السلام عليكم ورحمة الله وبركاته
طبعا اكيد كلكم عارفين انه راس البيبي لازم يكون تحت فالشهر التاسع او احيانا من التامن
بنت خالتي نزل الراس من الشهر السابع
وهنا فالمنتدى شفت كم موضوع بيقولو انهم فالتامن او التاسع والراس ما نزل
انا دحين سارلي فترة مارحت للدكتورة ونفسي اعرف فين الراس تحت ولا فوق؟؟
فبدي اسالكم نقدر نحدد مكان الراس من محل احساسي ((بالفهيقه)) او في ناس يقولولها ((الحازوقة)) ما اعرف لها اسامي تانية اللي هي ((الهيك اب))
اكيد عرفتوها
واكيد تعرفو تميزوها اللي هي بتكون كذا ضربة منتظمين ورا بعض
ماتكون سريعة زي ضربات القلب
ولا تكون قويه زي الرفسات
المهم سارلي فترة تقريبا كل يوم او يوم بعد يوم فالصباح احس بيها اسفل بطني
هل معناه انه راسها تحت؟؟
ولا بس بتصادف انه يكون راسها تحت وتجيها الفهيقه؟؟
ولا ايش تفسيركم؟؟

ياجماعه فين ردودكم؟؟

وانا كمان ياميمي بحس فيها تحت من جهة اليمين بس مابعرف ان كانت تعني انه البيبي ربي يحفظه نازل ولا لا

مشكورة عالمرور والرد يا راني راني,,
انا احس بيها من تحت عاليسار مو اليمين,,

مافي احد يعرف ويرد عليا؟؟

انا بعد مثلج أحس فيها تحت السرة بس ما عرف اذا الراس تحت ..

ما نقدر نحدد الراس فوق ولا تحت من خلال الحازوقه في ناس شاطرين يعرفون باللمس او يمسكون الراس ويعرفون
انا كان عندي الراس فوق وكنت حاسه ان في شيء صلب مدور فوق ولما رحت للدكتورة قالت انه فوق وبعدين نزلته تحت الحمد الله
والحينه كل ما اسير للدكتورة تمسك بس بايدها تحت وتعرف انه تحت او داخل الحوض
فالاحسن الدكتورة هي اللي تعرف او السونار وتشوفين وين الراس

مشكورين عالمرور,,

صباح الخير,,
انا باكتبلكم وحاسه بالفهيقه من تحت ايش رايكم؟؟

انا اولادي من السابع ينزل راسهم تحت وكله تقولي الدكتوره راح تولدين قبل موعدج
وفعلا اثنينهم ولدتهم 36 اسبوع واحد اخر السبوع 36 يوم على 37 اسبوع
والناي اول يوم في اسبوع 36

والحمدلله اوزانهم زينه
الله يرزقج الولاده السهله يارب