السلام عليكم أخواتي ومبارك عليكم الشهر والله يتقبل منكم ان شاء الله ..... حبايبي أنا بدخل بالموضوع على طووول ... أنا معلمة في الروضة وعر فت أمس ان في طفل مصاب بالجدري الماء في مراحله الأخيرة ( يعني الحين يتقشر منه ويتطاير بين الأطفال ) وأكيد الأطفال راح يتعادون منه وأمه الله يسامحها ما قالت لمعلماته ... المعلمة الحامل الي تدرسه اكتشفت اصابته من ظهره ورقبته ومسكيييييييينه وااااايد خايفة لأن الطفل كان معاها على طوووول ... ياريت تساعدوني وودي أعرف في خطر ان ينتقل للجنين سواء لها أو لي أو من الحوامل في المدرسة وهي وأنا صار فينا الجدري في صغرنا وودي أعرف في حصانه علينا؟؟؟ الطفل مو في فصلي بس في خطورة علي من بعيد ؟؟؟ ،،،، هي سألت دكتورتها وقالت لها ان ينتقل بالنفس ((( يعني الأطفال الباقي راحو فيها ))) وقالت لها اخذي ابرة واذا لاحظتي ان في أطفال تعادوا لاااازم الحوامل ياخذووون اجازة ،،، بس اشلوووون انعرف بداية المرض .؟؟؟ آسفة على الاطاله بس لأني قاعدة أوسوس

حبيبتي الله يهدي امه شلون تجيبه وتعدي الاطفال المساكين ؟؟

اما عن العدوى على حد علمي ما يعدي الا اللي ما سبق وجاهم

اختي جاء ولدها واعدى اخوانه وكانت حامل والحمد لله ماجاها شيء

بس ضروري تروحين لدكتورة تصرفك لك ابره او شيء احتياط لان في نااااس يجيهم مرره ثااانيه

ما عليك شر ان شاء الله

اعتقد انك تبلغى مسئولى المدرسه باقصى سرعه وربنا يستر

مشكووورة على الرد حبيبتي ،،، والله ادارة الروضة أمس كلمت امه وراح تغيبه الأسبوع الجاي (( بس بعد شنو !!!! ))) الله يسامحها ،،، أنا ان شاء الله شكلي بكلم الدكتورة

حبيبتي انا اعرف الطفل اللي فيه جدري مايصصير يداوم اصلا و الادارة تعطيه اجازة ليما يطيب و لازم ما تقربين منه الا بعد 15 يوم من ما يخلص المرض

ديري بالج على نفسج وروحي الطبيب بسرعة و كلمي الادارة

و بعدين الياهل توه صغير انا اعرف وحدة بالسادس و تاذت من هالسالفة

و ماراح اقولج اصار فيها بس روحي الطبيب ضروري وكلمي الناظرة تحل المشكلة

والله كلامج صح يا بندوله الادارة تعطيه اجازة لما الأم العاقلة تبلغهم عشان مصلحة الأطفال و المعلمات بس اهيا مو هامها وماكانت راح تتكلم لو أبلته ما شافت الطفل والله حررررة تبس تفتك منه من قعدة البيت !!!!!! أنا بشوف الأسبوع الياي ايش بيصير اذا سمعت من معلماته ان في آثاااار على باقي الأطفال راح أتصرف ,,, بس أبلته مسكييييين اهيا بالخامس

أشكر الجميع على الردووود والله يبعدكم عن كل شر

حبيتي انشاء الله ما عليكي ولا على صاحبتك اي شر بس والله بعرف وحدة صاب ابنها جدري وما كانت عارفة وهي حامل وجابت بنت الهم اعفونا واعفو عنا ما بتحكي ولا بتسمع بس في بداية حملها كانت ما بدي اخوفك بس مهم تروحي على الدكتورة
والله يسامحها امو للولد فعلا الام قبل كل شي لازم تكون متعلمة ومثقفة

ما تخافي أبدا أنا لما كنت بالرابع صار هيك معي كنت عند بنت عمي وبنتها صار عندها الجدري والحمدلله لأني مطعمة وصار معي جدري قبل ما صار شي طالما¨الوحدة مطعمة ضده إن شاء الله ما عليها ضرر

كتبت بواسطة barbie_souz

ما تخافي أبدا أنا لما كنت بالرابع صار هيك معي كنت عند بنت عمي وبنتها صار عندها الجدري والحمدلله لأني مطعمة وصار معي جدري قبل ما صار شي طالما¨الوحدة مطعمة ضده إن شاء الله ما عليها ضرر

اختي باربي متى طعموك ؟؟؟ قصدج لما كنتي صغيرة ولا ونتي حامل ؟؟؟ لأن أنا ماني متذكرة اذا كان امطعميني في المدرسة

لازم تبعدين عن الطفل ..

وروحي للدكتورة وشوفي وشو تقول لك ..