مشكورة نونة المجنونة عل الموضوع الشيق والمهم.
للبحث في شبكة لكِ النسائية:
|
مشكورة نونة المجنونة عل الموضوع الشيق والمهم.
العفو حبيبتي وشكرا لك
ههههههههههه والله انك ضحكتيني كتير يمكن اللي خلفو ومايبغو يحملو يتمنو تجيهم هالاجسام بدل مايتعذبو من حبوب منع الحمل
وانا عملت العملية بس مرة وحدة وكنت عارفة انها ماحتنجح بصراحة لانه انا كنت حاسة انه المشكلة عندي حلها أكبر من تلقيح صناعي بس قلت يالله خليني أمشي مع هالدكتور وفعلا مانجحت ورفضت اني أعيدها أبدا لاني متأكدة من فشلها
وبالنسبة للالتصاقت مافي أحد اكتشفها من كل الدكاترة اللي رحت لهم مع اني عملت اشعة الصبغة وطلع في الأشعة انه مافي التصاقات ولا في شي بس دكتوري اللي رحت أعمل عنده التلقيح المجهري عمل لي تحاليل شاملة لكل جسمي وبعدين قللي انه مافي تحليل يثبت الالتصاقات ولكن أكيد أكيد في التصاقات من خلال استنتاجاته وفي فالأشعة جزء بسيط يبيّنها بس هي مو فالقنوات لاء
هي حوالي المبيضين لاني عملت عملية استئصال لأكياس دم فوق المبيض وأنا بنت من حوالي 7 سنين والعملية كانت زي القيصرية بالضبط وهي اللي عملت لي الالتصاقات
ولانه الحيوانات المنوية لما بتحاول توصل للبويضة عندي عشان تلقحها بيكون في التصاقات فيتحول مجرى الحيوانات المنوية للخلف يعني للقولون والأمعاء فبالتالي منطقة الأمعاء اعتبرت الحيوانات المنوية جسم غريب بالنسبة لها و كوّنت أجسام مضادة تقضي عليها وهدي كانت مشكلتي الأساسية والدكتور قللي انه أستعمل عازل مع مضاد حيوي لمدة شهر أو 2 وبتقضي على الأجسام هدي وكمان يعمل لي عملية منظار يفك الالتصاقات الموجودة وبعدها بيصير حمل طبيعي بس متى مابيعرف بالضبط
وانا بصراحة كان مافي أرجع لموّال كل شهر استنى الدورة حتجي ولا لاء عشان كده طلبت منه يعمل لي اخصاب مساعد وهو اختارلي التلقيح المجهري لانها أنسب شيء لحالتي ولانه الرحم عندي سليم والحمدلله نجحت وقللي ممكن مع الحمل تفكّ الالتصاقات كلها وأكيد أكيد حتروح الأجسام المضادة لانه خلاص صار حمل وانشالله بعدها بأحمل طبيعي يارب وماأحتاج لشيء وعقبال ماانتي كمان يارب تحملي
شكرا ياعيوني والله لايحرمنا من طلتك يارب
الله يسلمك ويسمع منك حبيبتي وانشالله عقبال مانفرح بحملك انتي والبنات يارب
جزاك الله خير والله يرزق كل محرومة بالذرية الصالحة
والله يا نونة طمنتيني ربي يطمنك على توأمك وتولديهم بالسلامة
بصراحة أنا صار لي سنة وخمس شهور بس والله نفسي أجيب لو بيبي واحد ...
المشكلة أمي تقول لي ليش مستعجلة ؟؟؟ طيب أنا عمري 28 وزوجي أصغر مني بسنتين بكره الفرص تقل مني ويروح يتزوج علي؟؟؟ وتصدقين ولا وحده من خواتي حملت نحنا 3 بنات أنا وأختي الصغيرة تزوجنا في نفس اليوم لا هي ولا أنا حملنا !!!! وحماتي تولول
وأختي الوسط قعدت 3 سنين لحد ما حملت والحين عندها ولد عمره 4 سنين والله ما رزقها غيره !!!!
سبحان الله الكل يقول عين بس والله برقي نفسي وبقرأ سورة البقرة
باذن الله بصبر لنهاية هالسنة وبعدين بقرر أروح جده وأعمل التلقيح المجهري بس نكون أنا وزوجي وفرنا المصاريف كلها
والله بنصحك من كل قلبي فيه وبالذات بالمركز اللي انا فيه لانه كمان هدا المركز الطبي عندهم طريقة تشريط الجنين من اأطراف عشان يساعد على تغريزه في الرحم وبالفعل سبحان الله معظم الأجنة اللي ما انعمللهم تشريط اتزحلقو وفشلت العملية بس ماشاء الله على سمير عباس رااااااااااائع كطبيب مع اني انا ماحبيته لانه جفص وهمجي وعفش كتير ومتكبر وشايف نفسه بس كطبيب أثبت نفسه حقيقةً في السعودية كلها واي خدمة بتحتاجيها من ارقام او اسئلة عن المركز انا حاضرة حبيبتي وانشالله ماحاقصر معاكي
طيب حبيتي المشكلة كيف أقدر أروح أكثر من مرة على المركز ؟؟
يعني كم مرة أقدر أسافر عشان أجهز لعملية التلقيح ؟؟؟
ممكن تسألين لي حبيبتي لأني بصراحة تحمست بسببج يعني حسستيني بالحماسه وبالأمل
الله يخليج لي يا رب
يعني في مجال أسافر مرة قبل الشهر اللي بسوي فيه عملية وأخذ كل الأدوية وأعمل كل الفحوصات وبعدين أرجع لهم قبل أيام التبويض عشان يسحبون البويضات ويعملوين العملية؟؟؟
ممكن تتأكدين لي يا عمري والله اني بتعبج معاي بس استحمليني
احب اقللك انه معظم اللي بيجو للمركز من بره المملكة
وفي نظام خاص للمغتربين عن جدة
وانتي اللي عليكي انك تجي اول مرة بيطلب منك تحاليييل كتيييييييير وممكن تكون شاااااااملة للجسم ككل
وبعد ماتطلع النتائج حيقللك الحالة اللي عندك وحيعرض عليكي انسب الطرق لحالتك عشان تحملي
وحيستنى موعد الدورة وبيكون كاتبلك على الابر وانتي بمجرد تجيكي الدورة يااما انك تجي جدة مرة تانية وتتابعي التبويض معاهم وهدا الافضل
او انك تتابعي التبويض مع طبيب هناك عندكم وتجي بموعد الابرة المفجرة
وبرضو لاتاخدي كتير على كلامي لانه همّ لهم بروتوكول خاص في التعامل مع الحالات اللي بتجيهم من خارج المملكة اكيد لو جيتي حيقولولك هي ولو بتحبي اعطيكي الرقم تتصلي وتعرفي كل اللي بدك ياه
بس اح الفت نظرك انك تروحي لهم قبل ماتجيكي الدورة لانه في تحاليل لازم تعمليها في ايام الدورة زي البرولاكتين مثلا
مشكووووووووووووووووووووره حبيبتي خلاص عطيني الرقم وأنا بتصل فيهم
الله يجزيج الجنة يا رب تسلمين لي ولكل بنات المنتدى
الروابط المفضلة