خواتي اعاني من صداع شديد و الله يالله اقدر اشوف و حاسه بغثيان ...
وانا بيني وبين قدوم الدوره 3 ايام تقريبا مو متاكده اذا حامل بس خايفه اكون حامل و لا ابي اخذ بنادول لصداع ..ممكن تعطوني بديل ما يضر الحمل...الله يجزاكم الجنه و لك دعواتي يالي تردي علي ..

سلامتك الف سلامه وماتشوفين شر
امس سبحان الله جاني صداع فتك براسي من قوة الالم لدرجه البكاء وعلى قولتك خفت من الحبوب وانا الحين حامل بالخامس واخذت حبه بندول عادي مو اكسترا ورحت المستوصف لان الالم ماخف واعطتني ابره في العضل وابره ثانيه على شكل مغذيه صغيره تحط الابره في يدي وتحط محلول في سلك زي المغذيه وجلست بعدها ساعه او اكثر بعدين خف الالم والحمد لله انتي خذي اذا عندك ادول مو بنادول وحطي على شعرك زيت دافي وغطيه لان اخت زوجي تسوي كذا اذا جاها صداع وهي حامل تدفي زيت وتحطه على راسها وتغطيه وتنام والحمد لله يروح الصداع طمينيني عليك

الف سلامة عليكي
ان شاء الله تكوني حامل بس انااللي بعرفو انو البندول ما بضر الحامل وعادي لو اخدتي حبة

تحملي وخذي اشياء سخنه ولا خذي حمام استرخي فيه وسوي مساج لراسك لحد ماتعرفي اذا حامل ولا لا

الف سلامه عليكي وان شاء الله تكوني حامل
والله ماعندي معلومه واعملي مثل ماقالو لك الأخوات

ياقلبي يام خالد ان شاءلله ماتشوفين شر بادن الله
ماعندي ادني فكرة بس انا زيك قبل ما اعرف نفسي
حامل اجاني صداع بس اخدت بندول والحمدلله
ولو انتي خايفة اعملي مساج لراسك الله يشفيك
وياااااااااااااااااارب تكوني حامل والف مبروك مقدما

الف سلامه عليكى اختى يارب تكونى حامل وربى يذهب عنك الصداع وكل شر اللهم امين

حبيبتي أم خالد.. الله يشفيك.. ونصيحتي لك بإن تشربي الماء البارد.. ثم تضعين زيت الليمون.. وإذا ما كان عندك زيت الليمون، خذي ليمونه وإعصريها على راسك وإنشاء الله يروح عنك الصداع.. وإقري على راسك 7 مرات سورة الفاتحة.. ونصيحة لكل الحوامل لا تاخذون البندول لأني أعرف وحده كان وحامها صداع وكانت تاخذ البندول وعافانا الله وإياكم جابت ولد منغولي.. نسأل الله العفو والعافية.. وبعدين يا ام خالد يمكن يكون عندك إمساك فخذي شوي مسهلات... والله يشفي الجميع...

ربي يهون عليكي ويخفف عنك ان شاء الله
اسمعي لنصائح البنات المجربات وان شاء الله تستفيدي عزيزتي

يا اختي الغاليه

جاني صداع يوم الجمعه ...وانا والله من لما حملت وانا احاتي لو جاني صداع وش راح اسوي...

رحت يا اختي وسويت لي شاي احمر مركز وعليه عصير ليمون وشربته وحطيت راسي على المخده وخففت الاضاءة وريحت نفسي

والحمدلله خف عني

وملاحظة الاخت بنت الرعد في محلها ...احتمال يكون الامساك الله يبعده عنا ترى بالفعل يجيب صداع مقرف ...

فانصيحتي كلي فاكهه وخضار عشان يلين المعده عندكِ...

الله يخفف عنك يارب ...وماله داعي بالفعل للأدوية عشان لا قدر الله لو صار شي ولا كذا باللبيبي محد يحس بتأنيب ضمير وانه في لحظه من اللحظات قصر في حقه

الله يحفظ اطفالنا آمين ...

موفقه ياا اختي وربي يشافيكِ