تجربتى مع مركز ابو الغار(المركز المصرى لاطفال الانابيب) و الان ساروى لكن تجربتى الاخيرة انا و ...
  1. #1
    meroo2006's صورة
    meroo2006 غير متواجد النجم الفضي
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة

    angry تجربتى انا و صديقتى فى مركز جنين

    [SIZE="4"]السلام عليكن جميعا....... لقد سبق و حكيت لكن تجربتى مع مركز ابو الغار(المركز المصرى لاطفال الانابيب) و الان ساروى لكن تجربتى الاخيرة انا و صديقتى فى مركز (جنين) تحت ادارة الدكتور حسام زكى..... لعل فيها ما يفيد احداكن.....
    فبعد ان اجريت التجربة مرتين مع البو الغار و لم يكتب الله لهما النجاح ,استخرت الله و قمت باجراء جراحة لاستئصال الورم الليفى الموجود عندى فى الرحم لان عدد من الدكاترة اكد لى انه يجب ازالته حتى تنجح التجربة حيث ان وجود الورم الليفى يسبب ثقل فى جدار الرحم و يمنع الاجنة من زرع نفسها فى بطانة الرحم........
    و الحقيقة انى كنت خايفة جدا من العملية دى لانى كنت خايفة افتح الرحم بتاعى و انا لسه ما خلفتش بس هاعمل ايه؟؟؟؟؟؟

    هو ده كان الحل الوحيد وهى دى ارادة ربنا ,واجريت العملية بفتح بطن تماما كالعملية القيصرية و الحمد لله قمت بالسلامة و ارسلت الورم الليفى لتحليل الباثولوجى و الحمد لله الورم حميد و تم استئصاله بنجاح ,وفى خلال ثلاث اسابيع كنت قد استعدت عافيتى تماما و الحمد لله ,وبعدذلك نصحتنى الدكتورة بان اريح نفسى تماما لمدة ثلاث شهور ,حتى يلتئم جرح الرحم تماما ثم اقوم بعدها باجراء اشعة صبغة لمعرفة حالة الانابيب بعد الجراحة ,وبالفعل قمت باجرائها بعد ثلاث شهور و اوضحت الاشعة ان احدى الانابيب سليمة و الاخرى بها التهابات و تجمع للسوائل ,وفى خلال الفترة دى سمعت عن مركز جنين و عرفت انه مركز ناجح و نسبة النجاح فيه عالية.......


    و بالفعل جمعت اوراقى و اشعاتى و توجهت الى مركز جنين و تقابلت بالدكتور حسام زكى...... و اطلع على كل فحوصاتى السابقة .......و قال لى ان كله تمام...... و انى استطيع ان اقوم بتجربة الحقن المجهرى الجديدة...... و لكن يجب ان اقوم باجراء منظار بطن حتى يقوم باغلاق الانبوبة الملتهبة!!!!!! لانه قاللى ان السوائل التى بها بترتجع على الرحم و انها سوائل ضارة وتسبب موت للاجنة ويجب اغلاقها تماما,واستخرت الله و قمت باجراء العملية عنده ,وعدت على خير و قام باغلاق الانبوبة الملتهبة,وبدات استعد لبدء العلاج الخاص بتجربة الحقن المجهرى........... و تعرفت على صديقة هناك ظروفها مثلى تماما ,ومن سنى تقريبا ,وبدانا معا مشوار العلاج ,الحقن التحضيرية ثم حقن التنشيط ثم شفط البويضات و احنا الاتنين شفطنا البويضات فى يوم واحد ,ثم نقل الاجنة و بعد كده الحقن و الاقراص المثبتة لمدة اسبوعين.....

    و بعد اسبوعين بنعمل اختبار الدم لمعرفة حدوث الحمل ام لا......المهم بعد ما نقلنا الاجنة ,كنا بنتصل ببعض يوميا بالتليفون و نعرف اخبار بعض ,وطبعا كنا ملتزمين بالراحة التامة فى السرير لاننا كنا خايفين اوى على الاجنة , و حتى الصلاة كنا بنصلى على كرسى ,وكنا بناخد العلاج فى مواعيده و ملتزمين اوى بكلام الدكاترة ,المهم عدت فترة الاسبوعين على خير و عملنا اختبار الدم مع بعض فى يوم واحد و الحمد لله طلعنا احنا الاتنين حوامل وماقدرش اوصفلكم مدى السعادة اللى كنا فيها و مكناش مصدقين نفسنا ,وسارعنا بابلاغ ازواجنا بالخبر السار ,لان احنا الاتنين ازواجنا بيشتغلوا فى دولة الكويت و احنا نزلنا القاهرة مخصوص علشان نعمل التجربة ,وعشنا فرحة و سعادة مالهاش حدود و كملنا على الحقن المثبتة و الاقراص و الميعاد الجديد فى المركز كان بعد اسبوعين كمان علشان يعملولنا سونار و يطمنوا على حالة الاجنة و يعرفوا كام واحد مسك؟وبعد اسبوع فقط من الحلم الوردى اللى عشنا فيه

    ,حدث ما لم يكن فى الحسبان........................................... ..................
    انا نزل عليا نقط دم بنى و بعدين احمر!!!!!!!!!والله يا بنات مش قادرة اوصفلكم اللى شعرت به من خوف و الم لما شفط نقط الدم دى ,وطبعا انهرت تماما و قعدت ابكى لحد ماجالى صداع ,وكلمتهم فى المركز و قالولى عادى و ما تقلقيش و زودى الحقن و بدل واحدة ,خدى اتنين ,وان ده بيحصل طبيعى مع حالات كتير ,بس انا بصراحة ماكنتش متفائلة........و سمعت كلامهم وزودت الحقن و نقط الدم توقفت بعد 3 ايام اما صديقتى فبدات تشعر بالم رهيب فى رجلها و الالم كان بيتنقل من الركبة للقدم للساق و كان شديد لدرجة انها ماكانتش بتعرف تنام من الالم ,وكلمت المركز قالولها خدى اقراص بارامول المسكنة و هاتى دكتور باطنة يشوفك ,وعملت كدة و الدكتور قالها ده التهاب فى الاعصاب من كتر النوم و قلة الحركة و كتبلها على بعض الفيتامينات للاعصاب ,والالم بتاعها قل شوية و بقى بيروح و ييجى ,المهم روحنا ميعادنا فى المركز بعد اسبوع كمان ,وعملنا السونار و انا قالولى ان فيه كيسين حمل واحد كبير و التانى صغير , اصل انا كنت ناقلة جنينين ,وقالولى ان غالبا الصغير ده مش هيكمل ,لكن الكبير كويس و ادونى ميعاد تانى بعد اسبوع و قالولى استمرى على العلاج ,طبعا روحت و انا فرحانة اوى انى لسه حامل وان فيه جنين بخير ,اما بالنسبة لصديقتى فقالولها ان عندها جنين كويس و الباقى ما مسكوش و هى كانت ناقلة 3 اجنة و ادوها ميعاد بعد اسبوع زيى تمام و طبعا هى كمان كانت فرحانة اوى ان فيه جنين كويس ,وفى خلال الاسبوع ده ,انا الحمد لله مانزلش عليادم تانى,انما هى الالم بتاع رجليها كان ما زال موجود و كان شديد لدرجة انها ماكنتش قادرة تحط رجليها على الارض ,وللاسف ماحدش قدر يعرف الالم ده سببه ايه؟؟؟؟؟؟!!!!!!!!!!

    و بعدين جه اليوم بتاعنا فى المركز و يا ريته ما جه................................................ ............................

    طبعا انا رايحة و كلى امل و تفاؤل ,انى هطمن على الجنين و اشوف النبض بتاعه و هى كمان ,وما كنتش قلقانة خالص لان الحمد لله ما نزلش عليا دم تانى.......ودخلت للدكتور و بدا يعمل السونار وبعدين لقيته طول اوى فى الكشف وعمال يحاول و يدور على امل انه يلاقى نبض وواضح انه ماكنش لاقى اى نبض............ و بعدين قاللى اتنقل لغرفة تانية لان الجهاز اللى فيها متطور و حديث و اتنقلت هناك و انا قلبى عمال يدق زى طالب منتظر نتيجة الثانوية العامة اللى هيتوقف عليها مستقبله كله...............وللاسف قعد يفحص بالجهاز و برضه ما لقاش اى نبض و اخيرا قاللى .ان الحمل انتهى...................................طبعا مش هاعرف اوصفلكم مشاعرى ساعتها و الدنيا كلها كانت بتلف بيا و قعدت افتكر التعب اللى مريت بيه و العمليات دى كلها اللى عملتها و التجارب و الحقن اللى اخدتها و الانتظار و الترقب و الامل و الحلم الجميل اللى كنت عايشاه و كله راح فى ثانية..................

    الحمد لله على كل حال..................

    الدكتور قاللى ان الاحتمال الاقرب لموت الجنين انه يكون حصل بعض الجلطات اللى منعت الدم انه يوصل للجنين و طلب منى تحاليل خاصة بالتجلط و طبعا قاللى وقفى العلاج و ادانى اقراص اخدها علشان تطرد الجنين ........................................
    اما صديقتى فنفس السيناريو اللى حصل معايا حصل معاها و هى كمان ما لقتش نبض و الحمل للاسف انتهى............و برضه طلب منها بعض التحاليل تعملها علشان يعرف ايه السبب؟؟؟؟؟؟؟؟؟؟؟؟؟

    المهم,اناعملت التحاليل و طلعت كويسة الحمد لله و قاللى انى لازم اريح جسمى من الهرمونات 3 شهور على الاقل قبل المحاولة الجديدة و انه فى المحاولة الجديدة هيدينى ادوية تعمللى سيولة فى الدم و ربنا يسهل فى المحاولة الجاية............................................ ...........

    اما المسكينة صديقتى فدخلت فى موال تااااااااااااااااااااااااااااانىىىىىىىىىى خالص.......................... و اتضح ان عندها جلطات فى رجليها و انه للاسف الجلطات لم تكتشف من الاول وهى دى اللى كانت مسببة لها الالم ده كله, و انها وصلت للرئة, و المسكينة جالها سرعة رهيبة فى ضربات القلب, و اتنقلت المستشفى و قعدت فى العناية المركزة 5 ايام علشان يدوبولها الجلطة و حالتها كانت حرجة و خطيرة جدا ......

    و بعدين خرجت الحمد لله لغرفة عادية و قعدت حوالى 10 ايام كمان علشان يطمنوا عليها تماما و قالولها ان كل ده بسبب جرعات الهرمونات اللى كانت بتاخدها مع التجربة وان هى جسمها حساس جدا و عنده استعداد قوى لتكوين الجلطات و خرجت من المستشفى و معاها علاج تانى كتير هتستمر عليه لمدة 6 شهور تمام و كمان قالولها انه ممنوع تعمل اى تجربة تانية لمدة سنة على الاقل على ما يكون جسمها ارتاح........ وراحت اثار الجلطات تماما و هى لسه راجعة الكويت قريب و كلمتنى و حكتلى اللى حصلها ده كله ...............
    طبعا انا حمدت ربنا لان كان ممكن جدا اللى حصلها ده يحصللى طبعا .........بس ربنا كان كريم معايا و رحيم بيا و الحمدلله على كل حال ......

    و انا الان سافرت الى زوجى و نويت ان نحج معا ان شاء الله و بعد الحج بقى ابقى انزل مصر تانى و اعيد التجربة و ربنا يسهل المرة دى يا بنات و دعواتكم معايا و مع صديقتى........................ و الله يا بنات تعبت جدا جدا جدا انا و صديقتى و ما تتصوروش قد ايه التجربة دى متعبة بدنيا و نفسيا و ماديا ايضا..................
    و احب اقول لكل زوجة ربنا بيرزقها بالحمل الطبيعى انها تحمد ربنا و تشكره الف الف مرة لانها ممكن تكون مش حاسة بمقدار النعمة اللى هى فيها بس لما تقرا تجربتى دى اكيد هتحس , و برضه ارجع و اقول الحمد لله و قضا اخف من قضا ,و اديكوا شفتوا صاحبتى حصل معاها ايه........ و انا املى فى الله كبير و انه اكيد هيعوضنى على قد تعبى ده كله و يرزقنى و يرزق كل المحرومات بالذرية الصالحة اللى تقر العين........امين يا رب العالمين................امين يا رب العالمين.................امين يا رب العالمين..........[/SIZE]
    آخر مرة عدل بواسطة meroo2006 : 21-09-2007 في 02:04 AM

    { فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
    القصص أية 24

  2. #2
    ريهام زكريا's صورة
    ريهام زكريا غير متواجد النجم الفضي
    تاريخ التسجيل
    Jun 2007
    الموقع
    فى رحاب الله تعالى
    الردود
    1,720
    الجنس
    أنثى
    ربنا يرزقك ويرزق صحبتك بالذريه الصالحه ربنا يشفشها ويعفيها ويزيح عنها يااااارب بحق هذا الشهر الكريم ويكرمكم إن شاء الله
    قلبى معاكم وربنا يهون عليكم ويخلف عليكم خيرا مما أخذ منكم


  3. #3
    SPRAY's صورة
    SPRAY غير متواجد النجم الفضي
    تاريخ التسجيل
    Aug 2006
    الموقع
    في حبيبة قلبي مكتي
    الردود
    3,501
    الجنس
    أنثى
    الله يرزقك إنتي وأختنا المسلمة الثانية ويعوضكم بالخلف الصالح عاجلا غير آجلا

    اللهم صلي على سيدنا محمد وعلى آله وصحبه وسلم



    اللهم بارك لي في عمري وزوجي وذريتي
    واحفظنا اللهم من أعين العائنين وكيد الكائدين

  4. #4
    (( ألماسه ))'s صورة
    (( ألماسه )) غير متواجد النجم الفضي
    تاريخ التسجيل
    May 2006
    الردود
    1,304
    الجنس
    يارب يرزقج يا أختي بالذريه الصالحة
    و يفرج همج و يفرح قلبج بشوفة ذريتج

    أنا بعد سقطت مرتين وبعدها سويت تحاليل
    طلع عندي تخثر بالدم
    يعني الدم يتجلط و مايوصل للمشيمه ف يموت الجنين

    أدعي لي اما تروحين الحج أن ربي يرزقني بالحمل والذريه الصالحة .


  5. #5
    safy727's صورة
    safy727 غير متواجد عضو نشيط
    تاريخ التسجيل
    Mar 2007
    الموقع
    على الأرض
    الردود
    169
    الجنس
    أنثى
    بصراحة انا حاسة انش انتي و صديقتك تعذبتوا وايد ... الله يعوض صبركم خير و ان شاء الله يرزقك و يرزقها بالذرية الصالحة بحق هذا الشهر الفضيل و انتي بتروحي الحج ... أدعي الله سبحانه و تعالى و ان شاء الله من ترجعين تكونين امل و انصحش اختي كثري من الاستغفار

    رب لا تذرني فردا و انت خير الوارثين


  6. #6
    meroo2006's صورة
    meroo2006 غير متواجد النجم الفضي
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة safy727 عرض الرد
    بصراحة انا حاسة انش انتي و صديقتك تعذبتوا وايد ... الله يعوض صبركم خير و ان شاء الله يرزقك و يرزقها بالذرية الصالحة بحق هذا الشهر الفضيل و انتي بتروحي الحج ... أدعي الله سبحانه و تعالى و ان شاء الله من ترجعين تكونين امل و انصحش اختي كثري من الاستغفار

    رب لا تذرني فردا و انت خير الوارثين


    مشكووووووورررررررة اختى صافى على ردك الجميل و انا فعلا بحاول استغفركتير فى شهر رمضان

    { فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
    القصص أية 24

  7. #7
    meroo2006's صورة
    meroo2006 غير متواجد النجم الفضي
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة (( ألماسه )) عرض الرد
    يارب يرزقج يا أختي بالذريه الصالحة
    و يفرج همج و يفرح قلبج بشوفة ذريتج

    أنا بعد سقطت مرتين وبعدها سويت تحاليل
    طلع عندي تخثر بالدم
    يعني الدم يتجلط و مايوصل للمشيمه ف يموت الجنين

    أدعي لي اما تروحين الحج أن ربي يرزقني بالحمل والذريه الصالحة .

    اختى الماسة
    ربنا يعوض عليكى يا رب و ان شاء الله بادعيلك و بادعى لكل زوجة منتظرة مثلنا ان ربنا يرزقها قريبا ,ان شاء الله

    { فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
    القصص أية 24

  8. #8
    meroo2006's صورة
    meroo2006 غير متواجد النجم الفضي
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة SPRAY عرض الرد
    الله يرزقك إنتي وأختنا المسلمة الثانية ويعوضكم بالخلف الصالح عاجلا غير آجلا
    مشكووورةاختى سبراى و ربنا يتقبل منك يا رب

    { فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
    القصص أية 24

  9. #9
    meroo2006's صورة
    meroo2006 غير متواجد النجم الفضي
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة ريهام زكريا عرض الرد
    ربنا يرزقك ويرزق صحبتك بالذريه الصالحه ربنا يشفشها ويعفيها ويزيح عنها يااااارب بحق هذا الشهر الكريم ويكرمكم إن شاء الله
    قلبى معاكم وربنا يهون عليكم ويخلف عليكم خيرا مما أخذ منكم

    متشكرة اوى يا ريهام عاى دعواتك الحلوة دى لى و لصاحبتى , و ربنا يجازيك كل خير

    { فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
    القصص أية 24

  10. #10
    om_muhra غير متواجد النجم الفضي
    تاريخ التسجيل
    Dec 2005
    الردود
    1,482
    الجنس
    أنثى
    الله يعوض صبركم خير يارب
    والله يعينكم على هالادويه ويارب تحملون وما تحتاجون للادويه والبهدله فالمستشفيات يارب


مواضيع مشابهه

  1. لكل من تعاملت مع مركز جنين لدكتولر حسام زكى يا ريت تدخل بليز
    بواسطة sally22 في الحمل والولادة و الرضاعة
    الردود: 6
    اخر موضوع: 26-07-2011, 02:56 PM
  2. تجربتي مع زيت جنين القمح
    بواسطة بسمه الم فلسطين في العناية بالجسم والبشرة والمكياج والعطورات
    الردود: 15
    اخر موضوع: 03-01-2011, 01:05 PM
  3. تجربتى مع مركز جنين للدكتور حسام زكى- شعار تجربة متميزة-
    بواسطة ربى كريم في الحمل والولادة و الرضاعة
    الردود: 61
    اخر موضوع: 11-04-2010, 07:54 AM
  4. سؤالي عن مركز جنين، ارجو الافاده
    بواسطة نظرة أمل في الحمل والولادة و الرضاعة
    الردود: 23
    اخر موضوع: 12-12-2009, 11:51 PM
  5. وحشتوني .. رجعت و معاي تجربتي مع مركز جنين
    بواسطة lollypopy79 في الحمل والولادة و الرضاعة
    الردود: 36
    اخر موضوع: 29-10-2009, 05:28 PM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100