انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 38

الموضوع: تجربتى مع المركز المصرى لاطفال الانابيب

  1. #1
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة

    تجربتى مع المركز المصرى لاطفال الانابيب

    السلام عليك جميعا: انا دكتورة تحاليل ,متزوجة من اربع سنوات و نصف, و فى الفترة دى عملت تجربة الحقن المجهرى ثلاث مرات,ولم يكتب الله لها النجاح حتى الان,الدكتورة لولا
    طلبت منى انى احكيلها تجربتى مع مركز ابو الغار,لانها ناوية تعملها هناك قريبا,ربنا يوفقها ان شاء الله.
    انا قلت ارد عليها فى موضوع جديد علشان الكل يستفيد,انا عملتها هناك من سنتين فى يوليو 2005 و كان عمرى وقتها 30 عاما و على فكرة السن بيفرق اوى فى تجارب الحقن المجهرى,وكل ما ماكان السن اصغركل ما بتزيد فرص الحمل بمشيئة الله, المهم انا رحت هناك لانى لما سالت عرفت انه المركز الاشهر فى مصر ,الحقيقة اول حاجة ضايقتنى هناك هى الزحام الرهيب فى المركز و كانك فى محطة مصر,والانتظار الطويل الممل لدرجة انى كنت باروح المركز 9 صباحا ادخل للدكتور ابو الغار على 6 مساءا و طبعا على ما ادخله بيكون كشف على حوالى 200 حالة قبلى ,لدرجة انى مرة دخلتله كانت عينيه حمراء جدا و كان تقريبا نايم على نفسه ورد عليا باقتضاب و هو اساسا كلامه قليل جدا و تشدى منه الكلام بالعافية ,و دى برضه حاجة تانية ضايقتنى هناك لانى ما حستش معاه باى اهتمام ولا بالراحة النفسية اللى المفروض تكون بين المريض و الطبيب وكمان مشكلة تانية هناك ان من كتر عدد الحالات الدكاترة ما بيبقوش عارفين انتى مين؟؟ و لا مشكلتك ايه؟؟ و لا عملتى التجربة قبل كدة ولا لا؟ لانهم مش فاكرين انتى مين اساسا و لازم يرجعوا للملف بتاعك ,يعنى كل مرة تروحى كانها اول مرةيشوفوكى و ماحدش فاكرك و لا حد فاكر انتى مين!!!!!! و دى طبعا نقطة مهمة لانها بتقطع همزة الوصل اللى بين الدكتور و المريض, المهم انا لما بدات اعمل التحاليل و الاشعات ,اكتشفوا وجود ورم ليفى فى الرحم و حجمه كان صغير لكن مكانه كان وحش لانه كان فى نفس المكان اللى المفروض الجنين بيزرع نفسه فيها,ابو الغار طلب منى اشيله بمنظار و قاللى لا تقتربى من الرحم بجراحة, و قاللى على دكتور اسمه اسامة شوقى ( منه لله) هو اللى يعملهالى و طبعا رحت له على طول فى مستشفى الابتسامة بمصر الجديدة,وعملت المنظار هناك و بعد ما فقت من البنج جاللى و قاللى لى انى سليمة تماما و ان التجويف الرحمى سليم و انى مش محتاجة اشيل الورم و انى اقدر اروح اعمل الحقن المجهرى ,رجعتلهم على طول بنتيجة المنظار و كان ابو الغار خارج البلاد فبالتالى اللى اخد القرار الدكاترة المساعدين و انقسم راى الاطباء ,البعض يرى انى لازم اشيل الورم الاول بجراحة و البعض يرى انه طالما التجويف الرحمى سليم ,لا توجد مشكلة و ممكن اعملها و تنجح و طبعا ده غلط لانهم المفروض تيم واحد و المفروض يكون قرارهم واحد ,المهم انا اخدت بالراى التانى لانى كنت خايفة من عملية فتح ابطن و قلت اعملها و انا و نصيبى, و عملتها و بدات حقن الديكاببتيل تحت الجلد من اليوم ال20 للدورة و بعدها الميناجون فى العضل لتنشيط المبيضين, و طلعت 8 بويضات و قبل الشفط ب 36 ساعة اخدت حقنة ال HCGو نقلت 3 اجنة فى اليوم التانى من شفط البويضات و باقى الاجنة جمدوها لاستعملها فى محاولة اخرى,و بعد اسبوعين من نقل الاجنة,عملت اختبار الحمل فى الدم و بلغونى بالتليفون انه لا يوجد حمل و ان الاجنة لم تمسك فى بطانة الرحم و وقفت الحقن المثبتة و نزلت الدورة بعد 3 ايام,وبعدها سافرت لزوجى و قلت اريح جسمى شوية من الهرمونات ,و بعدها بسنة ,يعنى فى يوليو 2006 رحت لهم تانى علشان انقل الاجنة المجمدة و قابلت ابو الغار و طلب منى انى اشيل الورم الليفى الاول بجراحة و لكن انا خفت من الجراحة و كمان كنت متغاظة منه لانه بعتنى لاسامة شوقى اللى ضللنى و ضيعلى وقتى على الفاضى و هو اللى قاللى قبل كده ما تقربيش للرحم بالجراحة, و قلت له ان انا عايزة انقل الاجنة و خلاص و فعلا نقلتهم و كانوا اثنين فقط,و برضه بعدها باسبوعين عملت التحليل و برضه طلع مافيش حمل وطبعا اتعقدت من المركز ده و قررت انى ما اروحش هناك تانى ,,انا مش عايزة اضايقك يا لولا او اخوفك ,بس هو ده اللى حصل معايا بالضبط ,واحب اعرفك ان المعمل هناك مش متطور لانهم بينقلوا فى اليوم التانى لاغلب الحالات و دة نسبة نجاحه ضعيفة جدا ,وكل المراكز المتطورة دلوقتى بتنقل فى اليوم الثالث او الخامس و خصوصا اليوم الخامس اللى هى مرحله ال BLASTOCYST نسبة نجاحها عالية و انا نقلت فى مركز جنين فى اليوم الخامس و صحيح التجربة ما كملتش بس على الاقل الاجنة مسكت المرة دى, بس احب اعرفك انى عملت العملية و شلت الورم الليفى الاول قبل ما اروح لجنين ,يعنى حصل حمل وده بيدينى امل انه يمكن فى الحاولة التانية التجربة تنجح و على فكرة انا اتعرفت فى مركز جنين على حالات كتير,كلهم جربوا قبل كده عند ابو الغار و ما نجحتش معاهم و علشان كده بيجربوا مع جنين, و على العموم كل حالة و ليها ظروفها و يمكن انتى يكون حظك حلو مع المركز المصرى ,وانتى لو لازم تعمليها هناك حاولى تبقى مع الدكتور جمال سرور او الدكتورة رجاء منصور لان هما دول اللى ماسكين المركز مع ابو الغار,انا باقترح عليكى انك تبعدى تماما عن التعامل مع ابو الغار لانه غير مريح بالمرة فى التعامل ,وانا تحت امرك فى اى سؤال اخر
    آخر مرة عدل بواسطة meroo2006 : 31-08-2007 في 05:00 PM

  2. #2
    تاريخ التسجيل
    Jun 2007
    الموقع
    فى قلب امى
    الردود
    1,640
    الجنس
    امرأة
    بارك الله فيكى
    وربنا يكتبلك الحمل عاجلا غير اجلا

  3. #3
    تاريخ التسجيل
    Apr 2007
    الموقع
    cairo
    الردود
    4,218
    الجنس
    أنثى
    ميرو حبيبتى جزاكى الله خيرا وان شاء الله بتنجح عمليتك القادمه فى اى مكان تعمليها فيه ان شاء الله ويقر عينك بالذريه لصالحه اللهم امييييييييييين

    حبيبتى انا اخترت المركز طبعا لشهرته ولقربه الشديد من بيتى فقلت هيبقى اسهل عليا المتابعه والقصص دى
    انا كمان ضايقنى الزحام جدا وحدثى ولا حرج على الانتظار ومفيش اى مراعاه انى عندى شغل وخاصه انكل مواعيدهم فى الصباح

    انا ابتديت ابر decapytel من اول يوم الدوره مش عارفه ليه؟؟ وسالتها وهى عارفه انى دكتوره وبرضه معرفتش تفهمنى حاجه ودى حاجه بتضايقنى لانى احب اعرف كل حاجه بتتعمل ليه

    طبعا الارجاع الاجنه تانى يوم طبعا نسبه النجاح ضعيفه جدا ربنا يستر ان شاء الله
    بس خلاص انا ابتديت معاهم وربنا يسهل اللى كاتبه ربى هيكون وهو وحده القادر على كل شىء

    انا متشكره جدا ليكى وان شاء الله ربنا يرزقنا الذريه الصالحه عاجل ليس اجلا ان شاء الله

  4. #4
    تاريخ التسجيل
    Jul 2006
    الموقع
    الكــــQ8ـــويت
    الردود
    10,286
    الجنس
    أنثى
    ربي يرزقج ياحبيبتي ويوفقج ويقر عينج بالحمل السليم من غير اي علاج او عمليات يارب ياكريم
    وربنا قادر على كل شي

  5. #5
    تاريخ التسجيل
    Mar 2007
    الموقع
    متربعه في قلب حبيبي
    الردود
    1,156
    الجنس
    أنثى
    ربنا يرزقكوا الذريه الصالحه عاجلا غير اجلا يا رب

  6. #6
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    لولا ربنا يوفقك يا رب, و تنجح تجربتك من اول مرة, وابقى طمنينى على اخبارك على طول ,ولو عندك اى سؤال انا فى الخدمة,انا عرفت انك بتحضرى ماجيستير تحاليل,انا كمان معايا ماجيستير تحاليل من القصر العينى و ان شاء الله ناويه ارجع مصر فى شهر يناير القادم بعد اداء فريضة الحج مع زوجى علشان اسجل الدكتوراة ,ربنا يوفقك و شدى حيلك و يا ريت نتعرف على بعض اكتر.

  7. #7
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة ~lulu~ عرض الرد
    ربي يرزقج ياحبيبتي ويوفقج ويقر عينج بالحمل السليم من غير اي علاج او عمليات يارب ياكريم
    وربنا قادر على كل شي

    الاخت لولو ,متشكرة اوى على دعائك الجميل ده, وربى كريم و قادر على شىء

  8. #8
    تاريخ التسجيل
    Sep 2006
    الموقع
    بين مصر والكويت مع حبيبى والكتاكيت
    الردود
    1,354
    الجنس
    امرأة
    تعقيب كتبت بواسطة mshmsha_88 عرض الرد
    ربنا يرزقكوا الذريه الصالحه عاجلا غير اجلا يا رب

    ميرسى اوى يا مشمشة ,جزاكى الله كل خير على دعواتك الحلوة لينا

  9. #9
    تاريخ التسجيل
    Nov 2006
    الموقع
    فى مملكتى
    الردود
    3,044
    الجنس
    امرأة
    ربنا يرزقكوا الذريه الصالحه عاجلا غير اجلا يا رب

  10. #10
    تاريخ التسجيل
    Apr 2007
    الموقع
    cairo
    الردود
    4,218
    الجنس
    أنثى

    beatheart

    تعقيب كتبت بواسطة meroo2006 عرض الرد
    لولا ربنا يوفقك يا رب, و تنجح تجربتك من اول مرة, وابقى طمنينى على اخبارك على طول ,ولو عندك اى سؤال انا فى الخدمة,انا عرفت انك بتحضرى ماجيستير تحاليل,انا كمان معايا ماجيستير تحاليل من القصر العينى و ان شاء الله ناويه ارجع مصر فى شهر يناير القادم بعد اداء فريضة الحج مع زوجى علشان اسجل الدكتوراة ,ربنا يوفقك و شدى حيلك و يا ريت نتعرف على بعض اكتر.
    ربنا يخليكى يا حبيبتى ويوفقك ان شاء الله ويرزقنا جميعا الذريه الصالحه ان شاء الله
    وان شاء الله ترجعى بالسلامه و يارييت فعلا نكون اصحاب ان شاء الله
    وشكرا وطبعا اى سوال هاسالك وانتى المسؤله عن الازعاج هههههه

مواضيع مشابهه

  1. تحذير هام خاص بمركز حسام زكى ( جنين) لاطفال الانابيب بالمعادى
    بواسطة ابتسام شفيق في الحمل والولادة و الرضاعة
    الردود: 14
    اخر موضوع: 08-12-2013, 03:05 AM
  2. بنات ممكن تدلوني شي مشفى كويس لاطفال الانابيب بالاردن
    بواسطة strang في الحمل والولادة و الرضاعة
    الردود: 14
    اخر موضوع: 26-11-2010, 12:13 AM
  3. يومياتي في المركزالمصري لاطفال الانابيب
    بواسطة روح العشق حيران في الحمل والولادة و الرضاعة
    الردود: 56
    اخر موضوع: 11-06-2010, 12:14 AM
  4. المركز المصرى لاطفال الانابيب (ابو الغار)
    بواسطة نوناسيما في الحمل والولادة و الرضاعة
    الردود: 7
    اخر موضوع: 08-12-2009, 04:42 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ